Eksplore konesans an kreyòl: atik, diksyonè, gid pratik

Konsyantizasyon

Yon gwo mouvman edikasyon ki te kòmanse nan ane katreven yo nan peyi Ayiti pou fè ayisyen konprann kijan sistèm gouvènman peyi a move pou yo. Mouvman sa a grandi tèlman rapid li kontribye a kraze govènman peyi a nan epòk sa. Edike moun pou fè yo konprann lavi e rekonèt reyalite avèk ilizyon.

Segondè

Segondè: Yon bagay ki vini apre, ki gen priyorite an dezyèm pozisyon. Yon nivo lekòl nan peyi Ayiti ki vini apre lekòl primè.

Preskripsyon

Yon otorizasyon yon doktè bay yon moun pou ale nan yon famasi epi ache yon medikaman leta anpeche moun ache san otorizasyon sa a. Otorizasyon e enstriksyon yon moun bay yon lòt moun pou li fè yon travay.

Nouvèl

Nouvèl: Yon emisyon nan radyo, televizyon ki pale de tout sa ki ap pase nan yon peyi, nan lemond. Enfòmasyon sou yon bagay, yon moun. Nouvèl Jenerasyon, Yon tip mizik ayisyen ki parèt nan ane katreven yo. Gwoup ki fè mizik sa yo chante an Kreyòl yon fason pou separe nouvo stil mizik yo a avèk ansyen mzik yo chantè te konnen chante nan lang Fransè.

Foul

Anpil moun ki reyini ansanm.

Zonyon

Yon boul yon plant donnen anba tè, men pye li grandi sou tè a tankou yon pye siv. Li bay manje bon gou, li pike tankou yon piman anvan li bouyi nan dlo. Lè li bouyi li pèdi gou li paske li bay manje a tout gou li. Moun manje zonyon san kwit tou, nan salad.

Answouj

Yon vil nan Depatman Latibonit la.

Tikè

Tikè: Jan yon moun rele mennaj li pou montre mennaj la li enpòtan pou li tankou kè li. Yon moso papye yon moun resevwa ki bay li yon otorizasyon pou yon kòb li peye yon moun, yon konpayi.