Eksplore konesans an kreyòl: atik, diksyonè, gid pratik

Foul

Anpil moun ki reyini ansanm.

Desizyon

Dènye analiz yon moun fè anvan li jwenn yon konklizyon. Jan yon moun deside.

Atansyon

Prekosyon yon moun dwe pran nan kèk sitiyasyon. Kite je, zòrèy fikse sou yon bagay pou wè li, tande li. Atansyon !, Yon son, yon jès yon moun fè pou fè yon lòt moun konprann li gen yon bagay li bezwen gade, koute byen. Eta moun ki pa kapab sispann koute, gade yon bagay.

Etèn

Etèn: Elimine kapasite yon bagay pou li kontinye jwe yon wòl tankou limyè, dife ki ap klere. Koupe sous enèji ki pèmèt yon machin mache. Retire lavi yon moun, yon bèt.

Douvan

Devan. Yon mo kèk peyizan ayisyen plis itilize pou di devan.

Konstriktè

Moun ki konnen ranje plizyè moso ansanm pou reyalize yon imaj nenpòt moun kapab konprann. Moun ki fè bagay tankou kay, bato, e latriye.

Anpechman

Yon fòs ki anpeche yon bagay fèt. Obstak.

Poste

Itilize Lapòs pou voye yon lèt ou byen kèk lòt bagay yon kote. Mete yon siy yon kote pou moun wè li.