Mokreyol

Aksyon yon moun ki achte yon bagay. Yon koutye fè lajan li nan vann kay pou mèt kay yo, men se moun ki fè acha yo ki peye li.

Fini fè yon travay ki te kòmanse. Finisman.

Pwofesyonèl ki fè imaj yon konstriksyon tankou yon kay. Achitèk la kapab itilize nenpòt materyèl pou fè imaj yon kontriksyon, men mezi yo kapab bay vrè dimansyon konstriksyon an lè enjenyè itilize miltip mezi chak kwen nan imaj la.

Ale kote moun vann machandiz, pran yon bagay epi peye pou li.

Yonn nan senk kontinan yo ki fòme lemond la: Ewòp, Azi, Afrik, Amerik, Oseyanik. Tout moun kwè se nan kontinan sa a moun nwa te premye parèt sou tè a. Enpe moun kwè se sou kontinan sa tout premye èt vivan te parèt sou tè a tou. Moun ki ap chache konnen yo di yo te jwenn zo moun ki pi ansyen an, yon fi yo rele li Lucy, nan lak Victoria sou kontinan Afrik la.

Se non tout moun ki fèt sou kontinan Afrik la.

Rankontre yon moun pou esplike li yon opinyon, koute opinyon moun nan tou. Afwonte yon moun kapab bay yon move rezilta si yonn nan moun gen santiman vyolan.

Pawòl defansif ki soti nan bouch yon moun pou kontrekare opinyon yon lòt moun.

Fè yon bagay vini pi gran. Mèt yon kay kapab mande bòs la pou li agrandi kay la.

Metòd moun itilize pou ede repwodiksyon grenn plant moun manje; konsa toujou gen manje pou moun manje.

Yon moun ki reprezante yon lòt moun nan tout tranzaksyon moun sa te kapab reprezante tèt li. Yon koutye se yon ajan paske li reprezante yon mèt kay, yon lokatè, yon achtè.

Travay yon moun ki reprezante moun nan nenpòt tranzaksyon moun nan te kapab reprezante tèt li.

Yon peyi nan Amerik Sid la, sou kote chili. Moun nan peyi sa pale Espanyòl. Kapital peyi sa rele Bon Lè.

Eta yon bagay ki gen anpil ane depi li te kòmanse egziste.

Eta yon moun lestomak li vid, ki apèn leve nan kabann li apre li fini pase yon nwit ap dòmi e li poko manje manje anyen.

Fè yon bagay, yon aksyon ki kapab byen, ki kapab mal tou.

Yon varyasyon tè ki mou lè li mouye e ki kapab di tankou wòch lè li sèch. Lè ajil fini sèch e pase nan fou, dlo pa kapab fè li mou ankò. Gen ajil wouj, gen ajil jón.

Ranje yon bagay nan fason li te dwe ye a.

Travay yon moun fè pou li ranje yon bagay nan plas li, jan li te dwe ye a.

Yon ti kay kote moun andeyò peyi Ayiti rete pou yo viv. Yon kay ki piti e ki pa sanble avèk yon kay nòmal pou moun viv. Yon ti kay ki fèt avèk pay soti atè pou rive anlè. Li pa kapab pare solèy byen e dlo lapli kapab rantre andedan li.

Mete yon bagay sou yon lòt avèk espwa lòt la ap vini pi plis. Ajoute yon goud sou kat goud pou li vini fè senk goud.

Yon lekòl tradisyonèl ki prepare etidyan pou yo vini pwofesyonèl nan yon branch. Akademi Militè, Yon lekòl kote moun ale pou resevwa edikasyon militè. Apre yon moun fini resevwa edikasyon miltè li kapab ale nan nenpòt gwoup, kò militè.

Yon vil nan peyi Ayiti. Vil sa nan direksyon nò peyi a e yon moun kapab jwenn vil sa lè li ap vwayaje soti Pòtoprens si li itilize Wout Nasyonal Nimewo En an. Se te yonn nan zòn kote moun te konnen kiltive anpil bannann-miske. Istwa rapòte ke fanm ki te koud premye drapo peyi Ayiti a te viv Akayè.

Travay, aksyon yon moun ki akize yon lòt moun.

Yon moun ki akize yon lòt. Yon moun tankou yon pwosekitè ki fè arete yon lòt moun pou moun nan ale tann jijman li nan prizon.

Mete responasblite yon move aksyon, yon krim sou do yon moun.

Dènye bagay ki rete pou fèt pou yon travay fini, akonpli.

Pouse yon bebe ki te andedan vant soti deyò.

Travay, aksyon yon femèl lè li ap pouse yon pitit soti deyò.

Yon ti senbòl kèk lang itilize pou diferansye yon lèt, yon son avèk yon lòt. Fason yon moun pale yon lang etranje; se sa ki fè Ameriken yo di Ayisyen pale Anglè avèk aksan Fransè.

Soti nan yon vitès ki pi dousman pou rive nan yon vitès ki pi rapid. Aksyon yon chofè ki pese akseleratè machin li pi fò pase lòt chofè sou wout la.

Pran yon bagay jan li vini an san chache chanje li.

Fason yon moun aji. Bon Aksyon, Aksyon yon moun ki aji yon fason sosyete a espere li te ap aji. Move Aksyon, Aksyon yon moun ki aji yon fason moun nan sosyete a pa espere li te ap aji.

Eta yon bagay ki te kòmanse fè yon travay e ki kontinye fè travay la. Yon lwa moun oblije obeyi.

Deplasman. Mouvman. Tout mouvman, tout deplasman yon bagay, yon moun. Tout travay moun fè.

Yon nouvèl ki nan bouch tout moun. Yon bagay tout moun ap pali de li san rete pandan yon kantite tan.

Aktè: Yon gason ki kapab jwe wòl yon lòt moun nan nenpòt sitiyasyon. Sa yon aktè fè, sanble anpil avèk sa mèt aksyon an te kapab fè. Si se moun nan ki te nan menm sitiyasyon an li te ap aji menm jan an tou. Yon gason ki kapab kopye tout jès yon moun epi pou li refè yo menm jan avèk moun nan.

Deplase kite yon zòn pou rive nan yon lòt zòn.

Alfabèt: Yon lis lèt ki pèmèt moun ki pale yon lang ekri lang la. Alfabèt lang Kreyòl la gen vennkat lèt nan li: A (majiskil) a (miniskil), B (majiskil) b (miniskil), C (majiskil) c (miniskil), D (majiskil) d (miniskil), E (majiskil) e (miniskil), F (majiskil) f (miniskil), G (majiskil) g (miniskil), H (majiskil) h (miniskil), I (majiskil) i (miniskil), J (majiskil) j (miniskil), K (majiskil) k (miniskil), L (majiskil) l (miniskil), M (majiskil) m (miniskil), N (majiskil) n (miniskil), O (majiskil) o (miniskil), P (majiskil) p (miniskil), R (majiskil) r (miniskil), S (majiskil) s (miniskil), T (majiskil) t (miniskil), U (majiskil) u (miniskil), V (majiskil) v (miniskil), W (majiskil) w (miniskil), Y (majiskil) y (miniskil), Z (majiskil) z (miniskil).

Alimèt: Yon pwodui travayè prepare nan izin pou pèmèt moun kòmanse yon dife byen fasil. Pwodui sa gen yon ti moso bwa avèk yon materyèl ki kapab limen dife si yon moun fwote li sou fas yon bagay ki plat e ki pa mouye.

Ranje plizyè bagay yonn dèyè lòt. Ranje plizyè bagay sou liy.

Yon lis tout mwa ki gen nan yon ane avèk anpil evènman espesyal ki toujou repete nan kèk jou nan ane a. Evènman sa yo kapab selebre nan yonn, plizyè peyi nan lemond.

Yonn nan pi gwo peyi nan istwa kontinan Ewòp la. Almay gen fontyè avèk Frans, Polòy e plizyè lòt peyi. Se nan peyi sa a Adòlf Hitlè, chèf gwoup militè ki te òganize asasina jwif yo, te kòmanse touye moun sa yo.

Yon ekspresyon moun itilize pou salye etranje yo rankontre sou wout yo. Premye mo yon moun di lè li reponn yon telefòn ki te ap sonnen lakay li.

Wotè yon bagay kòmanse soti sou fas lanmè pou rive nan wotè kote bagay la ye a.

Jan moun ki etidye fizik yo esplike elektrisite fonksyone, monte desann. Yon bagay ki kapab itilize nan plas yon lòt lè lòt la pa disponib.

Yon relasyon de, plizyè moun kreye ant yo avèk yon dokiman yo siyen pou yo tout repekte yonn, plizyè kondisyon ki nan dokiman an.

Yon chanjman nan atik nan yon lwa ki chanje siyfikasyon lwa a. Dis premye atik (civil rights) nan konstitisyon peyi Etazini a ki bay nwa avèk lòt minorite nan peyi sa a anpil dwa.

Amatè: Yon moun ki ap pwatike yon metye ki pa vrè pwofesyon li. Yon moun ki pa gen tout abilite pou fè yon djòb. Yon moun ki jwe jwèt pou lajan.

Fè yon aranjman yon bagay pou fè li vini pi bon.

Yonn nan senk kontinan yo nan lemond: Ewòp, Azi, Afrik, Amerik, Oseyanik. Kontinan sa a divize an plizyè pati: Amerik Nò, kote Kanada, Etazini, avèk Meksik ye; Amerik Sid, kote Ajantin, chili, Kolonbi, Venezwela e latriye ye; Amerik Santral, ki gen Ondiras, Beliz e latriye; Amerik Latin nan kote Ayiti, Dominikani e latriye ye.

Non tout moun ki ap viv nan sou kontinan Amerik la. Malgre sa, anpil moun panse Amriken se moun ki ap viv nan peyi Etazini.

Jan yon bagay ye, jan yon bagay dwe ye. An!!!, Ekspresyon kote yon moun ouvri bouch li laj e ki montre yon moman kote moun sa sonje yon bagay.

Travay yon moun ki ap chache konprann yon bagay, yon sitiyasyon.

chache konprann yon bagay, yon sitiyasyon.

Plas tout bagay ki pi ba pase yon lòt bagay.

Mete chay sou yon bagay tankou yon machin, yon bato, yon avyon pou li pote yo ale yon kote.

Mete yon bagay nan bwat. Ranje plizyè bagay tankou kado pou bay moun nan yon bwat.

Fè dan. Bay yon bagay fòm yon dan. Mete yon liy yon paragraf plis sou bò dwat pase kòmansman tout lòt liy avèk paragraf nan yon tèks.

Yon kopozisyon machann vyann ki gen epis avèk vyann kochon ki bay manje bon gou. Soupoudre.

Andòmi: Itilize yon mwayen pou fòse yon èt vivan dòmi. Doktè itilize anestezi anpil pou andòmi malad nan sal operasyon. Majisyen fè moun dòmi san yo pa touche moun nan.

Yon konbinezon twa-san-swasant-senk (365) jou, twa-san-swasant-sis (366) jou ki divize an douz (12) mwa. Senkant-De (52) semèn. Yuit-mil-sèt-san-swasant (8.760) èdtan. Senk-san-venn-senk-mil-sis-san (525.600) minit. Tranteen-milyon-senk-san-trant-sis-mil (31.536.000) segond.

Mete yon bagay andedan yon bwat ki ap resevwa chalè pou fè bagay andedan li a kwit. Yon bagay ki ap anfounen kapab pase plizyè etap tankou chofe, kwit, vini solid, brile. Se moun ki ap anfounen an ki pou konnen konbyen tan li vle bagay la pase andedan fou a.

Espas ant de kò ki lye nan yon pwen, men ki pa ale nan menm direksyon. Espas ant de bagay ki pèpandikilè.

Yon ansyen gran puisans ki te kontwole lemond lontan tankou peyi Etazini ap fè depi apre dezyèm gè mondyal la. Yonn nan kèk dènye peyi nan lemond ki toujou gen fanmiy wayal.

Disparèt menm jan moun vale manje. Eta plizyè bagay ki tonbe nan yon tou epi ki disparèt pou tout tan.

Anglè: Lang moun pale nan plizyè peyi tankou Etazini, Angletè, Afrik Sid avèk anpil lòt peyi toujou. Non moun ki fèt nan peyi Angletè, moun ki pran nasyonalite peyi sa a.

Anpeche yon aksyon, yon travay kontinye. Disparèt yon bagay. Kontribye pou anpeche egzistans yon bagay kontinye. Yon moun ki ap travay sou yon òdinatè kapab anile dènye bagay li soti fè a si li chwazi liy sèvis chanjman an epi Defèt.

Anivèsè: Jou yon evènman te rive pou premye fwa epi moun kontinye selebre li chak fwa jou sa rive nan yon ane.

Eta yon moun ki bezwen itilize tan lib li genyen, men li pa genyen anyen, li pa jwenn anyen pou fè avèk tan lib li yo. Aksyon yon moun ki ap fè yon lòt moun yon bagay moun nan pa renmen e li pa vle sispan fè moun nan bagay la.

Elimine posiblite pou libète egziste. Bare yon moun pou li pa kapab fè yon bagay li vle fè.

Yon fòs ki anpeche yon bagay fèt. Obstak.

Yon kantite ki egzije tan pou konte li. Yon gwo kantite.

Relasyon yon moun avèk yon biznis, yon konpayi, leta ki pwomèt moun nan lajan pou chak travay, pou kantite tan li travay nan biznis la, òganizasyon an.

Moun ki ap travay avèk yon biznis, yon konpayi, yon òganizasyon, leta yon peyi. Yon moun ki gen yon anplwa.

Mete yon moun nan prizon. Pini. Retire libète yon moun te genyen si li mal itilize dwa libète.

Aksyon yon gwoup moun tankou yon jij avèk jiri, nan yon jijman, ki mete yon moun nan prizon.

Kenbe, konsève yon bagay tankou ekriti, son, imaj yon kote pou jwenn li lè gen bezwen pou itilize li. Son ki anrejistre sou kasèt-son, moun kapab koute li menm apre anpil tan. Imaj ki anrejistre sou yon kasèt-imaj, moun kapab gade li nenpòt lè.

Eta yon femèl ki te koupe avèk yon mal nan moman ovilasyon li epi ki gen yon ze, yon timoun, yon ti bèt ki ap fòme nan vant li.

Yon vil nan Depatman Latibonit la.

Eta nenpòt bagay apre plizyè ane fini pase depi li te kòmanse egziste. Tout bagay ki pa kòmanse egziste konnye a, jodia. Yon moun ki pèdi yon tit li te genyen.

chache chemen antant. Aksyon de, plizè moun ki pran yon desizyon ansanm pou yo fè, sispann fè yon bagay tankou sispann goumen nan yon gè.

Kote plizyè lide rankontre pou yo fè yon sèl. Satisfaksyon tout moun ki te gen plizyè lide diferan rive jwenn nan yon sèl opinyon.

Mete yon bagay nan tè epi kouvri li. Sispann pale de yon bagay pou fè moun bliye li. Mete moun mouri nan tè.Fouye tou nan tè, mete yon bagay epi kouvri li avèk menm tè ki te soti nan tou a.

Pwodui chimik ki touye mikwòb. Medikaman ki trete enfeksyon. Prèske non tout medikaman sa yo fini avèk menm de lèt sa yo: in.

Yon kantite tan, yon epòk ki te pase lontan tankou kèk ane anvan Jezi Kris te vini sou tè a pou kontinye kèk ane apre.

Pwodui chimik ki anpeche mikwòb kontinye devlope.

Fè yon baraj nan tout kwen yon bagay. Bare yon bagay tou won.

Yon bagay yon moun fè epi bagay la mete li nan pwoblèm. Yon granmoun wè de timoun ap goumen epi li separe yo. Yonn nan timoun yo ale di granmoun li moun nan te kenbe li pou lòt timoun nan bat li. Bagay sa kapab vini antrav pou moun nan.

Eta yon moun ki nan yon antrav. Yon moun fini vòlè yon machin pou kont li epi li pase chache yon zanmi li pou yo soti. Pandan yo nan lari a polis arete yo pou vòlè machin. Lòt zanmi an ki pate menm konnen vòl la tou antrave paske polis yo pran li pou yon vòlè tou.

Antrénman: Prepare pou yon evènman ki ap vini. Repetisyon. Refè yon bagay pou sonje kijan li te fèt anvan yon prezantasyon an fas yon odyans.

Antèn: Yon ti pwent ki soti nan tèt kèk ti bèt pou pèmèt yonn kominike avèk lòt bèt parèy yo. Yon aparèy pou radyo, televizyon ki pèmèt kominikasyon ant aparèy sa yo pi fasil.

Pran, resevwa priyorite sou yon lòt. Tout lòt vini apre sa ki vini anvan tankou en vini anvan de, de vini anvan twa e latriye.

Moso ki manke pou fè yon lòt rive konplè. Espwa pou jwenn satisfaksyon.

Prèske. Yon ti kras pi plis, pi piti pase yon kantite tankou tan, distans, wotè ki te nesesè.

Eta yon anvlòp lè li gen yon lòt bagay, yon lèt andedan li. Travay yon moun ki fèmen yon bagay andedan yon anvlòp. Travay yon bagay ki kouvri tout kò yon lòt bagay.

Anvlòp: Yon bagay laj ki gen kapasite pou kouvri tout kò yon lòt. Yon moso papye ki vlope tankou yon pòch pou mete yon lèt, fèmen li epi voye li bay mèt li pou ouvri li.

Zewo. San valè. chif ki lye tout nonb pozitif avèk nonb negatif yo. Pozisyon yon moun ki pa pou, ki pa kont yon bagay.

Yon pwodui chimik ki fèt avèk plizyè eleman chimik, men Ayisyen plis itilise pou reveye moun ki endispoze e nan seremoni lwa. Sèvitè lwa yo panse sant la kapab pouse move espri ale lwen malad.

Yon mo, lè li devan yon lòt mo, fè konnen devlopman yon aksyon ki apèn kòmanse.

Tandans pou yon moun kwè sa li wè, tande, santi menm lè sa li wè, tande, santi a pa chita sou pyès verite. Lè nenpòt nan senk sans yo twonpe moun.

Espas vid nan lestomak yon moun ki fè li anvi manje. Yon fòs envizib ki fè yon moun anvi fè yon bagay tankou tout jèn gason gen apeti pou bèl fi.

Bon gou ki ogmante apeti moun pou bagay la. Yon bagay moun toujou anvi manje, jwenn apre yo fini manje li, jwenn li yon premye fwa.

Pran fòs sou yon lòt. Resevwa fòs, asistans de yon lòt. Espwa pou resevwa sa ki nesesè de yon moun.

Bay yon bagay menm fòm avèk fas dlo dòmi. Itilize fòs pou fè wòtè yon bagay diminye.

Rezon ki fè egzistans yon bagay itil. Itilizasyon. Sa moun kapab fè avèk yon bagay.

Itilize yon bagay jan li te fèt pou itilize. Sib yon metòd pou fè yon bagay.

Aksyon moun ki ap frape de plat men yo ansanm pou ankouraje aksyon yon lòt moun. Nenpòt aksyon moun pou ankouraje aksyon lòt rekòmanse.

Ankourajman pou bon aksyon yon moun. Rezon ki genyen pou yon bagay rekòmanse.

Yon ti siy (` ) ki ranplase yon lèt lè moun ap ekri. Lang Fransè itilize apostwòf anpil, men anpil lang pa itilize li.

Douz moun yo ki te toujou ap mache avèk Jezi lè li te ap viv sou tè a. Nenpòt moun ki resposab pote mesaj bay yon lòt moun.

Pran konesans nan koute, li, etidye, fè eksperyans.

Moun ki ap sib tout sa patwon li ap fè pou li fè tou.

Travay yon moun ki ap aprann. Ogmante kantite konesans ki deja egziste a.

Sib sa ki nan pozisyon devan an. Apre Demen, Jou ki sib jou ki ap vini demen an. Apre Midi, Yon minit apre mitan yon jounen pou jis rive sis lè nan aswè.

Montre yon bagay, yon moun li gen valè.

Aksyon yon moun ki montre valè li bay yon bagay. Kòmansman lanmou pou yon moun, yon bagay.

Itilize tout mwayen ki egziste pou vini pi pre yon moun, yon bagay. chache zanmitay nan men yon moun. Kòmanse file yon fi.

Fè yon moun konprann entansyon li, bagay li fè bon. Aksepte lide lòt moun. Bay dwa, otorizasyon pou kontinye avèk yon aksyon ki kòmanse deja.

Apèl: Aksyon yon moun ki rele yon lòt moun nan telefòn, ki rele yon moun.

Apèn: Eta yon bagay ki pa gen lontan depi li pase.

Apèsi: Posiblite pou wè yon bagay anvan li vini egziste nan reyalite. Bay yon ti goute nan yon bagay. Moun ki fè sinema yo toujou fè reklam nan televizyon pou film. Yo bay yon ti apèsi nan film nan. Sa a bay moun yon lide de film nan anvan yo ale wè li.

Ogmante sa ki manke pou rive pi pre pèfeksyon.

Aksyon sou yon moun ki tonbe anba kontwòl militè, polis pou ale tann jijman li nan yon prizon. Apre erestasyon yon moun, moun nan pèdi tout libète, anpil dwa li te genyen.

Tonbe anba kontwòl militè, polis pou ale nan prizon epi tann jijman.

Yon ti bèt entelijan ki gen yuit pye. Yon areye fè nich li tankou yon moso twal. Anpil ayisyen kwè lè yon areye ki gen sèt pye vini pre yon moun se move nouvèl li pote bay moun nan. Poutèt sa yo ap touye li.

Yon ti ponyen moun nan yon sosyete, yon peyi ki gen prèske tout kòb peyi a nan men yo e ki panse yo pi bon pase lòt moun ki pa nan gwoup pa yo a.

Nenpòt moun ki nan yon aristokrasi. Moun ki espere rantre nan aristokrasi e ki kòmanse trete moun nan gwoup pa yo a tankou moun ki gen mwens valè pase yo. Inyoran ki gen lajan. Li difisil pou yon gwoup aristokrat asepte moun nan lòt klas rantre nan gwoup yo a.

Konpòtman nenpòt moun ki nan yon aristokrasi.

Syans ki okipe afè nonb avèk operasyon nonb sa yo.

Anpil moun ki rasanble pou yon menm rezon yon kote. Depite avèk senatè ki rasanble pou diskite e fè lwa pou yon peyi.

Yon kriminèl ki touye moun, pou lajan yon lòt moun peye li.

Aksyon yon asasen sou viktim li.

Kont. Pa mete, pa retire nan kantite, wotè, yon bagay deja ye.

Yon konbinezon plizyè eleman chimik ansanm tankou idwojèn, souf avèk oksijèn. Konbinezon idwojèn, souf, avèk oksijèn bay yon asid ki kreye elektrisite lè li rankontre avèk yon metal tankou plon.

