Eksplore konesans an kreyòl: atik, diksyonè, gid pratik

Imaj

Kopi yon bagay. Lonbraj yon bagay.

Pouvwa

Kapasite pou itilize fòs lè gen bezwen pou itilize fòs sa a. Otorite lalwa bay yon moun.

Poul

Yon zwazo domestik ki ponn ze, remen mache plis pase li vole e moun renmen manje vyann li anpil. Eta yon fi ki renmen bay gason kouche li. Aksyon yon elèv lekòl ki ap gade sa yon lòt elèv toupre li ap fè nan yon egzamen pou li fè menm bagay la tou.

Acha

Aksyon yon moun ki achte yon bagay. Yon koutye fè lajan li nan vann kay pou mèt kay yo, men se moun ki fè acha yo ki peye li.

Bourik

Yon bèt kout ki kapab pote anpil chay. Yon bèt ki nan menm fanmiy avèk cheval, men li pi piti pase yon cheval e li gen zòrèy long. Papa yon milèt. Yon moun ki gen rayaksyon vyolan menmsi yon lòt moun byen dous avèk li. Yon moun ki pa konnen jwe, men ki konnen goumen byen.

Divan

Yon kabann an planch ki gen kat pye, yon kadran ki kloure prèske nan tèt kat pye yo avèk moso planch pou somye, yon nat pou matla.

Atizana

Travay yon atizan. Travay yon moun ki bay yon rezilta menm jan yon pwofesyonèl te kapab fè li.

Vaksinen

Bay yon moun yon vaksen pou prepare moun nan kont yon maladi ki toujou atake tou moun nan lavi yo kanmenm.