Entwodiksyon:
Anpoul yo se yon pati omniprezant(ki la toupatou) nan lavi nou chak , li bay ekleraj nan kay, biwo ak espas piblik. Èske w te janm mande ki jan yon anpoul fonksyone?
Konprann konpozan yo:
Yon anpoul limyè enkandesan tipik konsiste de twa pati kle: yon filaman, yon anpoul an vè, ak yon baz. Filaman an, an jeneral fèt avèk yon metal ke yo rele tengstèn, se yon fil mens ki byen vlope andedan anpoul la. Li se eleman enpòtan ki responsab pou pwodiksyon limyè. Anpoul vè a fèmen filaman an, e li pa kite lè antre, paske si lè antre filaman ap boule epi anpoul lan ap sote.
Elektrisite ak Chalè:
Pou opere yon anpoul limyè, li bezwen elektrisite . Lè anpoul la konekte ak yon sikwi elektrik, kouran elektrik pase nan filaman an. Rezistans filaman an lakòz li chofe rapidman, e li monte nan yon tanperati ki wo jiska 2,500 degre Sèlsiyis (4,532 degre Fahrenheit). Chalè ekstrèm sa a lakòz filaman an emèt limyè atravè yon pwosesis ki rele enkandesans.
Enkandesans ak limyè vizib:
Kòm filaman an chofe, li kòmanse klere e emèt limyè. Fenomèn sa a, rive akòz tanperati ki wo ki fè ke atòm nan filaman an vibre trè fò. Atòm vibre yo lage enèji nan fòm foton, ki se ti patikil limyè. Foton sa yo detektab a je yon imen kòm limyè vizib.
Efikasite ak evolisyon:
Anpoul enkandesan, byen ke senp nan konsepsyon li, yo relativman limite. La majorite de enèji elektrik ke yo konsome konvèti an chalè olye de limyè vizib, sa ki fè yo pa trè efikas.
Pou adrese sa a, gen lòt teknoloji altènativ tankou lanp fliyoresan (CFL) ak limyè-emisyon dyòd (LED) yo te devlope. Nouvo teknoloji sa yo sèvi ak mekanis diferan pou pwodwi limyè epi ofri efikasite amelyore, lavi ki pi long ak konsomasyon redui de elektrisite
Leave a Reply