Pawòl yon moun di yon lòt moun pou fè moun nan konte sou li. Yon konpayi moun peye yon ti montan kòb pou konpayi an fè kèk gwo depans pou li lè depans sa yo rive.

Posede, resevwa asirans de yon moun, yon konpayi.

Gwoupman plizyè moun pou yo sib yon lide ansanm pandan yonn ap ede lòt reyalize lide a. Aksyon de moun, pou pi piti, ki mete ansanm pou yo reyalize yon lide tankou ouvri yon biznis.

Yon moun ki ini avèk yon lòt moun, plizyè lòt moun pou reyalize yon lide tankou ouvri yon biznis ansanm.

Asyèt: Yon veso won ki fèt avèk ajil, metal e moun itilize li pou manje. Sa ki andedan yon veso. Plat.

Moun san inifòm, sivil, ki te konnen sèvi gouvènman nan peyi Ayiti. Yo te gen djòb pou chache konnen moun ki pa renmen gouvènman an epi ale di prezidan sa. Sivil nan peyi Ayiti ki te gen plis pouvwa pase militè paske yo te ap travay pou gouvènman an.

Aksyon yon moun ki mache ale devan, dèyè yon lòt moun avèk fòs, gwo mo pou entimide li, touye li tou si sa posib.

Mache rantre sou yon moun avèk fòs, gwo pawòl pou entimide li, touye li tou si sa posib.

Prekosyon yon moun dwe pran nan kèk sitiyasyon. Kite je, zòrèy fikse sou yon bagay pou wè li, tande li. Atansyon !, Yon son, yon jès yon moun fè pou fè yon lòt moun konprann li gen yon bagay li bezwen gade, koute byen. Eta moun ki pa kapab sispann koute, gade yon bagay.

Eta yon moun ki toujou pre pou fè sa ki nesesè depi yon sitiyasyon prezante devan li.

Soti anlè pou vini tonbe sou fas tè a. Yon fason pou fè yon bagay soti anlè epi rive atè.

Aksyon yon bagay ki ateri tankou yon avyon.

Lè yon bagay ki soti anlè ap touche fas tè a.

Atifisyèl: Nenpòt bagay ki pèdi eta natirèl li. Nenpòt bagay ki pa natirèl men moun ranje li yon fason pou li sanble avèk yon bagay natirèl.

Mo nan lang kreyòl la ki pèmèt moun konnen egzateman de kisa yon moun ap pale. Yon atik nan lang Kreyòl vini apre yon mo li akonpaye.

Fòs ki nan yon bagay e ki vle rale nenpòt lòt bagay ki pre li.

Aksyon fòs ki nan yon bagay e ki vle rale nenpòt lòt bagay ki pre li.

Yon moun ki fè travay literè tankou ekri chante, poezi, fè penti e latriye. Yon moun ki konnen kreye imaj nan desen avèk ekriti. Yon atis kapab pran nenpòt imaj ki nan tèt li epi transfòme sou fòm reyalite.

Nenpòt travay yon atis fè. Nenpòt bagay ki gen rapò avèk yon atis.

Fason yon moun chwazi pou li konpòte li nan mitan lòt moun.

Yon moun ki kapab fè yon travay prèske menm jan yon pwofesyonèl fè li. Moun ki itilize men li pou fè yon travay, ki pa itilize machin pou fè travay li.

Travay yon atizan. Travay yon moun ki bay yon rezilta menm jan yon pwofesyonèl te kapab fè li.

Nenpòt moun ki gen abitid fè spò. Moun ki kenbe fòm kò li solid tankou atlèt.

Atlèt: Yon moun ki pratike yon spò pou pwofesyon.

Nenpòt aktivite ki rale moun vini gade e moun pran plezi nan li.

Nenpòt bagay ki kapab fè yon moun gade san rete, bliye tèt li.

Atè: Kole sou fas tè a. Soti anlè epi desann kole sou fas tè a.

Ofri pou yon bagay anvan resepsyon bagay la. Peye lajan pou yon travay ki poko fèt.

Mache nan direksyon devan.

Diferans ki gen nan chanje de ou byen bagay. Sa yon moun resevwa an plis sou yon lòt.

Yon jou ki pase anvan jounen ki te pase anvan jounen yè a.

Jan sitiyasyon yon moun, yon bagay, yon zòn ap ale ye nan yon jou ki gen pou li rive. Yon bagay ki gen pou li rive nan yon tan pyès moun pa kapab konnen anvan li rive tout bon vre. Yon wout, pi gran pase yon ri, pou anpil machin pase ansanm. Li ede moun jwenn anpil espas pou mache de yon zòn a yon lòt nan yon vil.

Yon pwofesyonèl ki etidye lalwa pou defann akize nan tribinal. Moun ki entèprete lwa nan fason pa yo pou defann kliyan nan yon jijman, nan tribinal.

Katriyèm mwa nan yon ane ki gen kat semèn, trant jou nan li.

Aksyon yon moun ki di lòt moun yon verite li konnen e moun sa yo pate ap janm konnen verite sa a si li pate di yo li.

Avwán: Yon soupe ayisyen fè avèk farinay, poud ble. Yon sinistre plizyè peyi tankou Etazini te konnen voye bay ti peyi pòv yo tankou Ayiti.

Pwofesyonèl ki pilote avyon nan lespas. Moun ki kapab pilote avyon nan lespas.

Yon aparèy vitès li pèmèt li vole nan lespas. Pou yon avyon vole li bezwen genyen yon long wout dwat devan li pou li kouri anvan li kapab vole tout bon vre.

Nenpòt bagay ki anpeche yon moun wè reyalite a ki devan li.

Avèk: Yon ekspresyon ki ede lye de mo, de lide, de bagay.

Avèti: Anonse sa ki ap ale rive. Fè konnen sa ki ap ale rive, pase.

Avòtman: Retire yon ze nan vant yon femèl anvan li fini fòme pou soti.

Yon peyi nan Amerik Latin nan ki sou menm il avèk Sendomeng: Ayiti okipe zòn lwès il la e Sendomeng okipe zòn lès la. Premye peyi, nan tan kolonizasyon, ki te pran endepandans li. Premye repiblik ras nwa fòme nan istwa limanite.

Nenpòt jwèt yon jwè oblije mize pou li kontinye patisipe nan li.

Yonn nan senk kontinan yo: Ewòp, Azi, Afrik, Amerik, Oseyanik. Nan kontinan sa a gen peyi tankou chin, Kazakstan, Mongoli, e latriye nan li. Pi gwo peyi a se chin.

B: Dezyèm lèt nan alfabèt lang Kreyòl la.

Yon moun ki resevwa yon diplòm pou etid bakaloreya li.

Yon ti moso metal won avèk yon tou pou dwèt moun rantre. Moun mete bag nan dwèt yo pou fantezi, pou fiyanse, pou marye. Moun fèt pou kontinye mete bag maryaj la tout tan yo rete marye. Yon bag kapab fèt avèk twa metal tankou lajan, lò, dyaman.

San valè. Yon mo ki dekri tout sa moun vle di lè non yo bezwen an pa disponib, pa vle soti nan memwa-kout moun.

Yon nivo etid inivèsitè ki vo kat ane lekòl konsa apre lekòl segondè. Men, anpil moun panse sizyèm ane nan lekòl segondè se yon diplòm bakaloreya.

Reyinyon plizyè moun pou selebre yon evènman, yon okazyon avèk mizik pandan plizyè èdtan. Yon moso metal ki soti nan bouch yon zam apre yon eksplozyon andedan yon zam.

Yon enstriman pou mezire pwa yon bagay, yon moun. Yonn nan siy owoskòp yo. Nivo kote yon bagay gen menm pwa avèk yon lòt.

Fè nivo pwa de bagay vini nan menm nivo. Voye yon bagay nan yon direksyon epi voye li nan lòt direksyon opoze a san rete, pandan yon bon bout tan.

Yon machin mekanik ki kapab balanse pandan anpil tan soti nan yon vitès siperyè jis gravite rive kanpe.

Yon galri, nan yon kay, ki sou anlè. Yon kay ki gen plis pase de etaj.

Balèn: Pi gwo bèt nan lanmè moun rive dekouvri. Li bay pitit li tete tankou moun. Yon sous ekleraj ki gen yon mèch byen ranje nan mitan yon moso souf.

Yon varyasyon nan chèz ki long anpil e li kapab genyen kat pye ou byen plis; konsa plizyè moun kapab chita sou li.

San sans. Enkwayab. Nan nivo konesans prèske tout moun. Konesans ki disponib pou minimòm entelijans.

Yon soupe ayisyen fè avèk bannann. Yo graje bannan nan, mete li bouyi avèk dlo pou jis li kwit. Apre bannann nan fini bouyi yo koule li, mete li sou dife ankò epi mete lèt, kanèl nan li anvan yo sikre li.

Eta zozo yon gason lè li di, kanpe. Sa rive plis lè gason an ansanm avèk yon fi, lè li ap panse a yon fi li anvi, lè li ap panse a yon moman li te pase avèk yon fi, lè li wè fòm koko yon fi anba kilòt li. Band mayetik, Yon riban long ki andedan kasèt ki fèt pou anrejistreman mizik, imaj tankou film ki parèt sou ekran televizyon, sal sinema yo.

Vlope avèk bandaj. Pran yon pozisyon rèd, di.

Yon moun ki pa gen krentif pou anyen, ki pa pè pyès moun. Tapajè. Eta yon moun vyolan.

Yon enstitisyon ki okipe afè lajan pou yon peyi, yon gwoup moun, yon gwoup peyi. Bank sèvi tankou medyatè ant moun ki gen lajan pou prete e moun ki bezwen prete lajan. Kote moun ki gen kòb sere kòb yo. Kote moun mete lajan yo posede pou prete moun ki bezwen prete; konsa yo kapab fè benefis sou lajan yo.

Bankèt: Yon ti bank. Yon tab yon machann mete machandiz pou li vann.

Grenn yon pye bannann. Bannann parèt nan pye a apre yon flè plant sa a fini fleri, seche epi tonbe atè.

Mwayen moun itilize pou bare, separe yon moso tè. Sa ki separe yon bagay avèk yon lòt. Yon mi wo ki anpeche yon kouran dlo vwayaje nan tout libète li.

Anpeche yon lòt kontinye wout li.

Yon tou fon anpil e ki plen dlo. Basen Zim, Yon zòn nan depatman Plato Santral la ki pote non yon bèl kouran dlo ki soti nan yon mòn epi li ap vide nan yon tou fon. Yonn nan pi bèl mèvèy nan depatman sa a.

Baskèt: Yon ti panyen ki fèt avèk latanyen, zo palmis, ti moso banbou. Kèk fwa, yon baskèt gen yon lans.

Depase fòs yon lòt nan yon konfwontasyon.

Rezilta yon diskisyon ki pouse de moun fache, ki pouse plizyè moun rantre nan yon konfwontasyon vyolan.

Yon kokennchenn, gwo kay ki gen plizyè etaj e kontsriktè li bati li sou yon teren laj. Yon gwo konstriksyon ki chita sou lanmè, ki vwayaje sou lanmè.

Patisipe nan yon batèm.

Yon gwo konstriksyon ki chita sou lanmè e ki kapab vwayaje sou lanmè tou.

Yon bout bwa ki rive wotè senti yon moun e moun kapab apiye sou li pou pran fòs pou mache. Kou yon moun bay yon lòt moun.

Yon sous elektrisite ki dire yon kantite tan. Sous elektrisite sa diminye piti, piti, pou jis li disparèt. Yon pwazon majik ayisyen mete sou wout yon moun pou touye li.

Batèm: Resevwa lespri-sen nan yon seremoni relijye. Inisye, rantre nan yon bagay pou premye fwa.

Transfere yon pwopriyete soti nan men yon moun pou ale nan men yon lòt moun.

Bayonèt: Yon kouto long, de bò file, pwenti, moun lontan yo te konnen itilize pou batay nan lagè. Moun sa yo pate gen zam ki genyen konnye a pou batay, se ki fè yo te konnen itilize bayonèt.

Pozisyon kote yon bagay chita. Nenpòt kote yon bagay jwenn sipò li.

Eta moun ki mete feblès li, espwa li, sou yon lòt moun san itilize potansyalite li genyen.

Yon timoun piti ki baze nèt ale sou granmoun li, manman li plis, pou tout bezwen.

Difikilte pou mo soti nan bouch yon moun , pou yon moun jwenn mo, pou pale.

Non yon peyi sou kontinan Amerik la e nan Amerik Santral la. Kapital Beliz se Bèlmopan.

Rele Bondye pou voye lespri-sen an vini sou yonn, plizyè moun.

Kòb yon moun fè anplis lè li vann yon bagay. Nenpòt sa yon moun resevwa anplis sou yon bagay li bay pou yon lòt, li chanje.

Resevwa yon benefis. Resevwa yon bagay anplis pou yon bagay ki vann, ki chanje.

Eta yon moun, yon bagay tankou manje moun ap ale manje, ki resevwa benediksyon.

Rantre yon kò nan yon likid ou byen nenpòt lòt bagay. Yon machin kapab pase sou yon wout epi benyen moun avèk pousyè. Lave yon kò avèk dlo.

Mete yon bagay mou sou yon bagay di epi plati bagay mou an jis li pa kapab plati ankò. Pase bè, manba sou pen, kasav e latriye.

Berejèn: Grenn vyolèt yon plant kout donnen e li fè bon legim anpil ayisyen renmen. Gen anpil ayisyen ki pa manje li tou paske berejèn fè moun sa yo malad.

Diminye wotè.

Aksyon, langaj sal yon moun ki pa sanble avèk langaj sosyete a espere de li. Mo sosyete a pa vle tande ap soti nan bouch moun. Erè yon moun fè.

Pran direksyon sosyete a pa espere, leve kanpe kont bon bagay. Fè move chwa.

Yon jwèt kat ki ekzije 128 fèy kat pou jwe li. Nan jwèt kat sa a, wa yo marye avèk rèn yo e yon jwè kapab demarye yo. Si yon jwè kente li fè, pi gwo pwen yon jwè kapab fè yon sèl kou sa a, 250 pwen.

Nenpòt kantite ki manke pou fè yon bagay konplè.

Premye liv moun ekri, pi ansyen liv ki egziste. Gen anpil liv nan Bib la. Prèske chak apot Jezi Kris yo te ekri yonn nan liv sa yo. Kèk nan liv yo se travay plizyè apot ansanm.

Bibliyotèk: Yon kokennchenn liv ki rasanble ansanm yon sèl kote pou lektè jwenn pou yo li. Lekti nan prèske tout bibliyotèk gratis. Men, yon moun oblije gen kat yon bibliyotèk pou li kapab ale lakay li avèk yon liv. Anpil liv yon moun ranje nan yon kwen lakay li.

Ti imaj kèk gwo bagay moun mete andedan kay yo pou fè yon pati nan kay la bèl. Pwodiktè yo itilize materyèl tankou ajil pou fè biblo.

Yon boutèy avèk tetin pou nouri bebe.

Yon moso metal tankou lajan, lò, dyaman yon pwofesyonèl prepare sou fòm yon bag, yon chèn, yon zanno, yon bwaslè.

Yon bri sèk ki fèt, men moun ki tande li pa kapab konnen ki kote li te soti. Repons yon bipè lè yon moun voye yon mesaj nan li. Son yon bagay ki tonbe.

Bipè: Yon ti aparèy elektwonik moun itilize pou resevwa mesaj ki soti nan yon aparèy telefòn.

Repetisyon yon bagay paske yon odyans mande li yon lòt fwa anplis. Yon gwo machin ki sanble avèk yon kamyon, men pasaje kapab rantre andedan li pou vwayaje. Pasaje yon bis kapab evite chanjmann nan tanperati a tankou lapli avèk solèy cho.

Bisiklèt: Yon veyikil ki gen de wou, chèn avèk pedal pou li deplase. Moun ki monte yon bisiklèt oblije kenbe gidon li dwat pandan li ap pedale. San sa, bisiklèt la pa kapab rete dwat sou wout li e moun nan ap tonbe.

Yon tab ki gen tiwa pou mete plim, papye, kreyon, e latriye. Yon chanm, yon kay moun ki ap fè biznis itilize pou resevwa kliyan yo. Yon chanm andedan yon biznis kote responsab biznis la fè tout travay li.

Biyè: Lajan papye. Yon moso papye yon moun itilize pou voye yon mesaj lè li pa prepare pou fè lèt nòmal.

Vann machandis, sèvis pwofesyonèl. Yon kay ki gen moun ki ap fè machandiz, vann machandiz, vann pwofesyonèl sèvis andedan li.

Yon konvèsasyon sou anpil bagay san konsantre sou yon sijè an patikilye. Moun bay blag avèk moun ki nan menm jenerasyon avèk yo ou byen anviwon menm laj avèk yo. Yon diskou ki fè odyans la ri.

Pale de anpil bagay san konsantre sou yonn. Divage. Bay blag avèk lòt moun.

Responsablite ki tonbe sou do yon moun pou aksyon li.

Mete responsablite sou do yon moun pou aksyon.

Koulè, non yon ras moun. Koulè nòmal dan moun. Yonn nan kat koulè moun ki egziste sou tè a: blan, wouj, jón, nwa. San tach, san peche.

Fè yon bagay vini gen koulè blan. Retire malpwoprete nan yon bagay.

Disparisyon vrè vizaj, koulè orijinal yon moun, yon bagay.

Yon koulè ki sanble avèk koulè syèl la, koulè yon basen dlo. Ble maren, Yon koulè ble ki prèske nwa. Yon vejetab fèmye kiltive nan peyi Etazini e yo fè farin avèk li.

Fè yon moun, yon bagay mal. Koupe kò yon èt vivan pou san soti. Di yon moun pawòl ki fè li mal. Di yon moun yon verite li ap eseye evite.

Bay manti. Di moun yon bagay ki pa vrè avèk espwa moun nan ap kwè bagay sa a vrè. Aksyon yon jwè pokè ki pa gen kat nan men li pou li genyen yon pati pokè epi li mize plis lajan pou fè lòt jwè panse li ap genyen jwèt la.

Anpeche yon moun, yon bagay kontenye yon bagay ki te kòmanse.

Rale lè rantre nan yon bouch ki kole avèk yon lòt bouch, nenpòt lòt bagay tankou figi yon moun.

Yon bagay ki vlope avèk fil. Yon aparèy elektwonik ki fè kouran vwayaje an won pou kreye yon jaden manyetik, konsa yon metal nan jaden manyetik la tounen leman.

Vire an won. Aksyon yon bagay ki ap vire an won. Vlope yon bagay avèk fil.

Tout bagay ki ale egzateman jan sosyete a espere li te dwe ale. Tout bagay moun renmen gen nan bouch li. Yon nouriti moun renmen. Nenpòt sa ki fè yon moun santi li byen.

Eta yon bagay ki ale frape yon kote epi li retounen nan direksyon li te soti.

Espri diven tout relijye kwè ki kreye syèl la avèk tè a. Gran frè Satan ki te chase Satan epi voye li sou tè a paske Satan te vle pran lemond nan men li. Yon sèl espri tout relijye ap sèvi. Yon espri ki toujou prezan.

Yon mo moun nan ti kiminote yo itilize pou salye lòt moun yo rankontre nan maten. Swè yon moun fè yon lòt pou jounen moun sa pase byen.

Yon veso won, fon moun itilize sou dife pou fè manje pou plizyè moun manje. Manje ki fini fèt nan bonm ale nan asyèt, bòl pou moun manje. Yon kannistè eksplozif ki kapab fè anpil dega tankou touye moun, kraze kay.

Yon mo moun nan ti kominote yo itilize pou salye yon lòt moun lè yo rankontre li aswè, apre mitan jounen an. Swè yon moun fè yon lòt avèk espwa sware moun nan ap ale pase byen.

Kalite yon moun genyen ki ale nan direksyon sosyete kote li ap viv konsidere kòm bon. Eta yon moun ki renmen ede lòt moun ki nan bezwen.

Pi piti nan twa timoun yon manman fè pandan yon sèl akouchman.

Gade bèbè.

Pati nan kò yon fi ki pi entim pou li plis pase tout rès kò li. Kote yon fi itilize pou pipi, koupe, pouse pitit soti nan vant li, pran plezi.

Yon tou kote yon bagay kapab antre andedan yon lòt. Yon tou nan figi moun e anba nen moun. Moun itilize li pou manje bwè, pale, chante e latriye.

Elimine yon bouch. San entelijans, edikasyon, kontak avèk moun eklere, sosyete sivilize.

Pati nan yon pye bwa ki touche tè a. Pati dèyè kò moun ant do li e janm li. Moun itilize tou ki nan mitan bouda li pou pouse poupou deyò. Se pati sa a nan kò fi anpil gason toujou enterese gade plis.

Yon bagay fo yon moun bay yon lòt moun, san lòt moun nan pa konnen, pou yon bon bagay.

Prèske menm bagay avèk balèn. Yon fabrikasyon ayisyen ki gen yon mèch koton avèk lasi; konsa li kapab boule pou bay limyè. Pè avèk pastè itilize balèn nan legliz, bòkò itilize bouji nan badji. Kidonk bouji se yon enstriman pou rele lespri yo.

Lè yon plant, yon pye bwa, branch yon pye bwa kòmanse grandi.

Moun nan ansyen sosyete fransè yo ki te gen tout pouvwa politik, ekonomik, e latriye. Moun nan sosyete ayisyen yo ki panse yo siperyè mas pèp la e ki gen pouvwa ekonomik e politik nan men yo. Yon ti gwoup moun ki fè sa yo vle nan peyi a paske yo gen gwo lajan nan men yo. Boujwazi, Denominasyon gwoup boujwa yo. Nenpòt kouch nan sosyete anyisyen an ki panse li siperyè mas peyi a e ki gen pouvwa ekonomik e politik peyi a nan men yo.

Ti vil nan peyi Ayiti. Yon komin, pou moun andeyò ti vil sa a, ki reprezante yon gwo vil. Yon pati nan yon sentiwon ki ede moun boukle sentiwon an. Bouk Kabrit, Yon mal kabrit.

Yon flanm dife moun prepare pou diminye fatray, pou fè espas, pou boukannen yon bagay, pou chofaj.

Mete, yon bagay pou moun manje, sou flanm dife pou jis li vini mou, li kwit. Mete yon bagay nan boukan dife.

Yon karaktè nan lejand ayisyen ki toujou gen pou li kontrekare Timalis. Yon moun ki kapab pote anpil chay.

Yon peyi nan nò lwès kontinan Afrik la.

Kole de pwent yon sentiwon ansanm pou li kapab peze yon rad sou senti moun; konsa rad la pa kapab glise desann.

Nenpòt bagay ki won. Yon bagay won moun itilize pou jwe volebòl, foutbòl, e latriye. Pati nan yon bagay ki pouse sou deyò.

Yon kay ki gen yon fou andedan li e moun itilize pou kwit pen, gato, bonbon, e latriye. Nan gwo vil Ayiti yo, anpil boulanje gen yon fou an metal ki brile gaz ou byen elektrisite. Nan vil pwovens yo, moun yo fè fou yo avèk labou e wòch ou byen mòtye e wòch ou byen brik. Fou sa yo gwo anpil e yo kapab anfounen anpil plato pen an menm tan.

Resevwa twòp chalè pou vini transfòme an dife. Kole dife sou yon kò ki pa kapab tolere dife, chalè a. Kole dife sou yon kò ki pa tolere dife pou jis li vini koulè nwa e fasil pou kraze, jis li kraze menm.

Yon moso metal avèk filyè sou kote yon tou won andedan li. Deyò yon boulon gen kat, senk, ou byen sis kwen; konsa yon kle kapab kenbe li pou boulonnen yon vis.

Vise. Mete yon boulon nan pwent yon vis epi vire li pou filyè boulon an rantre nan fliyè vis la pou jis boulon an mache kont sou vis la.

Yon gran ri nan mitan yon vil.

Boulvèse: Toumante. Eta yon moun ki pa kapab reflechi nòmalman, ki anvi vwomi kèk. Eta yon moun ki pa janm kontinye yon travay, yon konvèsasyon, anyen ditou lè li kòmanse li.

Boulèt: Yon ti boul. Yon boul ki soti nan bouch yon kanno. Yon ti boul ki fèt avèk vyann e ki fri nan lwil.

Eklatman. Aparisyon plisyè bagay ansanm. Yon bri tout moun ki pre ap toujou tande kapab gen anpil dega ki kontinye apre li.

Yon bèt kout ki kapab pote anpil chay. Yon bèt ki nan menm fanmiy avèk cheval, men li pi piti pase yon cheval e li gen zòrèy long. Papa yon milèt. Yon moun ki gen rayaksyon vyolan menmsi yon lòt moun byen dous avèk li. Yon moun ki pa konnen jwe, men ki konnen goumen byen.

Travay anpil, pote anpil chay tankou yon bourik.

Yon ti sak fi kenbe nan men yo lè yo soti lakay yo e ki kapab genyen kòb, fa e latriye andedan li. Yon ti sak ki vlope an de pou gason mete tout enfòmasyon enpòtan yo bezwen kenbe nan pòch yo avèk lajan pou yo depanse.

Pouse moun, yon bagay soti nan yon pozisyon avèk anpil fòs.

Moso nan yon bagay. Finisman yon bagay, yon travay, yon wout, yon devwa.

Yon ti moso zo, metal avèk de ou byen kat ti tou nan li ki pèmèt moun fèmen rad sou yo. Yon ti boul maladi ki grandi soti nan kò yon èt vivan. Yon ti moso plastik, metal teknisyen mete sou deyò yon aparèy pou pèmèt moun ki ap itilize aparèy la kontwole pyès andedan aparèy sa a.

Rantre bouton nan yon rad nan tou ki fèt pou sa.

Boutèy: Yon resipyan bouch li kapab gen lajè kont pou yon dwèt pous rantre, men anba li kapab kenbe anpil likid.

Mouvman yon likid ki nan yon resipyan ap fè lè chalè touche kò resipyan epi pouse tanperati li rive a san degre. Mouvman anlè, sou fas yon likid ki se rezilta yon lòt mouvman ki ap fèt anba likid sa a.

Yon manje fòtifyan ki gen legim, vyann, avèk viv nan li. Premye tèks yon moun ekri avèk entansyon pou korije li anvan odyans li wè tèks sa a.

Yon fi ki kouche avèk nenpòt gason san li pa chwazi gason sa yo. Yon poul. Yon moun ki fè lanmou avèk yon lòt moun pou lajan. Yon moun ki vann yon pati nan kò pou lajan.

Yon gwo peyi nan Amerik Sid la kote moun yo pale Pòtigè. Li kole avèk Ajantin.

Nenpòt son ki an dezòd. Yon son ki pi wo pase sa ki te egziste anvan li.

Yon ti moso mòtye moun prepare avèk ajil wouj epi yo anfounen li. Mason itilize brik pou fè mi pou kay e latriye.

Gade Boule.

Pati entim nan kò yon gason. Ponyèt yon moun. Moso yon plant, tout kò plant la menm. Anpil peyizan ayisyen di bwa mango fè bon planch.

Yon pye bwa peyizan itilize branch li pou fè lantouray, manche wou e latriye. Menm pye bwa sa boujonnen fèy kabrit renmen manje.

Rantre bwa nan yon bagay epi vire bwa a tou won andedan bagay la. Si yon moun ap eseye vire ren li tou won, moun kapab di li ap bwase ren li.

Yon bagay ki gen sis fas.

Bwè: Mete yon likid nan bouch pou li glise desann nan vant. Fè likid rantre nan yon lòt kò.

Bwòs: Yon moso materyèl plat ki gen anpil ti dan tankou plim ki kanpe nan li; konsa lè li pase sou yon fasad li rabote tout sa ki te sou wout li.

Tout sa ki bon, ki fèt jan sosyete a espere li te sipoze fèt. Bondye.

Moun ki fè byen.

Aksyon yon moun ki fè byen.

Yon entansyon pou fè byen ki bay satisfaksyon a moun ki benefisye byen an.

Yon moun ki aksepte responsablite pou siveye yon moun, yon bagay pou anyen mal pa rive.

Aksyon yon moun ki aksepte responsablite pou voye je sou yon bagay pou anyen mal pa rive.

Byè: Yon bwason ki gen alkòl nan li. Moun ki fè byè yo itilize dlo kann pou fè li.

Bè: Yon pwodui ki soti nan lèt avèk anpil lòt materyèl ankò tankou pistach.

Bèf: Yon gwo bèt ki manje zèb e ki kapab rale manje soti nan vant li pou manje lè li grangou. Yon bèf gen de kòn, de zòrèy, yon gwo tèt, yon gwo bouch, yon gwo lang, kat gwo pye avèk yon ke long. Bèf gen yon son li fè ki sonnen tankou: Mmmmou…

Bèj: Yon koulè ki ant koulè jón avèk koulè gris.

Bèk: Yon ògán nan tout zwazo ki jwe menm wòl bouch jwe pou moun. Yo itilize bèk la pou manje, chante, defann tèt yo e atake énmi yo. Bouch zwazo.

Bèlfi: Yon fi ki marye avèk pitit gason de paran. Pitit fi yon mari ou byen yon madanm ki pa pitit lòt mari ou byen madanm nan.

Yon peyi nan nò Frans ki gen fontyè avèk Almay. Lang yo se Flaman avèk Fransè. Kapital peyi sa se Briksèl.

Bèlmè: Manman mari ou byen madanm de moun ki marye. Yon madanm ki pa manman pitit yon mari.

Bèlsè: Sè madanm ou byen sè mari de moun ki marye. Madanm frè yon moun.

Bèso: Yon kabann ki fèt pou ti bebe kouche.

Bèt: Nenpòt èt vivan ki pa moun e ki pa sanble avèk moun. Yon bèt pa kapab pale avèk moun e li pa gen menm entelijans avèk moun.

Bòdi: Sou kote nenpòt bagay. Nenpòt bò ki te ogmante pou fè yon bagay pi solid.

Bòfrè: Mari sè yon moun. Frè madanm yon mari.

Bòkò: Yon gason e yon dirijan seremoni lwa tankou vodou nan peyi Ayiti. Yon gason e yon doktè fèy ki itilize espri sinatirèl pou konpoze medikaman li. Yon dirijan move espri ki touye moun. Yon sèvitè lwa ki pèmèt lwa yo itilize kò li pou yo kominike avèk vivan yo, pitit fèy yo.

Bòl: Yon veso won e fon pou moun mete manje. Yon bòl pi bon pou sèvi bouyon avèk sòs paske asyèt twò plat pou djòb sa a.

Bòlèt: Lotri peyi Ayiti a. Ayisyen jwe bòlèt an kachèt nan kèk lòt peyi tankou Etazini. Yo telefone moun nan peyi Ayiti pou konnen ki boul ki soti nan jou sa a.

Bòpè: Mari manman yon moun lè mari a pa papa pitit manman.

Bòs: Moun ki konnen kijan pou li fè, ranje yon bagay ki kase, ki pa fonksyone byen. Pwofesyonèl nan ti zòn peyi Ayiti yo tankou ebenis, òfèv, e latriye.

Bòy: Yon boul ayisyen prepare avèk farin frans pou mete nan bouyon. Andedan bòy pa janm fini kwit tout bon vre, men anpil ayisyen renmen manje li. Yo mete li nan sòs vyann tou.

C: Twazyèm lèt nan alfabèt lang Kreyòl la. Li kapab ranplase lèt "K" ou byen lèt "S" pou ekri yon mo.

Yon konpayi, yon mak machin ameriken moun te konsidere tankou yon gwo mak lè li te premye rantre sou mache mondyal la. Non an toujou rete gwo paske pa gen lòt machin ki ranplase Cadillac tout bon vre.

Yon gwo peyi nan Amerik Nò a e nan nò Etazini. Li divize an de pati: Kebèk avèk Montreal. Moun Montreal pale Fransè e moun Kebèk pale Anglè. Peyi sa gen yon gouvènman rwayalis; konsa yo pa gen prezidan. Se yon premye minis ki gouvène peyi a.

Cap-Haïtien: Gade Kap-Ayisyen.

Fouye nan mitan plizyè bagay pou rive jwenn yon bagay. Gade plizyè bagay byen pou rive jwenn yonn, pou pi piti, nan li.

Yon gwo grenn yon pye bwa donnen e ki sanble avèk zoranj anpil. Yon chadèk pi gwo pase zoranj, li won menm jan avèk zoranj e yo gen menm koulè, jón. Li difisil pou yon moun ki pa konnen de fri yo byen pou fè diferans ant gou ji yo de a.

Yonn pa yonn. Yonn nan yon pozisyon pou kont li.

chalè: Yon wotè tanperati a monte ki fè moun santi lè a cho. chalè fè moun swe, esoufle e malad. Nan peyi Etazini, chalè konnen touye moun ki gen pwoblèm sante.

Yonn nan chak gwo divizyon, pati yon liv kote ekriven an pale de yon sijè ki sanble li diferan de lòt pati nan liv la. Travay yon bòkò fè pou yon moun ki vini kote li pou chache konnen yon verite.

Yon ti legliz katolik nan yon ti kominote. Yon legliz katolik nan yon seksyon-riral nan peyi Ayiti.

Yon bèl ti bèt ki gen zòrèy kanpe, tèt won, ki fè yon son nan gòj li tankou: miyaw, miyaw, … Gen yon lòt son san rete e endepandan de volonte chat la ki toujou ap fèt nan gòj li tou. Moun ki soufri maladi, Las, gen menm son sa a nan gòj yo tou. Koko fi.

Pran yon pozisyon tankou lè tèt la vini anba epi pye yo ale anlè. Yon machin ki kouche sou yon kwen li, tèt anba, nan yon falèz.

Wout. Nenpòt mwayen moun itilize pou rive yon kote, jwenn yon bagay. Jezi Kris.

Yon rad gason mete sou yo pou kouvri kò yo soti nan kou yo pou rive nan senti yo. Yon chemiz gen yon kòlèt, de manch kout ou byen long, yon pòch (pou pi piti) sou bò goch la e sou lestomak gason a. Yon chemiz fann sou devan epi li gen bouton pou fèmen li kote li fann nan.

Yon rad gason mete sou yo e anba chemiz yo. chemizèt pa genyen manch menm jan avèk chemiz e yo pa ouvri devan tou.

Yon non yon moun bay yon lòt moun ki enpòtan nan lavi li tankou mennaj, mari, madanm, frè, sè e latriye. Nan anpil sosyete se moun ki gen sèks opoze yo ki di lòt la cheri.

Yon gwo bèt ki gen ke long, kat pye, gwo tèt. Moun fè cheval rale, pote chay e moun monte li tou. cheval kapab kouri vit anpil; se sa ki fè gen anpil teren kote moun prepare pou fè kous cheval. Yon femèl cheval kapab fè yon pitit ki rele milèt lè li kwaze avèk yon mal bourik. chwal.

Plim. Plim ki grandi nan tèt, anba zèsèl moun, toupre koko fi, zozo gason e sou kò anpil bèt tankou poul, cheval, e latriye.

Yon konpayi, mak machin ameriken ki gen yon senbòl ki senble avèk de rektang, yonn kwaze sou lòt la.

Eta yon bagay ki gen anpil mak sou li, ki pate egziste lè li te nèf. Eta yon rad ki pa pase.

Etid syantifik konpozisyon avèk reyaksyon tout eleman nan lanati. Yon syans.

Yon materyèl ki gen pou pi piti yonn nan eleman chimi yo nan li.

Pi gwo peyi nan kontinan Azi a e li gen fontyè avèk pliske dis peyi. Kapital peyi sa a rele Bejin e moun la pale anpil lang. Yon pa itilize alfabèt tankou alfabèt lang Kreyòl la. Yo itilize senbòl ki sanble avèk sa yo vle di a pou ekri yon mo. Moun ki ap li tèks lang sa kòmanse li a dwat pou rive a goch. Gen plis pase 1.008.175.288 moun ki ap viv nan peyi chin.

Dekole moso nan yon bagay san pran prekosyon kijan bagay la ap dekole. Aksyon yon gason ki fòse zozo li rantre nan koko yon ti fi. Kreve.

Eta yon moun ki plwaye kò li yon fason pou li kapab fè dèyè li rive sou yon bagay tankou yon chèz kote li kapab lage tout rès kò li desann.

Eta yon bagay ki resevwa chalè. Pèfòmans, yon moun, yon atis tankou yon chantè. Aksyon yon moun ki ap chache montre sa li genyen, kò li, yon bagay li posede.

Resipyan moun itilize pou mete manje bouyi sou dife.

Eta yon bagay nan moman li ap resevwa chalè. Eta yon ti gason, yon ti fi ki anvi gen mennaj. Moun panse timoun sa gen anpil chalè (anvi fè lanmou) ki ap grandi andedan li.

Pati nan yon wout ki nan mitan de liy kote yon machin kapab pase a. Yon ri kapab genyen de ou byen plizyè choche.

Yon ti sak moun mete nan pye yo pou anpeche soulye fwote dirèkteman nan pye yo.

Yon vejetab ki bon pou mete nan bouyon e legim. Yon pati nan pye palmis ki kouvri avèk anpil tach. Tach ki poko rèk pou parèt deyò. Ti gou sikre li genyen an fè li fè bon legim tou.

Rès dèyè yon bagay tankou yon pye bwa ki kase. Rès yon dan ki kase nan bouch yon moun, yon bèt.

Yon ti chouk. Yon moun ki pa grandi tankou moun nòmal grandi.

Yon konpayi, mak machin ameriken.

Libète yon moun genyen pou li kapab chwazi. Plizyè bagay ki disponib pou yon moun pran nenpòt nan yo li vle.

cheval. Yon gwo bèt ki gen ke long, kat pye, gwo tèt. Moun fè cheval rale, pote chay e yo monte li tou. cheval kapab kouri vit anpil; se sa ki fè gen anpil teren kote moun prepare pou fè kous cheval. Yon femèl cheval kapab fè yon pitit ki rele milèt lè li kwaze avèk yon mal bourik.

Travay yon moun ki itilize libète li genyen pou pran nenpòt nan plizyè bagay ki disponib.

Yon bèt ki bon zanmi moun lè moun nan trete li byen. Yon chyen gen kat pye, yon ke long, bouch long. chyen kapab mechan pou moun li pa konnen. Li toujou vle pwoteje mèt li kont moun li kwè ki ap ale atake mèt. Kèk chyen byen avèk tout moun menmsi se premye fwa yo wè moun nan. Lè yon mal chyen ap kwaze yon femèl, li ap kole avèk femèl la pou jis li fini voye. chyen zanmi chat.

chèch: Eta yon bagay, yon moun, ki piti devan gwosè nòmal moun sipose li te dwe ye. Yon moun anpil nan zo kò li vizib. Mèg.

chèf: Moun ki gen pouvwa e fòs pou gouvène tankou yon prezidan, yon wa, e latriye. Nenpòt militè. chèf Seksyon, Non moun ki te reponsab seksyon riral nan peyi Ayiti yo te genyen. chèf seksyon yon te gen anpil pouvwa nan men yo paske yo te milisyen tou.

chèk: Yon moso papye yon bank bay yon kliyan li pou fè konnen moun sa a te fè yon biznis avèk bank la pou kenbe lajan pou li epi peye nenpòt moun ki parèt devan bank la avèk moso papye sa a ki gen non moun nan, yon motan kòb la an chif e an lèt, dat jou a ou byen nenpòt dat rezonab, siyati kliyan bank la.

Yon moso planch ou byen yon kadran ki trese avèk kòd palmis, latanyen e latriye e ki gen kat pye avèk yon dosye pou moun chita.

Malkadi. Manifestasyon yon maladi kèk moun genyen ki fè yo pèdi konesans, tranble anpil epi rele pandan bouch yo ap fè kim.

Yonn nan sen pati ki fòme yon òdinatè (ekran, òdinatè, sourit, klavye, enprimè). Abrevyasyon CPU a soti nan non Anglè a pou Central Processing Unit. An reyalite CPU a se li menm menm ki òdinatè a. Tout lòt pati yo sèlman ede moun avèk òdinatè kominike.

Yon vil nan peyi Ayiti ki tou pre kapital peyi a, nan direksyon nò-lwès e sou wout pou ale nan depatman Sant la. Gade Kwadèboukè.

Gade Kwadèmisyon.

D: Katriyèm lèt nan alfabèt Kreyòl la. Li bay menm son avèk chif "2" ki ekri "De".

Fi ki nan yon bal. Yon ki abiye yon fason respektye ki fè depi moun wè li yo deja devine li se yon madanm. Yon fanm ki respekte tèt li.

Yon jwèt ki jwe avèk 20 pyon pou chak nan de jwè yo. chak fwa opòtinite prezante pou yon jwè jwenn yon espas vid dèyè yon pyon opozan li a epi pase pyon pa li a lòt bò pyon opozan an, li retire yon pyon opozan an nan jwèt la. Jwèt la kontinye konsa jis pyon yon jwè fini pran tout pyon lòt Jwè a anvan. Jwè sa a pèdi. chak fwa pyon yon opozan rive nan liy ki pi pre lòt jwè a, jwè sa a fèt pou li mete yon lòt pyon sou pyon ki rive nan liy sa. Tou de pyon sa yo kapab deplase ansanm pou retire yon lòt pyon nan nenpòt distans sou yon liy dwat.

Yon zòn nan nò Pòtoprens kote pi gwo lekòl agwonomi peyi a sitiye. Tout moun rele lekòl la Damyen tou.

Yon kantite zo ki grandi andedan bouch. Yon moun kapab genyen trant-de dan nan bouch li lè li fini granmoun. Yon timoun kapab genyen venn-kat dan nan bouch li pou yon bon bout tan anvan li rive gen rès yo.

Yon obstak sou wout yon moun ki kapab kòz yon mal tankou lanmò.

Aksyon moun ki ap danse. Dans chèz, Yon dans kote moun ki ap danse yo a fè wonn plizyè chèz, men gen yon dansè an plis ke kantite chèz ki genyen an. chak fwa mizik la sispann jwe, tout moun gen pou yo chache yon chèz pou chita. Moun ki pa jwenn yon chèz pou li chita a ap soti nan dans la ansanm avèk yonn nan chèz yo. Sa kontinye konsa jis yon sèl moun rete nan dans la epi li genyen.

Yon fason moun souke kò yo nan ton yon mizik. Souke kò pandan mizik ap jwe. Souke kò tankou lè mizik ap jwe, menmsi pa gen mizik ki ap jwe.

Jan dan ranje nan bouch. Moun ki gen bèl ranje dan, gen bèl danti. Si dan yon moun fè ès (S), moun sa gen move danti.

Doktè ki te ale lekòl pou etidye dan e ki kapab analize, netwaye dan, mete fo dan pou moun.

Jan dan grandi nan bouch yon moun. Yon etap nan lavi moun kote dan ti bebe ap parèt nan jansib yo yonn apre lòt anvan yon gen venn-kat dan nan bouch yo.

chif ki vini apre en an. En ogmante sou en. Yonn plis yon lòt. Yon ti aparèy koutiryè mete nan pwent dwèt yo pou koud; konsa egiy la pa kapab pike dwèt yo.

Retire chay sou yon bagay. Eta yon bagay, yon moun ki desann soti yon kote.

Yon likid ki soti andedan yon gason, yon mal bèt lè li voye andedan yon fi, yon femèl bèt. Likid sa a gen plizyè milyon spèmatozoyid nan li.

Demare yon bagay, yon moun ki te mare avèk chèn. Yon moun ki aji yon fason ki fè lòt moun panse pa gen anyen ki te kapab anpeche li fè bagay sa a, menm chèn.

Retire yon chouk nan tè. Retire yon moun nan yon pozisyon. Mo sa te popilè anpil nan peyi a nan moman kriz politik ane 1985-90 yo.

Bay yon bagay, yon mo yon definisyon.

Lide ki esplike kisa yon bagay, yon mo vle di; konsa lè moun wè mo sa, bagay sa yo kapab kole lide sa a sou mo a, bagay la.

Defèt: chanje fòm yon bagay ki te fèt deja. Kraze yon bagay.

Yon ti kouch lè ki soti nan bouch yon moun paske moun nan te kite tan pase apre li te santi grangou anvan li manje. Reyaksyon gaz kabonik nan vant moun ki ap chache kote pou yon soti e lè yo soti, yo fè yon bri moun rele gaz tou.

Nivo yon moun, yon bagay rive. Dènye klas yon moun te pase nan yon disiplin lekòl. Yon mezi moun itilize pou kontwole tanperati. Gen twa mezi konsa: Celcius, Fahrenheit, Kelvin.

Ogmante bèl bagay tankou kèk koulè remakab, flè pou fè yon bagay vini bèl tou. Bagay ki kontribye pou dekore yon lòt bagay.

Retire kouti ki te kenbe yon moso twal ou byen nenpòt lòt bagay ki kapab koud.

Enfòme moun sou egzistans yon bagay yo pate janm konnen. Retire kouvèti sou yon bagay ki te kouvri.

Retire kras ki sou yon bagay, yon kò.

Dekòde: Defèt yon kòd yon fason pou dekole de branch ki rantre nan konstitisyon kòd la.

Retire yon gwo chay, yon responsablite , yon akizasyon sou do yon moun. Eta yon manman ki fini pouse yon pitit soti nan vant li.

Aksyon yon mouun ki retire tout responsablite yon djòb sou do li. Aksyon yon moun ki kite yon djòb, ki remèt patwon li yon lèt pou di li retire tèt li nan pozisyon li te okipe a.

Kite yon djòb, bay yon patwon yon lèt demisyon.

Pèdi yon fòm solid pou kraze e vini plat atè.

Jan yon bagay pèdi fòm li epi kraze plat atè. Etap yon bagay pase lè li ap demoli.

Montre potansyalite yon bagay. Montre kisa yon bagay kapab akonpli, kapab fè. Montre kijan yon bagay fonksyone. Mete yon bagay devan je moun, kote pou moun kapab wè li.

Demwazèl: Yon fi ki sanble avèk yonn ki gen tout kalite yon fi bezwen pou li genyen mennaj epi marye. Yon laj lè yon jèn fi rive nan li, moun kwè li kapab gen mennaj, marye. Madmwazèl.

Rache yon bagay moso pa moso; konsa li ap pèdi fòm orijinal li te genyen an.

Yon seksyon, yon pati nan yon bagay ki diferan de rès bagay la, lòt pati nan bagay la. Depatman Grandans, Yonn nan nèf depatman peyi Ayiti yo. Li sitiye an fas Gòlf Lagonav la e nan sid-lwès peyi a. Depatman Latibonit, Yonn nan nèf depatman peyi Ayiti yo e yonn nan twa depatman ki nan mitan peyi a tou. Se la ayisyen kiltive plis diri e gen anpil zòn istorik nan depatman sa a. Depatman Lwès, Yonn nan nèf depatman peyi Ayiti e yon lòt nan twa depatman ki nan mitan peyi a. Se la kapital Ayiti a, Pòtoprens, ye. DepatmanNò, Yonn nan nèf depatman peyi a kote dezyèm vil peyi a, Kap-Ayisyen, ye. Se la pi gwo moniman peyi a, Sitadèl-Laferyè, ye. Depatman Nò-Lès, Yonn nan nèf depatman peyi Ayiti ki sou kote lès Depatman Nò a. Depatman Nò-Lwès, Yonn nan nèf depatman peyi Ayiti yo ki sou kote lwès Depatman Nò a. Pòdepè, kapital depatman sa a, se yonn nan pi ansyen vil nan peyi a. Depatman Sant, Yonn nan nèf depatman nan peyi Ayiti yo e se yonn tou nan twa depatman ki nan mitan peyi a. Se la baraj flèv Latibonit la ye, yon baraj ki bay kapital peyi a elektrisite. Kèk vil ki sou wout kote fil kouran yo pase benefisye ti kras nan elektrisite baraj sa a bay la tou. Depatman Sid, Yonn nan nèf depatman peyi Ayiti yo ki sou yon prèskil nan sid peyi a. Gen anpil bèl plaj nan zòn sa a. Depatman Sid-Lès, Yonn nan nèf depatman Peyi Ayiti yo e se yonn nan twa depatman ki fòme prèskil kote Depatman Grandans avèk Depatman Sid la ye a. Li kole avèk Repiblik Dominikèn e li gen anpil bèl plaj tankou tout lòt depatman nan peyi a ki sou kote lanmè.

Yon enplwaye leta, dapre konstitisyon peyi a, moun nan yon komin eli pou ale reprezante komin nan nan chanm peyi a kote tout depite rankontre pou diskite pwoblèm komin yo avèk lwa. Nan moman diktati yo, gwo chèf nan depatman yo, nan kapital peyi a te konnen fè magouy pou nonmen moun pa yo nan pozisyon sa a.

Yon chanm nan yon kay, yon ti kay nan lakou yon gwo kay, kote moun sere afè yo pou jwenn li lè yo bezwen li. Kote mèt yon boutik, yon magazen, yon machann mete machandiz li pou jwenn lè gen anpil demand.

Retire bagay yon moun posede nan men li.

Mete yon bagay chita nan yon pozisyon. Elimine yon lyen avèk yon moun, yon zanmi. Mete kòb sou yon kont nan bank.

Yon bagay yon moun mete chita nan yon pozisyon. Travay yon moun ki mete kòb an plis sou yon kont nan bank.

Soti sou yon chemen dwat pou pran yon direksyon ki pa rantre nan wout nòmal la. Aksyon yon tren ki kite ray li pou pran wout san ray.

Eta yon moun santi li lè espwa li te genyen sou yon lòt moun disparèt, pa kapab kontinye egziste.

Eta yon moun santi li apre yon desepsyon.

Moun ki fè desen, moun ki gen don pou fè desen. Yon moun ki desine yon pwogram òdinatè.

Fè desen. Ranje tout fenèt, bouton, liy sèvis, kòmand nan yon pwogram òdinatè anvan pwogramè a ekri liy ki koresponn avèk desen sa yo.

Dènye analiz yon moun fè anvan li jwenn yon konklizyon. Jan yon moun deside.

Kote yon bagay gen pou li rive a.

Destinatè: Moun, nan entansyon moun ki ap voye yon bagay, ki ap resevwa bagay la. Pou moun ki ap voye yon bagay, se moun ki ap resevwa bagay la.

Jan lanati te deja ranje pou yon bagay pase.

Desè: Yon bagay tankou konfiti, fri moun manje apre yo fini manje yon gwo repa.

Nenpòt moman plezi. Yon bal. Yon piknik. Yon moman anbyans.

Retire yon bagay anba tè. Rekòmanse pale de yon bagay, yon sijè.

Rale chak pwent yon bagay nan de direksyon opoze epi gade bagay la ki ap vini pi long. Tache pwent yon bagay solid nan yon bagay epi rale lòt pwent la pandan bagay ap vini pi long.

Yon eta kote tout bagay pèdi, kite lòd yo te ap sib la, pa gen moun ki kapab kontwole anyen. Yon bon egzanp detounman se sitiyasyon politik yon peyi, kèk minit, apre yon koudeta.

Elimine tout fòs, kapasite, mwayen ki te gen nan yon bagay, yon moun. Touye. Disparèt. Fè yon bagay disparèt. Retire lavi nan yon bagay.

Fasad ki pi bèl la epi se li moun toujou wè anvan. Fasad nan yon kay ki toujou sou bò lari a. Direksyon moun mache a. Fasad nan kò moun kote je, nen, bouch, e latriye, ye.

Yon moman nan maten, vè katrè konsa, anvan klate jounen an parèt.

Pati devan nenpòt bagay.

Aksyon yon bagay ki devaste tankou siklòn, larivyè ki move. Aksyon yon bagay ki kraze tout sa ki sou wout li pandan li ap pase epi kite moun nan pwoblèm pou repare sa li kraze yo.

Kraze tout sa ki yon kote san diskriminasyon epi kite moun nan pwoblèm pou repare dega yo.

Itilize konesans pèsonèl pou jwenn repons yon kesyon, solisyon yon pwoblèm, e latriye san konnen si se li vrè repons la, vrè solisyon an davans. Lè yon moun fini devine, li bezwen yon konfimasyon pou konnen si repons la bon.

Kite yon liy dwat pou vire nan yon direksyon ki pa kontinye dwat.

Retire yon kouvèti ki te vlope yon bagay. Grandi. Gwosi. Pran negatif yon film epi enprime rezilta li sou papye. Desine, pwograme, epi pibliye yon pwogram pou itilize sou òdinatè. itilize.

chak etap yon bagay ki ap devlope pase pou li rive nan dènye etap devlopman an. Yonn nan twa pati nan yon redaksyon, yon disètasyon kote elèv la pale de sijè a prèske san limit. Pati nan yon redaksyon, yon disètasyon ki ant entwodiksyon an avèk konklizyon an.

Responsablite ki tonbe sou do yon moun san pa gen yon fòs ki ap pouse li akonpli tach la, men si li pa akonpli tach la kapab gen pinisyon pou sa. Si li akonpli tach la li pa oblije jwenn yon kado pou pèfòmans sa a.

Di mo sosyete a konsidere tankou mo sal san konsidere ki moun ki ap koute mo sa yo: timoun ou byen granmoun.

Deraye. Kite vrè wout la pou pran yon wout ki pa gen rapò ditou avèk vrè wout la. Sispann sib yon objektif.

Deyò: Yon lòt kote. Deyò yon kay vle di espas nan lakou li, nan lari a, nan vwazinay la, e latriye.

Eta yon moun ki pèdi tout espwa pou reyalize yon bagay, yon objektif, anyen ditou. Dekouraje. Fèb.

Dezòd: Moun ki san prensip, san lòd, san respè pou regleman. Eta moun ki evite, sispann sib prensip, lòd regleman. Tout timoun dezòd paske yo poko konnen sa yo gen dwa fè, sa yo pa gen dwa fè.

Eta moun, bagay ki an dezòd. Evite, sispann sib lòd, prensip, regleman.

Eta yon bagay ki difisil pou kase, kraze. Yon bagay ki solid e ki pa pèmèt anyen rantre andedan avèk fasilite.

Rezilta limyè avèk chalè ki kole sou yon bagay sèch, flamab.

Kantite an plis, kantite ki pi piti a ant de bagay. Bagay ki fè yon bagay pa menm avèk yon lòt bagay.

Montre, pale de diferans ki gen ant de ou byen plizyè bagay.

Yon pwodui chimik ki kapab bay koulè ble. Anpil lesivè nan peyi Ayiti mete li nan rad yo ap lave.

Jan yon moun ranje bouch li pwononse mo ki ap soti nan bouch li.

Diksyonè: Yon liv kote mo yon lang rasanble nan lòd alfabetik avèk definisyon, esplikasyon yo sou kote yo.

Pale, li avèk espwa yon moun ap ekri tout sa ki ap di yo. Di yon moun bagay pou li fè. Fòse yon moun fè yon bagay.

Premye jou nan yon semèn. Jou nan yon semèn moun legliz Katolik avèk anpil legliz pwotestan chwazi pou yo fè yon gwo seremoni nan legliz yo pou bay Bondye glwa, remèsye li pou sa li fè pou yo. Se jou sa, jou Pak la, Jezi Kris te resisite, soti nan lanmò.

Kite anpil tan pase. Kantite tan ki pase pou yon bagay rive, fèt. Eta yon moun ki kapab kontinye yon konvèsasyon pandan anpil tan. Eta yon gason ki bezwen anpil tan anvan li voye.

Liy, chemen pou sib pou jwenn yon destinasyon. Non yon biwo nan yon enstitisyon ki la pou gide moun ki bezwen jwenn yon depatman nan enstitisyon sa a.

Grenn yon plant ki bay yon farin lè li kraze. Repa ki pi enpòtan pou ayisyen nan yon jounen. Plant ki bay grenn diri a.

Moun ki ap dirije yon enstitisyon, yon gwoup moun, yon biznis.

Pase lòd. Distribye responsablite. Gide. Kòmande.

Dirèk: Eta yon kontak ant de moun, de bagay kote pa gen itilizasyon yon twazyèm moun, bagay pou fè kontak la. Yon wout dwat yon moun ap sib tankou wout yon avyon pou ale nan yon lòt peyi san rete nan yon twazyèm peyi anvan rive li nan destinasyon an.

Premye nonb ki gen de chif nan li: en (1) avèk zewo (0). 10.

Disparèt: Retire yon imaj ki devan je moun nan yon fason misterye, yon fason moun pa kapab konprann ou byen esplike. Touye. Detri. Ale epi pa janm retounen ankò.

Desizyon final pou fè yon bagay. Dènye desizyon pou aksepte nenpòt bagay ki ap vini an.

Disèt: Yuityèm nonb ki gen de chif nan li: en (1) avèk sèt (7). 17.

Ekri sou yon sijè nan klas segondè kote elèv la gen pou li pale de sijè a sou plizyè paj. Yon disètasyon gen yon entwodiksyon, yon devlopman, e yon konklizyon.

Pale de anpil bagay an menm tan san chwazi yon sijè an patikilye. Pale de bagay ki pa kapab fèt e ki pa ap janm fèt. Pale san gen yon rezon pou pale.

Yon kabann an planch ki gen kat pye, yon kadran ki kloure prèske nan tèt kat pye yo avèk moso planch pou somye, yon nat pou matla.

Eta nenpòt bagay ki gen rapò avèk Bondye, syèl la. Kote katolik yo kwè moun ki mouri gen pou yo pase anvan yo rive nan paradi. Yon bwason alkoolize pè yo bwè nan mès legliz e moun bwè li tou anvan yon manje yon gwo repa an gwoup.

Bay siyfikasyon, deskripsyon yon bagay san konnen vrè siyfikasyon deskripsyon bagay la.

Tout bagay ki gen lyen dirèk avèk Bondye, syèl la. Tout bagay ki kapab pote non Bondye menm.

Divinò: Pwofesyonèl ki gen lespri ki ap itilize tout kò yo, dikte tout manb kò yo sa ki pou fèt, mete pawòl nan bouch yo. Pwofesyonèl sa yo toujou fè kliyan yo konprann yo ap itilize fèy kat, tèks nan liv, men sa ki ap soti nan bouch yo pa gen pyès rapò avèk sa yo wè nan fèy kat yo, nan paj liv yo.

Separe yon bagay an plizyè moso, pati. Lè 4 divize pa 4 li ap separe an kat en.

Yonn nan kat operasyon aritmetik yo ki montre an konbyen pati yon bagay divize. De, se divizyon kat pa de (4 ÷ 2 = 2)

Fè, kreye bagay ki pote enpe, anpil plezi nan lavi moun. Pran plezi nan yonn ou byen plizyè bagay.

Bagay ki pote enpe, anpil plezi nan lavi moun.

Diznèf: Dizyèm nonb ki gen de chif nan li: en (1) avèk nèf (9). 19.

Nevyèm nonb ki gen de chif nan li: en (1) avèk uit (8). 18.

Moun ki sèvi move lespri e ki pran plezi nan touye moun parèy yo avèk asistans move lespri yo. Ti istwa rapòte ke djab kapab detere moun yo touye apre fanmiy moun nan fini antere li. Yo fè kadav la tounen yon bèt; konsa moun nan ap kontinye pase mizè nan travay di.

Pati nan yon pye palmis ki kenbe grap la anvan li vini vizib. Lè ayisyen ap kouvri kay avèk tach, yo koupe li an ti moso long pou mare tach yo sou do kay la.

Yon valiz peyizan ayisyen ki fèt avèk fèy sèch yon plant ki rele latanyen. Peyizan yo itilize valiz sa pou yo sere bagay ki enpòtan pou yo.

Yon ti non ayisyen bay tout moun ki rele Jozèf. Nan kèk zòn nan peyi a, moun di djo lè yo vle di dlo.

Djòb: Responsablite yon moun aksepte pran pou li fè yon travay pou yon lòt moun, yon konpayi. Yon devwa.

Djòl: Yon mannyè byen sovaj pou di bouch. Ayisyen itilize mo sa plis lè yo fache avèk yon moun yo ap pale de li. Djòl Kochon, Yon fason pou di bouch yon lòt moun long tankou bouch kochon.

Yon likid ki okipe twa ka fas tè a sou de fòm: dous e sale. Pati sale (lanmè) a pi plis pase pati dous (sous avèk rivyè) la. Moun bwè dlo dous, men yo pa bwè dlo sale. Yon likid ki gen de eleman chimik ki rantre nan konpozisyon li: oksijèn avèk idwojèn. Djo. Dlo Dous, Dlo ki gen bon gou nan bouch e ki menm avèk dlo ravin, rivyè, sous sou tè a. Dlo Sale, Dlo lanmè. Li sale anpil.

Yonn nan sèt nòt mizik yo: do, re, mi, fa, sòl, la, si. Fas, dèyè, ki opoze devan, yon bagay. Kote tout zo kòt yon èt vivan tankou moun kole ansanm.

Yon konpayi machin ameriken.

Doktè: Yon pwofesyonèl ki etidye kèk pati, tout kò moun yon fason pou li kapab rekonèt nenpòt pati ki pa fonksyone byen e preskri medikaman pou ede òganis sa a rekòmanse fonksyone nòmal. Yon nivo etid yon moun fè nan yon branch tankou teoloji, medsin, filozofi, e latriye.

Senk goud. Senk-san kòb. San santim nan lajan peyi Etazini. Moun toujou di dola menm lè yo vle di yon dola. Nan anpil peyi nan lemond, siy ki reprezante dola ($) ranplase kantite nan kòb peyi sa yo moun peyi a panse ki egal a yon dola. Konsa dola ameriken reprezante yon lidè pou tout kòb nan lemond; se sou li anpil peyi chita pou yo evalye kòb yo.

Lokal. Eta pwodui ki fèt nan yon peyi e ki rete nan peyi a pou moun nan peyi a itilize. Eta tout bèt ki zanmi moun tankou chyen, chat e latriye.

Kontwole lespri, ekonomi e fizik lòt moun, peyi avèk fòs ki disponib pou fè moun sa yo, peyi sa yo obeyi.

Yon peyi ki sou menm il avèk Ayiti. Ayiti sou bò lwès il la e Dominikani sou bò lès il la. Moun nan peyi sa a pale Espanyòl paske Espay se dènye peyi ki te kolonize peyi sa. Tout mès yo, kilti yo soti an Espay. Sen-Domeng.

Moun ki fèt nan peyi Dominikani, nan peyi Dominik.

Yon jwèt ki gen 28 ti moso rektang nan li. Premye moso rektang la pa gen pyès ti wonn nan li. Dezyèm nan gen yon ti wonn nan li, twazyèm nan gen de ti wonn nan li. chak moso gen yon ti wonn an plis pou jis rive sou ventuityèm nan. Ventuityèm nan gen douz ti wonn nan li. Lè jwè ap jwe jwèt sa a, yo ap chache kole chak ti pwent rektang yo ki gen menm kantite ti wonn yo ansanm. Konsa, yon moso rektang ki pa gen pyès ti wonn kapab kole avèk yon lòt moso ki pa gen pyès ti wonn. Yon moso ki gen yon ti wonn kapab kole avèk yon lòt ki gen yon ti wonn, e latriye.

Yon nivo entelijans nan yon bagay yon moun fèt avèk li e ki kontinye devlope nan moun nan tout tan li ap gen plis laj.

Tèks, imaj avèk chif yon operatè kreye sou yon òdinatè.

Yon karaktè dous ki fè yon èt vivan pa kapab aji vyolan. Trankil. Nayif. Eta yon moun ki fasil pou lòt moun abize li. Timid. San defans.

Yon plas kote moun kapab apiye do yo. Babay ki kapab rete kòm bon ou byen move enfòmasyon sou do yon moun.

Doulè: Nenpòt bagay ki te fè, ki ap fè mal. Yon doulè kapab fizik ou byen mantal.

Yon bagay ki gen gou sik, siwo. Yon bagay ki fè yon moun santi li byen. Yon bagay moun renmen, ki atire repetisyon. Yon bagay moun pran plezi nan fè li, koute li, e latriye.

Dousè: Rezilta yon bagay ki dous. Kantite plezi yon moun pran nan fè, koute yon bagay. Satisfakyon yon moun jwenn nan yon bagay.

Devan. Yon mo kèk peyizan ayisyen plis itilize pou di devan.

Twazyèm nonb ki gen de chif nan li: en (1) avèk de (2). 12.

Douzèn: Yon kantite ki gen douz inite nan li. Yon douzèn ze gen douz ze nan li.

Yon moso twal ki sèvi pou kouvri moun lè yo kouche sou kabann. Yon gwoupman, yon òganizasyon moun itilize pou benefisye yon opòtinite. Anpil moun itilize legliz pou sèvi yo dra.

Yon moso twal avèk senbòl e lejand ki reprezante yon peyi e entensyon fondatè yo pou konstriksyon peyi a. Premye etap nan konstriksyon yon peyi sou kote konstitisyon li.

Otorite, libète yon moun pran, li resevwa nan men yon lòt moun ou byen lwa sosyete kote li ap viv la bay.

Eta yon moun ki fè tout sa lwa sosyete, Bib la ou byen Bondye, mande. Mache nan yon direksyon san vire nan pyès lòt direksyon.

Yon tandans pou fè tout bagay nan direksyon men dwat la. Eta yon moun ki itilite men dwat li pou fè nenpòt bagay li bezwen yon sèl men pou fè li.

Dwèt: Nenpòt nan ven pwent ki nan pye avèk men yon moun. Anpil lòt bèt gen dwèt tou. Pati nan kò moun ki gen zong yo.

Dwòl: Yon bagay ki difisil pou konprann. Yon mistè.

Distans de kwen opoze andedan yon wonn. De reyon.

Yon poupou likid yon èt vivan santi ap soti e li pa kapab kontwole li. Moun ki gen dyare oblije jwenn yon kote pou yo poupou rapid. Gen yon fòs andedan moun nan ki ap pouse poupou a soti deyò.

Dèt: Lajan yon moun gen pou li remèt yon lòt moun paske lè li te pran lajan sa a nan men moun nan li te pwomèt pou remèt li.

Dèyè: Fasad ki pi lèd la epi se li moun toujou wè apre yo fini wè devan an. Fasad nan yon kay ki toujou sou bò lakou a. Fasad nan kò moun kote tou yo itilize pou poupou a ye.

Dòmi: Yon repo moun pran kote tout kò moun nan ap repoze menmsi espri li pa ap repoze. Nan moman repo sa a je moun nan fèmen, li pa konnen anyen ki ap pase sou kote li, e li kapab reve. Yon ti frè lanmò. Somèy. Repo.

E: Senkyèm lèt nan alfabèt lang Kreyòl la. Yon mo ki sèvi pou lyezon, adisyon ant de lòt mo tankou en, de e twa se chif.

chwazi direksyon echèk. Defayi.

Opòtinite yon moun pèdi pou li te akonpli yon misyon, yon objektif. Defayans.

Travay yon moun ki ekzekite yon aksyon, yon lòd, yon rekòmandasyon.

Obeyi yon lòd. Mete yon moun kanpe yon kote epi tire sou li jis moun nan mouri.

Voye énmi yon sistèm politik yon peyi ale nan yon lòt peyi epi anpeche li retounen nan peyi a pou li pa anpeche machin politik la kontinye wout li. Yon moun yon lòt moun fòse ale lwen li.

Aparèy ki bezwen elektrisite pou li fonksyone.

Mouvman plizyè eleman chimik ki bay kouran. Sous enèji ki pèmèt yon aparèy elektrik, chofaj tankou anpoul, fonksyone, limen.

Yon pati nan yon kopozisyon chimik. Yonn nan kopozisyon dlo. De eleman dlo yo se idwojèn avèk oksijèn.

Eta yon kandida ki ale nan yon eleksyon epi li jwenn kont moun vote pou li pou li jwenn djòb li te ap chache a.

Elikoptè: Yon aparèy elektwo-mekanik ki gen yon zèl nan tèt li ki pèmèt li vole, kanpe nan espas. Li kapab monte, desann, nan direksyon vètikal e li kapab deplase nan direksyon orizontal tou.

Dezyèm nan chif pozitif yo. 1. Lè yon nonb divize pa en li bay menm nonb la.

Hinche. Kapital Depatman Sant.

Kapasite pou fè nenpòt bagay nan libète, san asistans ou byen oblije pote rapò bay lòt moun. Ayiti pran endepandans li nan men peyi Frans depi ane 1804.

Eta yon moun ki pèdi tout konesans li. Sèl diferans ki gen ant yon moun ki mouri avèk yon moun ki endispoze, kè moun ki endispoze a kontinye ap bat.

Endèks: Dwèt ki apre dwèt pous la e se li tout moun itilize pou montre lòt moun yon direksyon. Lis tout enfòmasyon ki gen nan yon liv, nan lòd alfabetik.

Resevwa yon maladi ki soti nan yon lòt kò tankou yon moun malad, yon mikwòb.

Eta yon bagay ki ap kontinye egziste pou tout tan. Yon kantite nonb moun pa kapab janm fini konte.

Enfòmasyon: Nenpòt ransèyman sou papye, nan bouch ki disponib pou bay moun konesans.

Yon moun ki etidye jeni nan yon disiplin tankou mizik, elektwonik, sivil, e latriye.

Yon pati nan yon bagay lè bagay la divize an kat pati.

Eta yon moun ki pè fè yon bagay paske li panse li pa kapab fè bagay sa a byen. Eta yon moun ki pa vle yon bagay fèt anvan yon lòt. Eta yon moun ki vle yon bagay fèt anvan yon lòt bagay fèt.

Rezilta yon aksyon tankou yon nouvèl, yon desizyon, yon gwo fòs sou yon ti fòs, yon aksidan.

Yon divizyon, yon pati nan yon bagay ki kapab reprezante bagay la. Yon kantite nan yon bagay moun kapab konte ou byen moun pa kapab konte.

Yon kòb leta egzije moun peye sou yon bagay moun nan posede tankou yon kay pou pran swen zòn kote kay sa a ye. Yon kòb leta egzije patwon ritire sou kòb yo peye chak anplwaye. Kòb sa yo ede leta peye pou fè travay piblik yo.

Kopye yon imaj ki deja egziste nan yon lòt plas, sou papye. Ekri.

Mete yon bagay yon kote, nan yon plas pou moun kapab wè li. Mete yon pwogram andedan yon òdinatè pou ede moun ki ap itilize òdinatè a kominike avèk òdinatè a. Tout pwogram gen enstriksyon pou esplike moun kijan pou yo enstale pwogram nan sou òdinatè a.

Panchan, enterè yon moun montre li genyen nan yon bagay.

Enterè: Kòb yon moun peye an plis sou yon lajan li te lwe, prete nan men yon lòt moun. Kantite dwa pou resevwa pwofit yon envestisè genyen nan yon biznis de ou byen plizyè moun posede ansanm.

Konesans, bagay yon sèl moun konnen de kò li tankou yon fi konnen koko li, yon gason konnnen zozo. Relasyon Entim, Relasyon yon fi avèk yon gason genyen kote yonn konnen anpil sekrè nan lavi lòt la. Yo tou de a konnen wè e manyen tout pati nan kò lòt la.

Premye nan twa pati yon redaksyon, yon disètasyon ki anonse odyans elèv la de kisa li ap ale pale nan devlopman an. Prezante yon moun devan yon lòt moun.

Entènèt: Yon mwayen kominikasyon ki pèmèt tout moun ki posede yon òdinatè avèk yon liy telefòn kominike ant yo. Pou kominike nan fason sa a, moun ablije achte sèvis nan men yon konpayi ki vann sèvis sa a e yo kapab kominike avèk nenpòt moun nan nenpòt peyi. Yon revolisyon nan mwayen moun kominike yonn avèk lòt. Gen plisyè mwayen moun kominike sou entènèt la. 1) Yo kapab voye yon lèt nan adrès lèt (e-mail=lèt elektwonik) moun yo vle ekri a. Lèt sa a ale dirèkteman nan yon gwo òdinatè kote destinatè a kapab itilize òdinatè pa li pou li lèt la. 2) Moun kapab ekri sa yo vle di a epi peze yon bouton pou yon moun wè mesaj la menm lè a (chat). Anpil lòt moun kapab wè mesaj sa a. 3) Yon moun kapab pale avèk yon lòt moun pandan yo tou de chita devan òdinatè yo. 4) Dènye mwayen an gen lèt elektwonik nan li tou, men li ti kras diferan. Yon moun, yon konpayi gen yon adrès (Home Page = Paj Kay) kote lòt moun kapab kite mesaj pou li e se mèt paj sa a sèlman ki kapab wè li. Anpil biznis itilize mwayen sa a pou fè biznis, gwo biznis.

Fraz ki kòmanse avèk mo tankou kisa, ki, kiyès, poukisa, èske, e latriye. ?. Tout kesyon gen siy sa (?) nan finisman yo pou montre yo se yon kesyon.

Revize, sib travay yon moun fini fè pou wè si travay la byen fèt. chache konnen ki moun ki fè yon krim pou arete moun nan.

Eta yon bagay je pa kapab wè. Disparèt. Eta yon bagay ki menm koulè avèk lè.

Wotè yon bagay ki gen twa kwen tankou yon wonn ou byen sis kwen tankou yon bwat.

Yon mo, lè li nan mitan de lòt mo fè konprann gen de aksyon ki ap egzekite yonn apre lòt la. Yon moun ap manje epi grangou li ap pase.

Zèb moun itilize pou bay manje bon gou. Se yonn nan zèb ki pi ansyen sou tè a.

Moun nan ras nwa a moun nan ras blan yo te konnen ale chache sou kontinan afriken an pou fè yo vini travay di e gratis sou plantasyon nan koloni yo. Kèk santèn ane anvan blan yo te rantre nan tranzaksyon esklavaj sa a, nwa nan yo te konnen gen esklav blan tou.

Eta yon moun ki bouke anpil e li pa kapab respire nòmalman. Yon moun ki ap fè egzèsis kapab santi li esoufle e gen plizyè maladi tankou las, tansyon-wo ki kapab fè yon moun santi li esoufle tou.

Distans ki ant planèt yo: Jipitè, Venis, Plito, Tè, e latriye. Distans ant de bagay. Nenpòt kote ki gen lè e yon bagay kapab jwenn plas.

Lespri. Fòs envizib ki kapab aji sou bagay ki vizib. Bondye. Satan.

Plas kote yon bagay ye. Kote bagay tankou yon machin, yon tren kanpe pou pran pasaje, pou moun jwenn yo lè gen bezwen.

Kanpe nan yon estasyon. Eta yon machin ki kanpe nan yon estasyon pou pasaje monte li. Eta nenpòt bagay ki kanpe yon kote.

Yon konpayi ki regle afè anrejistre mizik, sinema. Yon konpayi radyo ou byen televizyon. Yon biznis kote fi ale pou yon fè cheve yo, zong yo, figi yo bèl. Yon salon bote.

Yon peyi endepan ki gen yon gouvènman avèk chèf tankou yon prezidan ap dirije li. Jan yon bagay ye: sante, karaktè, kalite li. Leta.

Peyi sa a nan Amerik Nò a e li nan ant Kanada avèk Meksik. Li gen senkant eta nan li; se sa ki fè li rele Eta-z-ini. Lang ofisyèl peyi sa se anglè, men kantite imigrant ki ap viv nan peyi a fè gen diferan moun ki pale tout lang ki gen nan lemond nan li. Pi gwo peyi, pi gwo fòs politik, ekonomik e komèsyal nan lemond. Kapital peyi sa rele Wachington, pou pote non fondatè li: George Wachington.

Rechèch pou mete konesans nan yon sèvo. chache konnen yon bagay, konstitisyon yon bagay. Konesans nan yon disiplin, yon syans.

Moun ki fè rechèch pou mete konesans nan sèvo yo. Moun ki chache konnen yon bagay, konstitisyon yon bagay, konesans nan yon disiplin.

Mete konesans nan yon sèvo. Aksyon yon moun ki ap chache konnen yon bagay, yon disiplin, konstitisyon yon bagay, konesans nan yon disiplin.

Etikèt: Valè ki kapab rete avèk moun nenpòt ki kote moun pase. Yon non tout moun konnen pou yon pwodui, yon biznis. Yon ti moso papye ki reprezante imaj yon konpayi, yon òganizasyon.

Yon peyi sou kontinan afriken an moun te toujou konsidere tankou peyi ki pi pòv sou tè a. Povrete te tèlman grav tout moun nan lemond te konnen ap pale de mizè pèp ki ap viv nan peyi sa.

Etèn: Elimine kapasite yon bagay pou li kontinye jwe yon wòl tankou limyè, dife ki ap klere. Koupe sous enèji ki pèmèt yon machin mache. Retire lavi yon moun, yon bèt.

Etènèl: Yon bagay ki ap toujou egziste pou tout tan. Gen de bagay ki ap toujou la pou tout tan: Bondye, Satan.

Yon bagay ki rive san espwa ke li te ap ale rive. Sipriz.

Etap yon bagay ki ap evolye pase. Aranjman nan mès, koutim yon pèp, yon sosyete, yon epòk, yon ras, e latriye. Yon eksplikasyon sou aparisyon moun sou tè a pou fè tout moun konprann Bondye pate kreye moun, men moun te evolye; sa vle di moun te pase anpil etap anvan yon te vini moun.

Pase soti nan yon etap pou rive nan yon lòt etap moun konsidere ki pi bon, pi rafine. Kite yon pèsonalite, karaktè ki sanble avèk eta bèt ap viv.

Yonn nan senk kontinan yo ki gen peyi tankou Almay, Frans, Bèljik, Angletè nan li. Kontinan sa a kole avèk kontinan Azi a; sa fè kèk moun di pa gen yon kontinan ki rele Ewòp tout bon vre.

F: Sizyèm lèt nan alfabèt lang Kreyòl la.

Yonn nan sèt nòt mizikal yo: do, re, mi, fa, sòl, la, si.

Move. Eta yon moun ki pa kontan. Eta yon moun ki pa kapab jwenn bagay li bezwen e ki pa vle satisfè avèk sa li genyen.

Yon moso papye avèk ekriti sou li ki soti kote yon moun itilize yon machin ki kapab kominike avèk yon lòt machin pou voye tèks nan machin sa a. Faks machin, Yon machin ki kapab itilize yon liy telefòn pou voye mesaj bay lòt machin. Yon aparèy elektwonik ki andedan yon òdinatè e ki mete ansanm avèk yon pwogram pou voye mesaj bay anpil lòt machin.

Falèz: Yon tou sou kote yon wout tankou anba yon mòn.

Yon boutik kote ki gen medikaman pou vann pou tout maladi.

Femèl e manman. Depre Bib la, fanm se yon moun Bondye te fè avèk yon zo kòt Adan pou kapab kenbe gason konpayen. Yon fanm fèt pou li toujou gen cheve long, gwo ou byen tete long, gwo dèyè avèk koko nan fant janb li. Yon fi kapab mete zanno nan zòrèy li, wòb sou li, e latriye. Li gen règ chak mwa.

Yon fanm ki pa gen tay nòmal yon moun sipoze genyen. Yon ti fi.

Koupe yon bagay nan direksyon longè li.

Espas ant de bagay, nan mitan de bagay.

Yon bèl bagay pyès moun pa kapab meprize bote. Yon bagay ki bèl anpil.

Poud. Yon poud ki soti nan fri kèk pye bwa tankou bannann, manyòk. Poud ble. Farin frans, Yon farin blan ayisyen itilize pou fè anpil manje tankou labouyi, bòy e latriye.

Anpil ti moso nan nenpòt bagay. Yon lapli ki ap tonbe tou piti san li pa janm bay anpil, gwo gout lapli.

Aksyon yon lapli ki ap tonbe tou piti san li pa janm bay anpil, gwo gout lapli yon sèl kou. Aksyon yon moun ki kite krache soti nan bouch li pandan li ap pale.

Bagay ki san valè. Tout bagay moun pa gen bezwen pou li.

Favè: Yon sèvis yon moun rann yon lòt men moun nan pa merite sèvis la.

Bagay ki pa gen fòs ditou e nenpòt ti van kapab leve li epi pote li ale depoze yon lòt kote. Feblès. Fèb.

Feblès: Eta yon bagay ki fèb. Yon moun ki pa gen konfyans nan tèt li e ki pa gen konfyans nan pyès lòt fòs etranje.

Yon bagay ki sanble li piti anpil pou longè li. Yon pye cheve nan tèt yon moun se yon bagay ki fen.

Fenèt: Yon ti pòt nan yon machin, yon kay ki pèmèt lè sikile. Yon tit nan liy sèvis yon pwogram òdinatè ki pèmèt operatè a wè tout dokiman ki ouvri yo menmsi tout pa parèt sou ekran an.

Yon konpayi machin italyen ki te konnen fè ti machin, kèk fwa, ki pran de moun sèlman.

Patisipe nan yon fèt. Selebre yon evènman ki te pase nan menm jou sa, pou pi piti, yon ane anvan dat sa a. Selebwe jou yon moun te soti nan vant manman li.

Dezyèm mwa nan yon ane. Sèl mwa nan yon ane ki pote ventsuit ou byen ventnèf jou.

Yon kantite fèy ou byen nenpòt bagay ki gen rapò avèk fèy. Itilizasyon fèy pou medikaman.

Yon bagay ki gen anpil fèy nan li tankou yon pye bwa.

Yon femèl moun, yon fanm, yon manman, yon madanm, yon sè, yon kouzin, yon bèlsè. Yon moun ki gen yon koko nan fant janb li.

Yon bannann, lè li mi, moun kapab manje li san kwit li e li gen bon gou, gou dous. Anpil moun kwè fig bon pou sante moun.

Mete yon bagay nan plas li. Ranje yon bagay jan li te dwe ye a, jan li sipoze ye a.

Yon ti materyèl andedan yon anpoul elektrik ki fè li bay limyè lè elektrisite pase andedan anpoul la.

Yon peyi nan lanmè Pasifik la, an fas chin, ki te pase anpil tan anba diktati yon prezidan tankou peyi Ayiti.

De ti kanal ki separe avèk yon ti tras ki sanble avèk fil andedan tou ki andedan yon boulon. Pwent vis gen filyè tou.

Filè: Yon moun ki ap file, ki konnen file. Yon kadriyaj moun mete sou teren pou jwe volebòl, pingpong avèk tenis.

Eta yon bagay ki rive nan bout li. Fè tout sa ki te gen pou fèt nan yon travay ki te kòmanse.

Dènye moman nan nenpòt bagay. Dènye etap nan yon travay. Dènye pwent nan yon wout, yon distans. Dènye moman anvan yon moun mouri. Dènye jou nan yon gè, nan yon ane.

Moman, jou, seremoni ki òganize pou de moun ki te renmen e ki ap fiyanse.

De moun ki renmen, yon gason avèk yon fi, ki deja pran desizyon pou yo marye epi yo reyini tout moun nan antouraj yo pou fè konnen dat maryaj la.

Yon zam long avèk dèyè laj ki kapab tire ale lwen.

Yon bagay ki gen kò menmsi moun kapab ou byen pa kapab touche. Syans ki etidye kijan tout bagay fonksyone, relasyon yon bagay avèk yon lòt, mouvman bagay, enèjy ki gen nan chak bagay, e latriye. Jan yon bagay fèt.

Moun ki etidye, fè rechèch, fè eksperyans nan syans fizik la.

Tire sou yon moun, yon bagay avèk yon fizi.

Eta yon bagay ki limen gwo dife byen vit lè li rankontre avèk yon ti kras dife.

Eta yon bagay ki gen flè nan li. Eta yon bagay ki vini bèl. Lè yon moun di fleri, li kapab ap pale de bote yon bagay tou.

Flè: Yon bèl boujon ki soti nan kèk pye bwa, nan kèk zèb. Yon flè kapab gen yon sèl koulè ou byen plizyè koulè. Yon bagay ki bèl. Flè Disè, Yon zèb nan galèt larivyè ki kapab santi lè yon bagay touche li epi tout fèy li kouche pandan yon bon bout tan. Ouvè-fèmen. Wonte.

Flèch: Dènye pwent, pwent ki pi wo a, nan wotè yon bagay. Bal yon zam moun lontan yo te konnen itilize pou touye bèt nan sovaj, nan lagè.

Flèv: Yon gwo rivyè ki soti nan yon gwo sous dlo dous. Yon gwo rivyè ki rive fòme paske anpil lòt ti rivyè ale rankontre menm kote pou yo kapab chache chemen lanmè. Yon rivyè laj ki sanble avèk lanmè, men dlo li pa sale. Nan peyi Ayiti, gen Flèv Latibonit ki nan Depatman Sant la ant Mibalè avèk Tomond.

Yon gwo anvi pou fè, reyalize yon bagay. Eta yon moun ki fou. Pasyon. Yon gwo anvi yon moun genyen pou reyalize, fè yon bagay san reflechi sou konsekans bagay la.

Kote yon moun kapab pran lajan pou depanse. Yon tou ki rive lwen nan tè. Espas devan tèt yon moun ant cheve li avèk sousi li. Fwon.

Wòl yon bagay. Rezon ki fè yon bagay egziste. Si pate gen rezon sa a bagay la pate ap bezwen egziste.

Soti nan fòm solid pou rive nan fòm likid.

Fè yon bagay vini fon. Fè bòdi yon ekriti vini pi nwa ou byen kolore pou atire atansyon moun ki ap li.

Yon konpayi machin ameriken ki fè machin tankou Taurus, Explorer, Tempo, Escort, e latriye. Premye konpayi machin ki te egziste nan peyi Etazini, depi kòmansman ane 1900 yo.

Fè yon bagay ki sanble avèk yon lòt bagay yon fason pou li vini difisil pou moun fè diferans ant orijinal la avèk kopi a. Kopi.

Eta yon moun ki pèdi abilite, bon mwayen pou li panse. Moun sa a pa konnen ki pawòl pou li pale avèk pawòl pou li kenbe sekrè. Eta yon moun ki pa kapab kontwole tèt li. Yon chanm, yon bwat ki kapab kenbe chalè pou boukannen bagay tankou pen, gato, bonbon, e latriye.

Anpil moun ki reyini ansanm.

Rantre pwent yon bagay, yon bagay nan yon lòt bagay.

Foutbòl: Yon jwèt ki gen onz jwè nan chak ekip sou yon teren ki kapab gen san mèt pou longè. Gen yon boul sou teren an chak moun ap eseye mennen nan kan ekip opozan an. Kèk moun kwè jwèt sa a soti nan peyi Angletè.

Kòb moun sèvi nan peyi Frans.

Yon peyi nan kontinan Ewòp la ki te posede anpil koloni tankou Ayiti. Anpil koloni yo pran endepandans yo epi Frans vini pèdi pouvwa li nan lemond. Moun nan peyi sa a pale Fransè.

Fransè: Lang moun pale nan peyi Frans avèk anpil peyi Frans te kolonize tankou Ayiti. Moun ki fèt nan peyi Frans. Lang sa itilize aksan, apostwòf, atik.

Leve yon bagay epi lage li sou yon lòt avèk fòs. Dirije yon kò nan direksyon yon lòt avèk fòs jis yo rankontre.

Yon gwo chanjman nan tanperati yon zòn kote nivo tanperati a kapab desann pi ba ke zewo degre. Lè gen fredi moun oblije abiye avèk plizyè rad pou kenbe yo cho.

Eta yon bagay ki bouyi nan lwil. Anpil grenn bwa tankou mango, rezen, zoranj moun kapab manje depi yo rive mi.

Frijidè: Eta yon bagay ki frèt. Yon mak machin ki fè glas e ki rafrechi nenpòt bagay ki andedan li. Anpil moun konfonn mak machin nan avèk machin nan menm: yo rele machin nan frijidè tou. Lè yon likid rete andedan machin sa li fè glas.

Frè: Yon pitit gason ki gen menm manman ou byen papa avèk yon lòt piti menm moun sa yo.

Frèt: Yon branch bwa yon moun itilize pou li frape sou yon lòt moun pou fè kò moun sa a fè li mal. Lè kò yon moun fè li mal, moun nan kriye. Eta moun ki ap viv nan yon zòn ki gen fredi.

Yon preparasyon lèt ki fè li vini di. Moun manje fwomaj tankou anpil manje solid. Gen kèk fwomaj ki solid anpil, gen kèk ki mou tou e tout soti nan lèt.

Espas devan tèt yon èt vivan ki ant je li avèk cheve li, kòn li. Devan tèt yon moun ant cheve li avèk sousi li.

Eta yon moun ki fè yon bagay ki depase laj li. Yon ti gason ki gen de ane konsa mande, nan yon bal, yon granmoun fi ki gen 40 ane konsa pou danse avèk li. Eta yon moun ki renmen eseye fè nenpòt bagay menmsi li pa konnen kisa rezilta ap ye.

Fyèl: Yon ògán andedan vant yon èt vivan ki anmè anpil. Yon bagay ki anmè anpil. Eksperyans yon move moman nan lavi yon moun.

Fè: Yon eleman chimik. Yon metal ki di anpil. Yon aparèy chofaj moun itilize pou, repare, retire pli sou rad.

Fèb: Yon bagay ki pa gen fòs. Fay.

Fèmen: Elimine yon ouvèti. Anpeche yon machin kontinye fonksyone. Etèn.

Fèt: Kote yon gwoup moun reyini pou yo pran plezi yo, pou selebre yon okazyon. Yon moman kote tout moun byen abiye, mizik ap jwe, yo ap bwè, yo ap danse. Selebwasyon yon evènman ki te pase nan menm jou sa, pou pi piti, yon ane anvan dat sa. Jou yon moun te soti andedan vant manman li.

Fèy: Pati nan yon pye bwa ki parèt apre yon boujon fini soti nan yon pwent nan yon pye bwa. Fèy chak pye bwa gen yon fòm diferan ki depann de pye bwa. Fèy papye, Yon moso papye ki kapab mezire 8 ½ pous nan lajè avèk 11 pous nan longè konsa. Gen anpil lòt dimansyon fèy.

Fòm: Premye imaj ki vini nan tèt yon moun lè li tande deskripsyon yon bagay. Yon imaj moun kapab itilize pou fè rekonèt yon bagay. Lè yon gason panse a bèl fanm li wè fòm Coca-cola.

chak etap yon bagay pase pou li fòme. Pati ki rantre nan konstitisyon yon bagay. Kijan yon bagay fòme.

Fòme: Lè yon fi gen règ li pou premye fwa. Mete plizyè bagay ansanm pou jwenn yon rezilta. Ranje plizyè bagay nenpòt fason pou jwenn yon rezilta.

G: Setyèm lèt nan alfabèt lang Kreyòl la ki pwononse menm jan avèk pati nan kò moun ki pèmèt li wè a, je.

Fikse je sou yon bagay san pyès entansyon. Obsève.

Yon ti pwent fè nan yo zam moun itilize pou fè yonn, plizyè bal soti nan zam nan.

Gagè: Yon plas kote gason ayisyen ale pou fè kòk batay pou yo parye lajan. Gen fi ki ale nan plas sa tou, men yo ale la pou sèvi gason ki a parye yo manje, tafya, e latriye.

Eta yon gason ki toujou toupre pou sèvi fi avèk entansyon li kapab jwenn yon rekonpans pou sèvis li.

Yon espas sou anlè galri yon kay kote moun kapab rantre andedan li lè moun nan deja andedan kay la. Pa gen mwayen pou rantre andedan galita a soti sou deyò.

Yon espas nan yon kay kote moun ki ap viv nan kay la kapab chita pou pran bon van e respire bon lè. Espas sa a toujou bay sou lari e anba galita a.

Galèt: Wòch sou kote yon rivyè ki byen ranje tankou moun te pran tan pou ranje yo, men se rivyè a menm ki pote yo mete nan plas sa pandan li ap desann.

Yon gwo twons bwa ki gen yon tou rektang tankou yon bwat san kouvèti andedan li. Li kapab kenbe likid. Se peyizan ayisyen ki itilize li plis.

Premye moun Bondye te mete sou tè a anvan li te fè fi. Yon moun ki gen yon zozo nan fant janb li. Mari yon fi, papa yon moun, e latriye. Yon mal moun.

Yon pwodui chimik moun ki oblije fèmen andedan yon tank pou li pa evapore nan lè. Yon likid ki kapab vini envizib menm jan avèk oksijèn. Moun itilize gaz nan machin, avyon, fou, e latriye.

Yon kalite zèb moun prepare pou fè devan yon kay, lakou yon kay bèl.

Gazèl: Yon ti femèl bèf ki poko fè pitit.

Eta yon moun, yon timoun, ki toujou ap jwe, ki toujou anvi jwe.

Eta yon bagay ki anba kontwòl ou byen ki se pwopriyete yon moun, yon bagay ki fè pati de yon lòt.

Sitiyasyon yon moun ki vini mèt, ki gen yon bagay. Pran premye plas nan yon jwèt, yon kous, e latriye.

Eta yon moun, yon timoun ki ge. Nenpòt kadans yon moun genyen ki fè li sanble yon moun ki ge, ki kontan.

Yon izin nan peyi Ayiti kote yo fè kleren.

Guinee. Yon mwayen pou di yon bagay lwen menm jan avèk esklav nwa yo ki te konnen soti nan Ginen, sou kontinan Afrik la pou ale Ayiti. Nenpòt bagay ki lwen anpil. Yon peyi nan kontinan afriken an kote anpil esklav nwa te soti.

Yon enstriman mizikal ki gen sis kòd e mizisyen jwe li avèk prèske tou dis dwèt yo.

Yon bagay, yon moun, ki fè lavi yon lòt moun difisil. Yon moun, yon bagay ki anmèdan.

Aksyon yon giyon. Bay yon blag sou yon moun, di yon moun bagay li pa renmen tande.

Yon moso materyèl, lè moun gade li, moun nan kapab wè figi li avèk tout bagay ki an fas materyèl sa. Yon dlo moun mete nan frizè yon refrijeratè epi ki vini di tankou yon wòch. Glas gen yon koulè gri ou byen blan. chalè kapab fonn glas.

Eta yon bagay ki gen glas nan li. Yon bagay ki frèt anpil tankou glas.

(General Motor Company) Yon konpayi machin ameriken ki fè gwo kamyon avèk kèk ti machin tou.

Yon resipyan ki fèt pou moun bwè likid tankou dlo, kafe, e latriye.

Pi gwo vil nan Depatman Latibonit la. Se yonn nan pi ansyen vil nan peyi Ayiti. Se nan vil sa fondatè peyi a te fè seremoni endepandans Ayiti. Vil sa plase nan mitan lwès peyi Ayiti.

Non moun nan kèk zòn peyi Ayiti bay grenn glise yon ti pye bwa donnen. Kalalou. Moun fè bon sòs avèk grenn sa a.

Opinyon yon moun genyen de yon bagay ki andedan bouch li.

San santim, san kòb nan lajan ayisyen an. Senk goud fè yon dola.

Yon moun ki toujou vle manje e ki pa janm santi lè vant li plen. Yon moun ki renmen manje. Anpil timoun gen abitid sa a; kidonk se granmoun yo ki fèt pou kontwole kantite manje ki ap ale nan vant yo.

Eta yon èt vivan ki manje san kontwole kantite manje ki ap rantre nan vant li.

Fri anpil plant tankou pwa ki donnen yon grenn ki sanble avèk yon ti baton e ki gen, soti nan twa pou rive nan dis, grenn andedan li.

Yon ti pati nan yon likid ki ap soti anlè pou tonbe anba. Lapli tonbe an gout sou tè a.

Mete yon bagay nan bouch pou konpare gou li avèk lòt gou.

Gouvènman: Yon prezidan avèk tout moun ki ap ede li gouvène you peyi. Yon gwoup moun ki gen pouvwa pou gouvène. Yon moun, gwoup moun, ki ap gouvène yon teritwa.

Gouvènmantal: Tout bagay ki gen rapò avèk yon gouvènman.

Yon fason moun ki ap danse, fè sèks vire ren yo. Moun sa yo gen entansyon vire ren yo pou fè yon wonn san rete, pandan yon kantite tan.

Vire ren nan fòm yon wonn.

Yon zouti ki gen anpil dan sou liy nan yon kwen li e ebenis itilize li. Moun itilize goyin pou koupe planch.

Gwo. Posede yon gwosè ki fè panse gen anpil grès nan vyann yon kò. Eta yon bagay ki gen lwil nan li.

Yon seremoni reponsab lekòl yo òganize pou fè etidyan yo sonje valè travay yo soti akonpli a e bay yo yon diplòm ki reprezante nivo etid yo fè a.

Patisipe nan yon seremoni gradyasyon.

Yon moso metal ki gen anpil ti tou sou tout lajè li; konsa nenpòt bagay ki pi mou pase metal sa a e ki pase sou li li ap travèse ti tou yo. chak pase yon bagay pase sou graj la, li retire nan kò bagay sa pou diminye gwosè li.

Jès yon moun fè lè li anvi leve sou yon chèz kote li chita, men gen yon bagay, tankou yon otorite, ki anpeche li leve. Fwote yon moso bagay sou yon graj pou jis li vini twò piti pou fwote sou graj la.

Gramè: Yon liv ki esplike tou règ avèk prensip pou moun respekte nan yon lang.

Yon bagay, yon moun ki gen anpil ane depi li te kòmanse egziste. Yon bagay ki laj, ki wo, ki aje. Gran Papa, Papa manman ou byen papa papa yon lòt moun. Mari yon grann. Gran papa yo toujou gran.

Eta yon bagay, yon moun ki ap pase etap li gen pou li pase pou li vini wo.

Moun ki pale anpil yon fason pou chache bay tèt li plis bon kalite, bonte, valè, grandè li pa genyen avèk espwa lòt moun ap bay li menm bagay sa yo tou.

Grandè: Kapasite yon moun genyen pou li fè nenpòt moun respekte li, pè li. Kalite ki ede yon moun dirije yon gwoup moun, yon kò militè nan lagè e genyen gè a. Kalite yon moun posede pou li dirije lòt moun.

Eta yon moun santi li lè li anvi manje. Egzitans yon vid nan lestomak yon èt vivan. Jan yon moun santi li chak twa èd tan apre li fini manje.

Avèk sekou… Avèk èd…

Nenpòt moun ki, fè pitit, rive nan laj lè li te dwe deja fè pitit. Yon moun ki gen anpil ane an plis yon lòt.

Yon granmoun fi ki manman manman ou byen manman papa yon lòt moun. Madanm yon gran-papa a. Grann Nanna, Yon granmoun fi ki gen yon mennaj, yon mari ki te kapab pitit li pou gwo diferans ant laj yo de a.

Yon vil nan Depatman Nò a. Grande Rivière du Nord.

Yon bannann moun kapab manje lè li vèt ou byen lè li mi. Lè li mi yo rele li fig.

Grenn yon pye palmis ki soti andedan djagwasil yo. Kochon nwa yo te konnen manje grap paske li dous. Grenn sa a te konnen angrese bèt sa tou.

Yon fòs ki rale tout kò ki toupre fas tè a tonbe sou li. Syantis mezire fòs sa e yo jwenn li rale tout kò tonbe sou tè a avèk yon vitès ki mezire 9,8 mèt pou chak segond ki pase lè yon bagay ap tonbe.

Yon lyann ki kapab pase plizyè ane ap grandi pandan li ap donnen anpil grenn prèske chak jou. Fri grenadya a sanble avèk yon ti boul. Li gen yon ji andedan li ki si anpil avèk kèk ti grenn tou. Li fè bon ji e ayisyen renmen bwè ji sa a anpil.

Fri yon pye bwa ki pèmèt pye bwa a kontinye egziste. Grenn yon pye bwa gen yon ti grenn andedan li. chak ti grenn sa yo kapab bay yon pye bwa pou kont yo lè yo gèmen, men gen anpil grenn pye bwa ki pa gèmen.

Yon maladi kontajye yon mikwòb bay. Moun ki gen grip toujou santi yon bagay nan gòj yo ki fòse yo ouvri bouch yo pou pouse yon kouch lè soti. Kèk fwa malad la kòmanse anrime anvan li gen grip. Lè yon moun gen yon grip ki dire anpil tan li fèt pou li ale wè yon doktè pou konsiltasyon.

Eta yon moun ki soufri maladi ki rele grip.

Kwit yon bagay avèk chalè dife e san dlo. Yon bagay ki ap griye gen kontak dirèk avèk dife a.

Grèk: Yon ti sak ki gen fòm yon triyang e ayisyen itilize li pou yo koule, fè kafe. Yon lang moun pale nan peyi Grès. Moun ki fèt nan peyi Grès.

Yon peyi sou kontinan Amerik la nan yon zòn ki rele Amerik Santral, nan Sid Meksik. Moun nan peyi sa pale Espanyòl.

Mo sa a soti nan lang Espanyòl la: guayamunco. Se yon rivyè ki pase sou kote kapital Depatman Sant la, Ench. Gen de rivyè enpòtan ki tonbe nan Gwayamouk, Yofri avèk Kanno epi yo tout ale tonbe nan flèv Latibonit la.

Yon pye bwa ki bay yon fri won, ki fè bon konfiti, bon ji.

Yon dimansyon laj. Eta yon moun ki gen anpil popilarite. Près. Anpil. Yon fason machann vann machandiz yo genyen pou fè pri inite yo vini pi piti.

Fè yon bri andedan gòj pou entimide lòt moun, bèt. Yon bri chyen fè anvan yo kòmanse jape. Bri yon loray fè e ki dire plizyè segond.

Yon plaj nan Depatman Latibonit nan Nò Sen-Mak.

Gwosè: Dimansyon egzat yon bagay genyen.

Gwosès: Moman lè yon fi ap pote yon pitit andedan vant li. Yon fi pote yon pitit andedan vant li pandan nèf mwa. Plenn.

Plizyè an menm tan. Rasanbleman, reyinyon plizyè moun.

Gwòs: Rezilta yon spèmatozoyid ki rankontre avèk yon ovil andedan yon fi, yon femèl. Rankont sa bay yon ze ki ap ale bay yon timoun, yon ti bèt. Devlopman yon timoun dire nèf mwa, pou yon fi, anvan li akouche.

Gèmen: Moman lè yon grenn kòmanse grandi.

Gòl: choute, voye yon boul rantre nan kan yon lòt ekip.

H: Uityèm lèt nan alfabèt lang Kreyòl la.

Harley Davidson: Yonn nan de pi ansyen konpayi motosiklèt, sou kote Honda, ki te kòmanse fè motosiklèt nan kòmansman ane 1900 yo. Yon konpayi motosiklèt ameriken.

Yon konpayi motosiklèt japonès. Li kòmanse fè motosiklèt nan peyi Japan epi li rantre nan peyi Etazini nan ane 1950 yo. Se yonn nan de pi ansyen konpayi motosiklèt yo ki te kòmanse fè motosiklèt nan kòmansman ane 1900 yo. Tout kote Honda pase, li elimine konpetisyon Harley Davidson.

Yon konpayi machin Koreyen. Konpayi sa a fè ti machin, tankou konpayi Japonè yo, e machin sa yo pa vann chè.

I: Nevyèm lèt nan alfabèt lang Kreyòl la.

Yon mwayen pou rekonèt yon bagay, yon moun. Yon ti kat ki gen non yon moun avèk foto moun nan sou li pou lye non an avèk foto a.

Yon bagay ki egzateman nan pozisyon li, plas li te dwe ye a. Yon bagay ki sanble anpil avèk yon lide ki te nan tèt yon moun.

Lil. Yon moso tè dlo antoure, dlo pase sou tout kwen li.

Eta yon moun ki pa konnen li avèk ekri. Yon moun ki pa konprann anpil bagay nan reyalite lavi.

Kopi yon bagay. Lonbraj yon bagay.

Kreye imaj yon bagay, yon lide nan tèt anvan li vini egziste nan reyalite.

Moun ki kite peyi yo pou vini viv nan yon peyi etranje.

Aksyon moun ki kite yon peyi yo pou vini viv nan yon lòt peyi. Biwo leta yon peyi ki regle afè moun ki ap rantre epi soti nan peyi a.

Kite yon peyi pou vini viv nan yon lòt peyi.

Aksyon yon moun ki gade kijan yon lòt moun fè yon bagay pou fè li tou. Kèk fwa yon imitasyon tèlman sanble avèk orijinal la moun pa kapab konnen diferans ant yo de a. Kopi.

Gade yon bagay, sa, yon moun fè pou fè menm bagay la tou. Kopye.

Tache ou byen kole yon bagay yon kote byen solid pou li pa kapab souke, deplase ditou.

Yon konpayi machin liksye, sou kote Mercedes avèk Lexus.

Inifòm: Plisyè bagay ki gen menm fòm nan. Yon rad menm koulè, menm fòm nan plisyè moun nan yon gwoup tankou yon enstitisyon, yon ekip mete sou yo.

Yon bagay ki diferan de tout lòt nan menm klas la.

Tout bagay ki egziste depi soti sou tè a pase sou tout lòt planèt yo: Solèy, Lalin, Jipitè, e latriye.

Inivèsite: Yon gwoup enstitisyon, apre lekòl segondè, ki prepare pwofesyonèl.

Yon moun ki pa konnen kijan pou li defann tèt li. Yon moun, malgre tout akizasyon, yon tribinal pran desizyon pou li pa kondane moun li. Moun ki genyen yon jijman.

De ou byen plizyè moun, plizyè bagay ki reyini ansanm. Inyon Sovyetik, Yon gwoup peyi, avèk peyi Risi nan tèt yo, ki te ap pousib yon lide ki te rele Kominis. Se te yon gwoup peyi ki te ap kontrekare lide Kapitalis la nan peyi Etazini. Inyon an kraze nan kòmansman ane 1990 yo. Prèske tout peyi sa yo gen lide pou ranje so kote lide Kapitalis la.

Moun ki kache rayisman avèk vye lide yo gen kont yon lòt moun, lè yo devan moun nan, pou montre yo se yon zanmi li, yo renmen li. Lè yo dèyè menm moun sa a, yo eksprime tout vrè santiman yo kont moun nan.

Aksyon moun ki kache rayisman avèk vye lide yo gen kont yon lòt moun, lè yo devan moun nan, pou montre yo se yon zanmi li, yo renmen li. Lè yo dèyè menm moun sa a, yo eksprime tout vrè santiman yo de moun nan.

Yon peyi nan kontinan Azi a e sou kote Iran, pi gwo énmi peyi sa tou, ki pa lye avèk Etazini, ki pate lye avèk Inyon-Sovyetik.

Yon peyi nan kontinan Azi a e sou kote Irak, pi gwo énmi peyi sa tou, ki pa lye avèk Etazini, ki pate lye avèk Inyon-Sovyetik.

Moun ki ekri sou istwa, tout sa ki pase deja e avèti moun: sa ki pase deja ap retounen ankò.

Nenpòt bagay ki pase deja e moun kontinye ap pale ou byen ekri sou li. Moun ki ap rakonte yon istwa kòmanse avèk yon entwodiksyon, yon devlopman, e fini avèk yon konklizyon.

Yon konpayi machin Japonè ki te plis konn fè kamyon.

Nenpòt bagay ki gen rapò avèk peyi Itali. Fòm lèt, nan yon ekriti, ki panche.

Moun ki itilize yon bagay ou byen yon lòt moun.

Pran yon bagay an chaj epi kontwole. Pran avantaj sou yon bagay, yon moun.

Kèk gwo kay kote travayè itilize machin pou transfòme pwodui natirèl yo tankou bwa pou fè papye, gonm pye bwa pou fè wou machin, lèt bèf pou fè twal, e latriye.

J: Dizyèm lèt nan alfabèt lang Kreyòl la ki pwononse menm jan avèk bwason sa a, ji.

Yon moso tè, yonn ou byen plizyè kawo tè kote yon jadinye plante, sekle, rekòlte.

Jakmèl: Kapital Depatman Sid Lès la.

Tout longè pye yon moun depi soti bò senti li pou jis rive anba plat pye.

Itilize janb pou soti sou yon bò yon bagay, yon moun pou travèse ale sou lòt bò bagay la, moun nan. Yon ekspresyon moun itilize pou esplike kijan yo travèse yon bagay.

Yon moso metal won ki gen menm fòm avèk yon kawoutchou e ki rantre andedan yon kawoutchou pou pèmèt kawoutchou a kenbe van. Prèske tout veyikil tankou bisiklèt, motosiklèt, machin gen jant.

Mete yon jant andedan yon kawoutchou.

Premye mwa nan yon ane ki pote trante-en jou. Yon ane chanje lè premye jou nan mwa janvye a rive.

Yon peyi nan kontinan Azi a ki chita sou plizyè ti il. Peyi sa trè avanse nan konesans teknoloji.

Yon bri chyen fè avèk bouch li ouvri, lè li bezwen fè moun pè, lè li pè.

Pati nan kò moun, nan tèt moun, ki pèmèt moun wè. Yon mesaje ki pote rapò bay chèf li, se je chèf la paske li pèmèt chèf la wè sa ki ap pase. Yon kamera se je moun tou.

Senkyèm jou nan yon semèn. Katriyèm jou biznis nan yon semèn.

Yon bannann pote non sa a nan zòn Depatman Sant la. Lè li vèt li rele jedinèt, lè li mi li rele fig. Gen menm bannann sa a nan prèske tout zòn nan peyi a, li kapab gen lòt non tankou granvensan.

Yonn nan pi ansyen konpayi machin ki egziste. Yon ansyen modèl machin konpayi sa, Willis, toujou egziste. Jeep fè mak machin Cheroke tou.

Pi gwo grad yon moun kapab genyen nan yon kò militè. An Jeneral , Pale de yon bagay tout antye san panse a eksepsyon li.

Moun ki ap viv nan yon epòk ki dire dizuit ane konsa. Moun nan tout sosyete espere apre dizuit ane tout timoun nan tout fanmiy ap gentan fè pitit. Tout pitit, pitit pitit granmoun nan yon fanmiy. Nouvèl Jenerasyon, Yon tip mizik ayisyen ki parèt nan ane katreven yo. Gwoup ki fè mizik sa yo chante an Kreyòl yon fason pou separe nouvo stil mizik yo a avèk ansyen mzik yo chantè te konnen chante nan lang Fransè.

Lespri moun genyen pou kreye bagay. Nan tan lontan, moun te panse jeni se te yon fòs djab ki te ap ede moun. Konnye a moun ale lekòl pou yo kapab kreye bagay.

Eta yon moun ki wont, timid. Eta yon moun ki vòlè yon bagay epi mèt bagay la kenbe li.

Espas ant pye avèk kuis moun ki gen yon ti boul nan li pou pèmèt janb nan pliye sou dèyè.

Moun ki etidye epi entèprete enfòmasyon geografik.

Syans ki pale, mezire fas tè a, de moun ki sou tè a.

Non yon pwofèt nan Bib la. Jeremie. Non kapital Depatman Grandans la. Vil sa a sou yon prèskil nan Sid-Lwès peyi Ayiti e se zòn nan peyi ki gen plis lamveritab.

Yon pitit Bondye ki te vini sou tè a pou mouri nan plas tout lòt moun sou tè a pou efase peche yo. Li te viv pandan trant-twa ane sou tè a. Tout kretyen kwè li nan syèl la konnye a e li chita sou bò dwat papa a, Bondye.

Yon bwason ki fèt avèk fri yon pye bwa. Pou fè yon ji, moun pran fri a epi yo kraze ou byen peze li pou likid soti andedan li epi yo mete dlo sou likid sa anvan yo sikre li.

chèf yon tribinal ki la pou koute de kan nan yon jijman e kontwole tout sa ki ap pase nan yon tribinal.

Moman nan yon tribinal kote gen yon jij, yon jiri, yon plentif ou byen yon pwosekitè, yon defandan, yon okton. Konklizyon travay tout moun ki reyini nan yon tribinal.

Sib tout entansyon lwa yo nan yon jijman. Jwenn satisfaksyon nan tribinal kont move aksyon, aksyon kriminèl yon moun komèt.

Setyèm mwa nan yon ane. Yonn nan de mwa ki fè plis chalè nan yon ane sou kote mwa Out la.

Konnye a menm, nan menm jou sa a. Nan moman sa a menm.

Yon baton avèk de pwent remakab yon pwofesyonèl kapab vire tou won sou men li, dwèt li, kou li, menm pye li san baton an pa janm tonbe yon kote li pate vle. Pwofesyonèl sa a rele Majò Jon. Majò Jon plis patisipe nan Rara.

Jèmen: Lè yon grenn kòmanse grandi.

Jèn: Yon laj moun genyen kote yo gen tout enèji, fòs sou yo pou fè anpil bagay ki egzije fòs moun tankou kouri, memorize, pale, e latriye… Jèn Jan Yon gason ki nan laj moun ki posede tout enèji, fòs pou fè anpil bagay ki egzije fòs moun tankou kouri e latriye.

Jès: Siy yon moun fè avèk yon pati, tout kò, nan kò li pou ranplase yon mo, yon mesaj li vle bay yon lòt moun.

Kòb. Lajan. Lajan, kòb moun kapab itilize pou achte e nenpòt moun ap aksepte resevwa li. Kach diferan de chèk, kat kredi, nòt, e latriye paske tout moun pa aksepte bagay sa yo.

Sitiyasyon yon moun ki rete andedan yon bagay avèk espwa li ap enposib pou moun wè li. Sere.

Yon bout pantalon ki fèt avèk twal mens e gason mete li anvan yo mete pantalon long sou yo.

Yon aparèy ki kapab pran imaj avèk son ki toupre li epi anrejistre yo sou kasèt pou voye sou ekran televizyon.

Yon gwo machin ki loud anpil e ki gen anpil fòs. Li fèt pou pote anpil chay. Nan peyi pòv yo, kamyon pote moun sou chay yo.

Kamyonèt: Yon ti machin ki gen yonn ou byen de plas sou kote chofè a e ki kapab pote soti sèz pou rive a ven moun nan espas dèyè li. Yon ti kamyon.

Kote yon gadyen kanpe pou pare boul lè de ekip ap jwe. Kote yon gwoup moun kanpe pou defann tèt yo.

Yon zwazo ki mache an kadans. Li renmen dlo sal e mal la kouri avèk zozo li deyò lè li fini bay fèmèl la parèy. Vyann li prèske gen menm gou avèk vyann bèf. Li konnen naje e li konnen koule nan dlo.

Yon gwo peyi nan Amerik Nò a e nan nò Etazini. Li divize an de pati: Quebec avèk Montreal. Peyi sa gen yon gouvènman wayalis; konsa yo pa gen prezidan. Se yon premye minis ki gouvène peyi a. Canada.

Moun ki ap patisipe nan yon eleksyon avèk espwa moun ki ap vote nan eleksyon an ap ale vote pou li. Yon moun kapab mete tèt li kòm yon kandida; konsa lòt moun kapab mete li kandida tou.

Yon kouto ki kapab pliye rantre nan manch li.

Eta yon bagay anyen pa kapa anpeche li rive.

Yon plant sikre moun itilize pou fè sik, siwo, rapadou avèk kleren.

Yon resipyan ki fèt avèk ajil e ki pase nan fou pou li kapab vini, di, solid. Yon peyi ki sou plizyè ti il nan nò kontinan Afrik la.

Eta yon bagay ki gate paske tanperati kote bagay sa a te ye a pate bon pou konsève li. Eta dan moun ki fimen e ki gen koulè mawon. Dan moun ki pouri.

Mamit. Non moun nan nò peyi Ayiti bay yon bwat an metal ki tou won avèk de kouvèti, yonn nan chak pwent li.

Yon ansyen zam ki te konnen tire yon boul lwen e boul sa a te kapab kraze nenpòt sa li tonbe sou li a. Lè li tonbe sou tè, li te konnen fouye yon tou. Yon rivyè nan zòn Mayisad, Plato Santral.

Pran yon direksyon vètikal. Sispan avanse nan yon direksyon.

Yon vil nan Depatman Sid la kote wout ki mennen Jeremi an pase. Anpil moun nan zòn sa gen kavo yo nan lakou kay yo, yon koutim ki pa popilè nan lòt zòn nan peyi a.

Yon pye bwa, lè li gran, mitan twons li vini gen koulè wouj. Pati wouj sa a, si li rete nan yon likid tankou dlo, li bay likid la koulè wouj. Yon pye bwa, lè li vèt, li gen yon sant fò. Yon komès ki kòz lanmò fondatè peyi Ayiti a, Jean-Jacques Dessalines.

Yon rad gason mete sou li ki gen de janb ki sanble avèk de janb moun. Yon pantalon.

Yon gason ki gen abilite pou pran yon pozisyon avèk fèmte. Yon moun ki montre kapasite pou gouvène.

Sinistre responsab kèk entitisyon prepare pou nouri moun an gwoup. Manje responsab lekòl yo te konnen bay elèv yo pou retire lide yo sou manje lè yo andedan klas.

Yonn ou byen plizyè nan yon bagay. Dekont. Kontitisyon yon bagay, plizyè bagay ansanm.

Kanè: Yon ti kaye ki pa gen anpil paj kote pwofesè yon klas rapòte nòt elèv ki nan klas li.

Kanèl: Po yon bwa koulè mawon ki gen yon sant moun renmen nan manje dous tankou labouyi, banana, e latriye.

Dezyèm vil peyi Ayiti, nan nò peyi a. Istwa vil sa kòmanse nan tan kolonizasyon. Istwa rakonte anpil bagay sou wòl vil sa te jwe nan lagè pou endepandans peyi a. Cap-Haïtien.

Abilite, potansyalite pou fè yon bagay. Fòs, entelijans ki disponib nan yon bagay.

Mwayen ki disponib pou fè nenpòt bagay.

Vil ki pi enpòtan nan yon zòn, yon peyi. Vil yon peyi kote prezidan yon peyi ap viv pandan prezidans li e se la li gen biwo li. Yon gwo bagay tankou vil ki pi enpòtan nan yon peyi.

Kat miltipliye pa dis. Ven plis ven. San mwens swasant. Katreven divize pa de. 40.

Nenpòt bagay ki gen kat kwen ki gen menm dimansyon an nan chak kwen. Moun ki renmen itilize vrè mo li bezwen an pou li eksprime lide li.

Pase men sou tout kò yon moun pou fè moun sa santi tout kò li dous e sispann panse a tout lòt bagay ki pa gen rapò avèk pwòp tèt pa li ou byen moun ki ap touche li a. Nenpòt sa de moun fè ki anonse yo ap ale koupe apre aksyon an. Aksyon yon moun ki ap fè yon lòt dous.

Yon vye sandal, soulye ki demode epi yon moun kontinye mete li.

Yon manje peyizan ayisyen prepare avèk manyòk lè yo fini retire lanmidon an nan manyòk la. Si kasav seche nan solèy, li kapab pran anpil mwa anvan li gate. Li gen bon gou lè li gen manba sou li.

Divize an de ou byen plis moso. Dan Kase, Eta yon moun ki pèdi yon moso nan dan li. . Kase Koub, Kite yon direksyon dwat pou vire nan yon lòt direksyon.

Eta dlo, tankou dlo yon ravin, ki ap glise desann soti sou yon do mòn. Jan yon moun ranje plizyè dokiman ki ouvri sou ekran yon òdinatè tankou dlo yon ravin ki ap desann soti sou do yon mòn.

Kasèt: Yon ti bwat an plastik ki gen yon riban an plastik andedan li ki kapab enrejistre son, imaj.

Senkyèm chif nan nonb pozitif yo. De plis de, twa plis en, de miltipliye pa de, e latriye. Yon moso katon, plastik moun sèvi pou yo jwe anpil jwèt tankou twasèt, bezig, viv-damou, solitè, pokè, e latriye. Yon ti moso plastik ki gen longè twa pous avèk de pous pou lajè e ki gen anpil enfòmasyon sou li kèk machin kapab li. Kat Kredi, Yon kat ki gen enfòmasyon nan li moun pa kapab li, men yon machin kapab li tout enfòmasyon sa yo pou pèmèt yon moun pran lajan nan anpil bank, achte bagay nan anpil boutik, magazen.

Yon bèl moso katon ki pliye an de e moun kapab rantre yon fèy papye andedan li pou li pa chifonnen. Moun ki ap chache djòb toujou mete rezime yo andedan yon katab pou kenbe li bèl pou patwon yo.

Plizyè bagay ki kapab gwoupe ansanm paske yo sanble.

Yon materyèl tankou papye, men ki pi près e solid. Gen plizyè gwosè katon.

Katreventyèn nonb nan nonb pozitif yo. Ven miltipliye pa kat. Karant plis karant. San mwens ven, soustraksyon ven nan san, e latriye. 80.

Katreven plis en. San mwens diznèf, e latriye. 81.

Yon ti vil ki pi piti pase yon bouk. Yon vilaj, yon zòn nan yon vil kote, tout moun, yonn konnen lòt.

Katòz: Senkyèm nonb pozitif ki gen de chif nan li: en (1) avèk kat (4). 14.

Yon ti kay nan yon simetyè kote fanmiy yon moun, leta mete yon sèkèy avèk moun nan andedan li lè moun sa a mouri.

Yon zwazo nwa ki bay yon son tankou li ap repete non li san rete. Zwazo sa a renmen poze wo sou pye bwa, men moun kapab tande vwa li byen lwen.

Yon materyèl elastik ki fèt avèk gonm yon pye bwa ki grandi nan peyi cho yo. Yon materyèl elastik ki fèt yon fason pou li kapab kole sou yon jant ki ede li kenbe van. Lè yon kawotchou pase sou yon bagay ki pi di pase li, li pliye nan fòm bagay la pou pase sou li. Yonn pa domaje lòt la paske kawotchou a reprann fòm li apre.

Kawòt: Yon plant ki pouse yon gwo rasin wouj e moun manje rasin sa a paske li gen bon gou, anpil vitamin.

Kote moun rete pou pwoteje yo kont chanjman tanperati e pou pwoteje bagay yo posede.

Yon ti liv san ekriti nan paj li yo ki fèt pou moun ekri.

Yon gwo bèt ki sanble avèk mabouya anpil e ki viv nan dlo. Yon kayiman kapab pase anpil tan san fè mouvman, tankou li mouri.

Fri yon pye bwa ki gen koulè vè lè li vèt, ki gen koulè mov lè li mi. Fri sa gen yon gonm nan li ki kole nan bouch moun ki ap manje li.

Yon moso tach ki vlope tou won e ki koud yon fason pou kenbe rapadou moun mete andedan li.

Yon pwent long ki nan dèyè anpil bèt. Yon mo moun mete nan diskou li pou mete plis aksan sou mo ki ap vini apre mo, Ke, a.

Travay yon moun ki pase dwèt men li sou kote yon bagay, chak dwè nan yon kwen diferan, epi pese dwèt yo tankou yo ap ale kraze bagay la pou yo rankontre.

Machandiz yon machann ki gen anpil ti kantite machandiz diferan nan chak bagay li gen pou vann.

Yon zòn sou tèt yon mòn nan kapital Ayiti a, Pòtoprens, ki frèt anpil malgre Ayiti pa yon peyi frèt.

Sizyèm nonb pozitif ki gen de chif nan li: en (1) avèk senk (5). 15.

Jan yon moun mande pou sa li bezwen. Yon entèwogasyon pou chache yon repons.

Kesyonè: Yon lis kesyon pou bay moun avèk espwa moun nan ap reponn kesyon yo.

Rache grenn yon pye bwa soti nan kòlèt li, nan pye bwa.

Yon mo entèwogatwa moun mete devan yon lòt mo pou poze yon kesyon. Yon mo moun itilize pou mete aksan sou mo ki vini apre a.

Eta yon moun ki pèdi balans li pandan li ap mache, kouri epi ki pati pou li ale tonbe. Pouse yon moun pou li ale tonbe.

Kilomèt: Yon inite pou mezire distans ki long anpil. Yon kilomèt gen mil mèt nan li, twa-mil-de-san katreven-en pye, tran-nèf-mil twa-san-swasant-dis pous.

Kiltivatè: Moun ki kiltive tè.

Sekle, plante e rekòlte an menm tan nan yon jaden. Etap sa yo pran anpil tan pou reyalize. Pou kiltive mayi, li kapab pran karant-senk jou. Kann kapab pran yon ane pou pi piti. Pye bwa kapab pran anpil ane.

Kilòt: Yon ti rad kout fi mete sou yo pou bare koko yo, pwèl yo, avèk de bò dèyè yo. Gen yon kilòt ki pase nan fant dèyè fi e ki pa kouvri de bò dèyè yo.

Ti boul dlo avèk lè andedan yo kèk likid fè lè yo boulvèse anpil. Bav ki soti nan bouch kèk moun, bèt. Rezilta pat yon moun ap fwote nan bouch li avèk yon bwòs.

Travay yon bagay ki fè kim.

Yon mo entèwogatwa moun itilize pou idantifye yon bagay nan yon gwoup lè moun konnen li pa ap chache idantifye yon lòt moun. Yon mo moun itilize pou ranplase yon lòt mo.

Vire do bay yon bagay epi ale. Yon mo moun itilize pou mande yon moun pou vire do bay li. Sispann. Pati, ale lwen yon moun, yon bagay.

Yon mo entèwogatwa moun mete devan yon mo pou idantifye yon moun, yon bagay nan yon gwoup. Moun toujou itilize kiyès lè yo konnen yo ap chache idantifye yon moun nan yon gwoup moun. Yon fanmiy mo, Ki, pou idantifye yon bagay nan yon gwoup.

Yon chanm nan yon kay kote kizinyè fè manje. chanm sa gen tout sa ki gen rapò avèk fè manje nan li tankou yon fou, chodyè, asyèt e latriye. Nan ti vil yo, yon ti kay ki gen yonn ou byen plizyè chanm kote kizinyè fè manje. Ti kay sa gen yon recho, yonn ou plizyè twa-pye-dife e plizyè lòt bagay ki gen rapò avèk manje, fè manje.

Yon ti aparèy ki andedan yon machin e chofè a gen yon bouton li kapab peze pou fè li fè bri lè li bezwen evite yon danje.

Fè yon bri avèk yon klaksonn.

Bagay ki gen rapò avèk klas, wotè moun ki pase lekòl okipe nan yon sosyete. Yon epòk nan tan lontan lè te gen anpil règleman yon ekriven te oblije obeyi pou yo ekri yon tèks.

Eta yon bagay ki klè. Travay limyè fè sou fènwa, lannwit.

Yonn nan senk pati yon òdinatè ki gen anpil bouton ki reprezante lòd yon operatè kapab pase yon òdinatè. Tout lèt alfabetik yo, chif yo soti nan zewo pou rive nan dis avèk tout siy ponktiyasyon yo.

Yon moso materyèl ki gen menm fòm avèk yon tou kote li kapab rantre pou pouse ou byen rale lang sekirite yon pòt.

Eta yon bagay ki anvayi avèk limyè. Travay yon bagay ki anvayi yon lòt bagay avèk limyè. Eta yon anpoul ki gen kouran ap pase nan li.

Yon bwason koulè gri ki gen anpil alkòl nan li. Kann se yonn nan pi gwo kontitisyon kleren. Genyen anpil kote nan peyi Ayiti ki fè kleren. Anpil moun nan peyi a renmen bwè bwason sa tou e li fè yo sou tou.

Yon enstriman misikal ki bay son lè yon kantite van yon moun ap kontwole avèk bouch li pase andedan enstriman sa a. Yon klewon gen twa bouton ki sèvi pou chanje nòt mizikal yo: do, re, mi, fa, sòl, la, si.

Yon bèt ki gen bouch long e ki gen anpil grès nan kò li. Ayisyen fè yon manje ki rele griyo avèk vyann kochon.

Aksyon yon kòk ki monte sou do yon poul pou rantre zozo li andedan koko,dèyè, poul la. Aksyon nenpòt mal èt vivan ki mete zozo li andedan koko yon femèl. Pandye yon bagay, pou moun nan Depatman Latibonit la.

Eta yon moun ki kapab kache nenpòt sa li pa vle lòt moun konnen. Eta moun ki montre yon ekspresyon sou vizaj li pou fè moun kwè pawòl ki ap soti nan bouch li menmsi pawòl sa yo pa vrè.

Anpil nan yon bagay. Abondans. Anpil.

Grenn yon pye bwa ki sanble avèk pye palmis. Kokoye gen yon bon dlo andedan li avèk yon pati blan ki gen anpil grès nan li. Ayisyen prepare anpil manje avèk kokoye tankou dous, labouyi, e latriye.

Kokèt: Eta yon fi ki toujou fè gason panse li renmen yo e moun kwè li ap kouche avèk anpil gason san li pa janm kouche avèk anpil gason tout bon vre.

Eta de bagay fas yo tou de a frape nan yon aksidan.

Mèt esklav nan ansyen koloni yo. Blan ki te mèt esklav yo lè Ayiti te yon koloni, anvan ane 1804.

Yon peyi ki sou depandans yon lòt peyi. Tout lwa koloni a se lwa ki soti nan lòt peyi a e koloni a peye lòt peyi a enpo. Pandan evolisyon tout sosyete nan lemond, lòt dominasyon tankou kapitalis, sosyalis te vini ranplase koloni; kidonk pa gen koloni konsa ankò. Anpil moun, bèt ki reyini ansanm.

Pran yon peyi epi fè li vini yon koloni.

Kolonèl: Yon grad nan tout kò militè ki bay moun anpil pouvwa sou lòt militè tankou kòmandan, sèjan, kaporal, e latriye ki anba li.

Yon moun ki fè moun ki ap koute li ri avèk nenpòt pawòl li di. Pwofesyonèl ki konnen kijan pou li fè yon odyans ri.

Kalite yon bagay, yon moun ki fè moun ri. Kalite yon istwa, travay yon komedyen ki fè moun ri.

chanjman pawòl, jès ant de ou byen plis èt vivan lè yonn konprann lòt la. Mwayen moun itilize pou yo fè yon mesaj rive jwenn yon lòt moun. Gen anpil mwayen kominikasyon tankou ekri, pale, telefòn, radyo, entènèt, telegraf, satelit, e latriye.

Yon ti gwoup moun, yon gwoup moun ki ap viv menm kote.

Yon angajman yon moun pran pou li respekte prensip yon gwoup li te kòmanse sib. Angajman yon moun pran nan legliz katolik pou li kontinye sib Bondye san li pa retounen nan peche, vye lavi li te konnen ap viv anvan li te rantre nan kominyon.

Mesaj, bagay yon moun aksepte pran nan men yon moun pou pote bay yon lòt moun. Plizyè moun yon gwoup moun bay tout dwa pou ranplase yo nenpòt kote yo te kapab ranplase pwòp tèt pa yo.

Komè: Yon fi ki batize maryaj de moun, pitit de moun avèk yon lòt moun. Yon fason ayisyen rele vwazin yo.

Komès: chanjman machandiz avèk moun pou lajan lè chanjman sa a bay yon pwofi.

Yon pwofesyonèl ki fè lajan li nan fè komès.

Nenpòt bagay ki gen rapò avèk komès. Eta yon bagay ki kapab vann pou lajan e achtè anvi peye lajan pou li.

Moun ki ap konbat. Moun ki te patisipe nan lagè ou byen ki ap patisipe nan lagè. Moun ki pa janm dekouraje defann dwa li avèk dwa lòt moun nan yon sosyete kote gen enjistis.

Kòve. Yon seremoni kote anpil peyisan rankontre ansanm pou fè yon travay pou yon moun, yon zanmi nan kominote kote yo ap viv la san yo pa touche lajan pou travay sa a. Tout moun nan konbit la espere lè yo gen konbit pa yo tou moun yo te ede a ap vini ede yo.

Mennen yon bagay, yon moun nan yon direksyon epi ede moun nan, bagay la rete sou bon direksyon an. Kenbe volan yon machin pandan motè li ap mache e wou li ap woule sou tè a. Kenbe men yon avèg pou mennen li kote li ap ale.

Rezon ki fè yon bagay egziste. Yon rezon ki anpeche yon prensip, yon règ rete jeneral, inivèsèl. Eksepsyon.

Sa ki rete nan tèt yon moun lè li fini bliye tout sa li te aprann. Nivo ki pi wo nan devlopman entelijans moun. Premye rankont de, plizyè moun.

Poud kèk materyèl ki bay yon limyè menm koulè yo ye a lè gen limyè ki ap klere yo. Moun itilize poud sa pou voye sou lòt moun nan kèk seremoni tankou maryaj, gradyasyon e latriye. Yon desè moun prepare avèk anpil fri tankou anana, gwayav, grenadin, zoranj-sirèt, e latriye. Lè konfiti melanje avèk manba sou pen, kasav, li kapab ranplase yon repa nan yon jounen.

Kote moun sere lajan. Yon bwat ki fèt avèk metal ki lou anpil pou fè li difisil pou moun pote li e moun kapab sere lajan andedan li. Yon konfrefò pa gen kle, men li gen yon mo sekrè ki pèmèt moun ouvri pòt li. Anpil moun ki pa vle moun konnen konbyen kòb yo posede toujou gen yon konfrefò andedan kay yo pou mete lajan.

Kanpe an fas yon moun pou repwoche li pou sa li fè mal. Mache nan direksyon yon moun avèk entansyon pou goumen avèk li.

Kwayans yon moun gen nan yon lòt moun, nan Bondye ki fè li kapab di moun nan, Bondye tout sekrè li.

Viv avèk yon moun e san kenbe sekrè pou moun sa a. Di yon moun, Bondye tout bagay, tout sekrè.

Yon peyi nan kontinan afriken an kote anpil esklav ki te soti pou vini nan koloni yo. Peyi sa a sitiye nan mitan kontinan an. Moun ki soti andeyò, mòn yon peyi epi ki vini viv nan yon gwo vil.

Sispann travay pou yon kantite tan avèk garanti djòb la ap toujou la ap tann travayè a retounen.

Mache pran peyi yonn apre lòt pou mete anba lwa, sou depandans yon lòt peyi.

Pati nan yon istwa ki bay yon resime de tout sa ki te di nan istwa a. Moun ki li yon konklizyon prèske konnen tout sa ki te pase nan istwa a, men yon moun ki bezwen konnen tout istwa a oblije li devlopman an. Yonn nan twa pati yon istwa, yon redaksyon, yon disètasyon.

Yon seremoni kote plizyè moun ap eseye montre yo kapab fè yon bagay pi byen, kijan yo kapab fè yon bagay epi plizyè jij ap evalye patisipan yo.

Travay ansyen gèrye yo ki te konnen mache pran peyi nan men moun ki ap viv nan peyi sa yo epi kolonize peyi a.

Egzistans yon lyen ant de ou byen plizyè moun. Yon moun ki konprann tout sa yon moun di, tout sa moun nan fè. Konprann yon bagay nèt ale. Posede yon konesans san limit sou yon bagay, yon moun.

Yon moso plastik plat e tou won ki gen mizik anrejistre sou li. Lè konpakdis apèn parèt li te vini chanje jan moun koute mizik. Mizik te konnen anrejistre sou plak e kòm son konpakdis la pi bon nan zòrèy, moun sispann achte plak jis izin sispann fè plak.

Yon moun, yon bèt ki akonpaye yon moun pou rete, ale yon kote.

Yon moun ki soti nan menm peyi avèk yon lòt moun e ki toujou toupre pou defann peyi li.

Ankourajman yon moun jwenn pou yon aksyon li komèt. Fè yon moun konnen li byen abiye, li bèl.

Antann avèk lòt moun pou asasinen, bat yon moun. Ranje avèk lòt moun pou viktim yon moun.

Abilite pou rekonèt, entèprete yon bagay, moun ou byen aksyon moun. Rekonèt. Entèprete.

Konpè: Yon gason ki batize yon maryaj, yon pitit de lòt moun. Yon gason ki ap viv sou kote kay yon lòt moun.

Yon fason pou moun di: tankou sa a, menm jan avèk sa a. Lè yon moun di konsa, li lonje men li sou yon bagay pou montre yon moun yon bagay.

Definisyon yon moun bay yon bagay. Jan yon moun konprann yon bagay.

Pale avèk yon moun pou montre li sa ki pi bon pou li kapab fè. Bay yon moun konsèy.

Aksyon yon moun ki ap pale avèk yon lòt ki gen lapenn pou bay moun nan kouraj.

Manman tout lwa nan yon peyi. Tout bagay ki kontribye pou fè yon bagay sa li ye a. Tout sa ki fòme yon bagay. Dezyèm etap nan kontriksyon yon peyi sou kote drapo peyi a.

Tout etap yon konstriktè pase pou li konstwi yon bagay tankou yon kay, yon bato. Yon kay. Yon bato.

Moun ki konnen ranje plizyè moso ansanm pou reyalize yon imaj nenpòt moun kapab konprann. Moun ki fè bagay tankou kay, bato, e latriye.

Ranje plizyè moso ansanm pou reyalize yon imaj nenpòt moun kapab gade e rekonèt kisa li ye. Moun ki ap fè bagay tankou kay, bato, e latriye.

Yon jij andedan tout moun ki fè moun nan santi li byen lè li fè yon bon bagay e ki fè moun nan santi li mal lè li fè yon move bagay. Konesans sou ki byen avèk sa ki mal.

Yon gwo mouvman edikasyon ki te kòmanse nan ane katreven yo nan peyi Ayiti pou fè ayisyen konprann kijan sistèm gouvènman peyi a move pou yo. Mouvman sa a grandi tèlman rapid li kontribye a kraze govènman peyi a nan epòk sa. Edike moun pou fè yo konprann lavi e rekonèt reyalite avèk ilizyon.

Konsè: Yon represantasyon mizikal ki kapab genyen yonn ou byen plizyè pèfòmè, atis.

Konsève: Sere yon bagay pou jwenn li lè gen bezwen pou li. Enrejistre yon dokiman sou yon diskèt nan yon òdinatè.

Konsèy: Pawòl yon moun di yon lòt moun pou montre moun nan kisa ki pi bon pou li kapab fè. Moun nan pa oblije aksepte konsèy la, men moun ki nayif pran tout konsèy yon moun pou yon lòd.

Nan yon pozisyon opoze a pozisyon yon lòt. Yon bagay ki pa twò piti e ki pa twò gwo. Egzateman kantite nesesè a. Yon lis debi avèk kredi pou montre sa ki soti e sa ki rantre nan yon konfrefò.

Yon moun ki etidye syans kontablite a e ki pwatike kijan pou kenbe egzamine kont. Anpil moun panse kontab se yon moun ki manyen lajan, men sa pa vrè. Yon kontab fèt pou gen tout mwayen disponib pou esplike ki kòb ki rantre e ki lajan ki depanse menmsi li pa janm rankontre avèk kòb.

Teori e sistèm ki montre kijan pou ranje kont nan kòmansman yon biznis, kenbe kont yo, envestige kont yo epi rapòte sou yo.

Ekspresyon satisfaksyon andedan yon moun ki parèt sou vizaj moun nan lè li ri.

chache yon mwayen pou satisfè menmsi bagay ki pou bay satisfaksyon an pa vini.

Ekspresyon vizaj yon moun ki satisfè.

Mete anpil espwa sou yon bagay, yon moun. Soti nan yon nonb pi piti pou ale nan yon nonb pi wo.

Senk pati yo ki divize tout tè a: Ewòp, Azi, Afrik, Amerik, Oseyanik.

Ale san kanpe nan wout avèk yon bagay ki te kòmanse.

Yon moso papye lalwa pèmèt de moun ou byen plis moun siyen pou yo respekte tout sa ki ekri sou papye a. Yon angajman de ou byen plizyè moun pran ansanm.

Yon fòs yon ti bebe ki andedan vant yon manman fè manman santi lè li bezwen soti e sa fè manman an konnen li ap ale akouche. Yon moman kote yon bagay ap chache wout pou soti epi yon lòt ap anpeche li soti; konsa yo bay kò yo ap aji sou li a yon doulè.

Siyen yon kontra avèk yonn ou byen plizyè moun. Travay yon ti bebe ki fè yon manman santi li lè pou li akouche.

Pase sou wout yon lòt moun te ap pase, men de moun yo te ap ale nan direksyon opoze.

Kanpe an fas yon moun pou fè li konprann yon bagay li te fè pate bon pou wè si moun nan te kapab evite fè bagay sa a yon lòt fwa. Yon moun ki kontrekare yon moun kapab rankontre yon reyaksyon vyolan nan men lòt moun nan.

Aksyon moun ki mete yon pati nan yon bagay anpil lòt moun, yo chak, ap mete yon pati tou. Patisipasyon nan yon bagay pou fè li vini konplè. Yon biwo leta ki kolekte enpo tout sitwayen avèk biznis nan peyi a peye.

Bay patisipasyon nan yon bagay pou fè li vini konplè. Mete yon pati nan yon bagay anpil lòt moun ap mete pa yo nan li tou.

Fè respekte, aplike lwa. Pase lòd a tout moun ki anba kontwòl.

Kontwòl: Pouvwa yon moun gen pou kontwole, pou aplike lwa. Yon òdinatè ki ap kòmande yo lòt machin.

Yon antant ant tout syantis pou ede yo jwenn solisyon yon pwoblèm. Yon moman kote anpil moun ki gen konesans nan yon bagay rankontre pou jwenn solisyon yon pwoblèm pandan yon ap koute opinyon chak moun ki pale.

Travay yon gason, yon mal bèt ki rantre zozo li nan koko yon fi, yon femèl avèk anpil fòs.

Kreye imaj yon bagay yon fason pou li difisil pou moun konnen kiyès ki orijinal la e kiyès ki kopi a. Gade jan yon moun fè yon bagay pou fè bagay la menm jan tou.

Konparezon ant de fòs pou wè kiyès ki pi fò. Aksyon yon moun ki reponn atak yon lòt.

Koridò: Yon ti wout ki jennen anpil kote plis pase yon moun pa kapab pase yonn sou kote lòt la.

Yon plas pou jwenn yon bagay. Yon kwen.

Yon fi ki aksepte plase avèk mari yon lòt fi.

Pati ki lye tèt yon moun avèk epòl moun nan. Frape yon bagay sou yon lòt bagay.

Yon magouy kèk moun fè pou rantre kouran andedan kay yo san peye pou li. Yon moso bagay ki fèt avèk menm materyèl avèk kawotchou.

Anpil nan yon bagay ki parèt san moun pate ap espere li. Kantite kras ki sou kò yon moun.

Pran yon pozisyon vètikal tankou yon matla sou yon kabann. Kouche fi, Mete yon fi sou kabann epi rantre zozo andedan koko li. Eta solèy lè li sispann klere tè a.

Yon moso twal moun mete nan fant janb yo pou pare likid tankou pipi, poupou. Yon moso twal pou mete nan fant janb ti bebe paske ti bebe pa kapab kenbe pipi avèk poupou pou lage yo lè li vle.

Kole plizyè moso twal ansanm avèk fil ki pase andedan moso twal yo avèk yon egiy.

Aksyon kèk moun nan yon peyi ki touye prezidan peyi ou byen mete li nan avyon epi voye li ale nan yon lòt peyi pou yo pran plas prezidan an. Kèk lè sivil konnen pran pouvwa prezidan an tou, men se militè ki gen plis mwayen pou bay koudeta. Nan moman yon koudeta moun nan peyi a pa konnen ki moun ki ap gouvène anvan nouvo prezidan an pale avèk pèp la. Detoúnman politik yon peyi.

Yon ti ensèk ki kapab vole e ki gen limyè limen nan dèyè li lè li fè nwa.

Travay yon moun ki rantre nan dlo san kite pyès pati nan kò li deyò. Eta yon resipyan ki gen yon tou nan li ki anpeche li kenbe likid san likid la pa tonbe.

Koulèv: Yon bèt long, kò glise e ki mache pandan li ap trennen sou vant li. Gen plizyè diferan koulèv. Gen koulèv ki kapab peze 400 liv.

Yon ti kay moun ranje kò yo malman pou viv andedan.

Aksyon de moun, de bèt ou byen plizyè ki ap kouri pou wè kiyès ki ap rive yon kote anvan.

Pase dwa bay yon moun pou li kontinye yon bagay. Yon moun ki pa gen wotè nòmal yon moun genyen. Yon moun ki gen mwens ke senk pye pou wotè.

Tande yon bagay, yon moun ki ap pale epi bay moun sa a anpil atansyon pou konprann sa li ap di a.

Yon pati nan yon bagay ki koud. Travay yon koutiryè, yon tayè lè li kole de moso twal ansanm.

Bagay yon moun toujou fè e refè chak fwa li gen chans pou fè li. Abitit yon moun genyen. Yon evènman yon sosyete fete chak ane.

Yon pwofesyonèl fi ki fè rad pou moun mete. Koutiryè pi alèz nan fè rad pou fi, men gen kèk koutiryè ki fè rad pou gason tou.

Aksyon yon gason ki ap pale avèk yon fi pou wè si fi a ap aksepte renmen avèk li.

Yon moso metal ki gen yon manch bwa ou byen plastik epi yon bò nan kò li plati yon fason lè li touche yon lòt bagay li ap kapab rantre andedan bagay la, li ap kapab koupe bagay la.

Yon moun ki konnen kèk pwopriyetè kay ki gen kay pou lwe e ki konnen kèk lokatè tou ki ap chache kay pou lwe epi li ede yon rankontre pou yo fè biznis. Yon pwofesyonèl ki patisipe nan ranje biznis pou moun e ki touche pou sèvi li.

Aksyon anpil femèl zwazo ki kapab kouche sou ze li pandan anpil jou pou chak ze rive bay yon ti zwazo. Lè yon femèl zwazo ap kouve, li leve sou ze yo sèlman pou ale chache manje.

Yon ti dra mens moun mete sou kabann nan peyi twopikal yo. Yo itilize kouvreli tou pou kouvri paske li pa fè fredi nan peyi sa yo.

Mete yon bagay laj sou yon lòt epi bagay laj la anpeche li rete vizib. Bouche yon tou.

Fè wonn yon bagay. Mete, aliye yon bagay sou tout kwen yon lòt bagay. Antoure yon bagay. Mete kouwòn sou yon bagay, tèt yon moun.

Kouwòn: Yon siy pou montre grandè yon moun tankou yon wa, yon rèn. Flè ki ranje an won pou mete sou kavo, tonm kadav.

Pitit gason yon sè ou byen yon frè papa ou byen manman yon lòt moun.

Pitit fi yon sè ou byen yon frè papa ou byen manman yon lòt moun.

Yon gason ki pa devlope seksyèlman, kont pou konprann lè yon fi vle fè lanmou avèk li. Gason sa a pèdi anpil tan li pate ap janm bezwen pèdi pou koutize fi a si li te konprann fi. Tan yon koyo pran pou li koutize yon fi fè fi a deja konprann li ap ale oblije montre gason sa a sa pou li fè anvan li jwenn sa li vle a; konsa li meprize avans yo lè yo vini.

Pale avèk yon zanmi de plizyè bagay ki pase san rete sou yon sèl sijè. Konvèsasyon abityèl ant plizyè zanmi chak fwa yo rankontre. Pale avèk yon zanmi de yon bon ou byen yon move eksperyans. Travay de moun ki ap pale.

Yon bèt ki rete nan yon tou kote ki gen dlo. Li gen de kwòk dan ki sanble avèk de pye devan, men dan yo pa janm touche a tè. Dèyè chak de pye yo yon krab gen twa pye sou chak bò. Pou pechè kenbe krab yo oblije foure men yo nan tou a. Krab konnen mòde pechè yo. Krab bay legim avèk bouyon bon gou.

Yon bèt ki renmen viv nan imidite, kote ki mouye, kote ki gen dlo. Bèt sa kapab viv lontan kote ki pa gen imidite tou. Gen krapo ki viv nan dlo e yo manje ti pwason avèk ti koulèv. Sa ki viv sou tè yo manje ti ensèk.

Pousyè ki poze sou yon kò epi ki kole sou kò sa a tankou li kontribye nan konstitisyon kò a. Kras kapab chanje koulè yon lòt bagay. Kras sou kò moun sanble avèk yon tach nwa. Ti Kras, Yon ti pati nan yon bagay.

Monte sou yon bagay epi fè li pèdi fòm orijinal li te genyen an. Sa depan de materyèl ki antre nan konstitisyon yon bagay, lè li kraze, moso yo kapab separe ou byen rete ansanm. Mete yon bagay lou sou yon bagay ki pi fay.

Moun ki pa vle fè egzèsis ki ap ede yo devlope entelijans yo.

Moun. Tout moun nan yon sosyete. Tout èt vivan ki gen entelijans, ki kapab devlope entelijans li e ki kapab reflechi. Moun ki sib tout prensip Jesi Kris yo.

Rantre pwent yon bagay nan yon kò. Fouye yon tou nan yon bagay ki te fèt pou rete san tou sa a. Fòse zozo yon gason rantre nan koko yon femèl pou premye fwa nan lavi femèl la. chire.

Tout bagay Bondye, moun kreye.

Moun ki kreye yon bagay, Bondye.

Fè yon bagay vini egziste pou premye fwa. Envante yon bagay.

Kreyòl: Moun ki fèt e grandi nan yon peyi. Plizyè lang moun pale nan plizyè peyi ki te pase anba esklavaj nan ansyen koloni yo. Esklav yo pate kapab konprann lang mèt yo, kolon yo te ap pale; konsa yo di mo yo nan fason pa yo e tout esklav parèy yo entèprete mo yo menm jan moun ki di mo a te konprann li. Yonn konprann lòt yo kontinye pale konsa. Kreyòl Ayisyen, Yon lang ki soti nan defòmasyon mo twa lòt lang: Anglè, Espanyòl, Fransè. Prèske chak santèn moun nan popilasyon peyi Ayiti a pale Kreyòl, men lang sa a se yonn nan de lang ofisyèl peyi a, sou kote Fransè.

Yon ti bèt ki viv nan dlo, ki kapab gen koulè blan, wouj, vè e li soti nan menm fanmiy avèk krab, oma. Li itilize senk pye dèyè li yo pou mache. Li bay manje bon gou e moun itilize li pou kwit anpil manje tankou sòs.

Move aksyon yon moun, tankou touye yon lòt moun, vòlè bagay yon lòt moun posede, ki ale nan direksyon opoze avèk lalwa.

Opinyon yon moun sou rezilta travay yon lòt moun. Yon kritik kapab pozitif ou byen negatif. Yon moun ki kritike rezilta travay yon lòt moun ede moun nan fè travay la, yon lòt travay pi byen.

chache mete verite rezilta travay yon moun klè pou tout lòt moun kapab konprann li. Bay yon opinyon sou travay yon moun. Pale byen, mal de pèsonalite yon moun.

Moman yon moun gen dlo ki ap soti nan je li. Gen anpil reson ki fè yon moun kriye tankou lapenn, doulè, kontantman e latriye.

Krèm: Kèk medikaman mou pwodiktè yo mete nan yon bwat mou pou moun kapab peze bwat la lè yo bezwen yon ti kras nan medikaman an soti nan bwat la. Yon desè ki fèt avèk lèt e plizyè fri. Kim ki soti nan anpil pati nan kò tankou bouch moun ki pale anpil.

Krèt: Yon pwent ki monte dwat anlè. Yon do mòn gèrye itilize pou yo kapab wè énmi ki ap pwoche sou yo. Yon ti pwent ki sanble avèk yon ti do mòn sou anlè ouvèti koko yon femèl, yon fi.

Pati anlè nan yon janb ki ale kole nan senti yon moun, yon bèt e ki kole nan jenou moun nan, bèt la.

Mete de bagay long yonn an travè sou lòt la. Pozisyon yon moun, yon bagay ki bare chemen yon moun pou anpeche li kontinye wout li.

Yon vil nan peyi Ayiti ki toupre kapital peyi a nan direksyon nò-lès e sou wout pou ale nan Depatman Sant la. Croix-des-Bouquets.

Yon vil nan nò kapital peyi Ayiti, anvan Kwadèboukè, toupre kote de gran wout pou ale nan nò peyi a rankontre: Wout Nasyonal Nimewo En avèk Wout Nimewo De. Croix-Des-Missions.

Yon varyete pen ki sanble avèk mwatye yon wonn. Yonn nan fòm Lalin nan ki parèt chak mwa e pandan plizyè jou nan yon mwa.

Eta yon bagay ki te piti, kout e ki ap vini gwo grandi. Eta yon bagay ki ap soti nan yon kantite ki pi piti pou ale nan yon kantite ki pi gwo. Konte tankou soti nan en, de, twa… pou ale pi wo.

Eta yon bagay ki pase, kouche an travè sou, wout, yon lòt bagay. Lè yon mal bèt monte sou do yon femèl bèt pou rantre ògán seksyèl li nan pa femèl la.

Kote. Yon fas nan yon bagay tankou yonn nan kat fas yon bwat. Yon pozisyon kote yon bagay ye.

Po kò yon èt vivan melanje avèk vyann kole nan li. Yon pati nan kochon machann vyann kochon itilize pou fè griyo.

Itilize chalè, dife pou chofe yon bagay pou moun manje pou jis li vini mou. Tranpe yon bagay pou moun manje nan dlo cho pou jis li vini mou.

Kèk: Yon pati nan yon bagay, men li pa tout kantite ki egziste nan bagay sa a. Pati sa pa menm plis pase mwatye nan bagay sa a.

Yon tan ki te pase depi anpil tan. Yon bagay ki kòmanse, men ki bezwen plis tan pou li fini.

Kès: Yon bwat, yon tiwa kote moun mete lajan pou pran lè yo bezwen li. Yon tiwa nan yon boutik.

Kèt: Yon moman nan mès, sèvis yon legliz lè responsab nan legliz la ap mache resevwa kòb nan men fidèl yo ou byen moman lè fidèl yo ap mache ale depoze kòb nan yon baskèt. Moman lè yon moun ap mache mande plizyè lòt moun kòb.

Kò: Pati enpòtan nan yon bagay. Yon pati ou byen tout pati ki rantre nan konstitisyon yon bagay, yon èt vivan.

Kòb: Lajan. Lò, lajan e anpil lòt metal leta prepare yon fason moun nan yon peyi, yon sosyete kapab achte, chanje li pou bagay yo bezwen. Nenpòt moso papye leta yon peyi mete an sikilasyon pou moun chanje kont sa yo bezwen.

Kòd: Plizyè bout nan yon bagay ki vlope ansanm yon fason chak fwa dènye bout la te ap ale fini yon lòt pwent te gentan kòmanse vlope. Lè pa gen lòt bout ki ogmante sou dènye bout la, kòd la fini, rive nan bout li.

Kòk: Yon bèl zwazo, mal nan fanmiy li e ayisyen itilize li nan gagè pou fè de nan yo batay. Lè de kòk ap batay nan gagè, gason ayisyen parye sou kòk yo panse ki ap genyen batay la.

Kòlèt: Pati nan yon chemiz ki kouwonnen kou yon moun. Yon fil ki kenbe yon grenn pou li kapab pandye nan yon pye bwa. Gwo Kòlèt, Moun ki vle montre li gen fòs pou konbat nenpòt lòt moun. Moun ki pa janm vle obeyi lòd, lòt moun.

Kòmand: Lòd yon kòmandè pase lòt moun. Di lòt moun kisa yo dwe fè.

Kòmandan: Moun ki ap kòmande lòt moun. Yon grad nan kò militè, ki anba kolonèl, men ki anwo sèjan, kaporal e latriye.

Kòmande: Aksyon yon kòmandan lè li ap ekzèse pouvwa li sou moun ki anba li. Aksyon nenpòt moun ki ap pase lòd. Mete moun sou wout dwa lè yo pèdi.

Kòn: Yon zo ki soti nan tèt kèk bèt ki itilize li pou defann yo kont lòt bèt, kont moun.

Kòt: Plizyè zo nan kò tout vètebre ki fòme do yo epi ki antoure kè yo. Se zo sa yo moun touche lè yo manyen anba tete yo.

Kòve: Travay kolon yo te konnen fè esklav yo fè nan tan koloni yo. Konbit. Travay san touche pou travay ki fèt la. Refè yon travay plizyè fwa san yon bon rezon pou refè.

Kite yon bagay ale nan yon direksyon san kontinye kontwole kijan li ap kontinye ale.

Yon poud wòch blan. Pou ayisyen prepare poud sa a, yo ranje yon pil moso bwa yonn sou lòt epi yon mete wòch blan sou bwa yo. Yo limen dife nan bwa yo pou yo boule e chofe wòch yo anpil. Lè bwa yo fini boule moun vide dlo fwèt sou wòch cho yo. Wòch yo fonn pou bay lacho.

Lanfè: Yon plas kote moun panse ki gen anpil tribilasyon e se Satan ki ap gouvène kote sa a. Yon plas tout moun relijye yo kwè ki egziste e se la tout moun ki pa sib prensip Bondye yo ap ale pou yo kapab pase penitans epi boule. Kwayans kèk moun genyen de lavi kèk moun ap viv sou tè a.

Yon moso vyann ki nan mitan bouch anpil èt vivan tankou moun. Lang ede moun pwononse mo ki ap soti nan bouch li e li kondi manje ale anba ranje dan moun. Yon konbinezon ant lèt, mo e son tout moun nan yon kominote, yon peyi konprann e yo itilize li pou kominike ant yo. Yon pati nan kle yon pòt ki rantre yon kote pou kenbe pòt la fèmen.

Langèt: Yon ti lang. Krèt.

Kole de men ansanm epi vlope yonn avèk lòt la pandan yo ap souke. Yon fason pou salye yon gason. Yon mwayen énmi yon ayisyen itilize pou mete yon pwazon, yon zonbi, nan kò énmi an.

Yon poud ki soti nan manyòk e ki kapab prepare pou kole kèk bagay tankou papye sou papye. Pou fè poud sa a, moun yo kraze manyòk la epi yo retire likid li bay la. Lè likid sa poze, gen yon bagay ki fòme anba resipyan kote li ye a. Yo mete bagay sa seche nan solèy. Se lanmidon an sa.

Bon santiman yon moun, yon bèt gen nan kè li pou yon lòt moun, yon lòt bèt.

Yon moun, yon bèt ki gen bon santiman nan kè li pou yon lòt moun, yon lòt bèt.

Lanmè: Yon kantite likid ki anpil e ki okipe plis espas pase tout espas tè tout peyi nan lemond okipe. Likid sa sale e li gen anpil bèt, gwo tankou piti, ki ap viv nan li. Bato kapab soti de yon peyi a yon lòt pandan li ap deplase sou lanmè. Dlo lanmè nan kèk zòn tèlman sale, pyès bagay pa kapab koule nan li si bagay sa pa lou anpil.

Lanmò: Moman kote yon moun soti nan lavi. Yon ka. Yon gwo pwoblèm anpil moun, fanmiy avèk zanmi yon moun genyen lè yonn ou plizyè pwòch moun sa yo mouri.

Yon bagay moun kapab vlope avèk men li, men ki solid anpil e ki kenbe de bò yon sak, panyen e ki kenbe de bò yo an balans; konsa moun kapab tranpòte panyen an, sak la.

Baraj nan tout kwen yon moso tè pou fè li difisil pou moun, bèt rantre sou moso tè sa a. Lantouray fè moun konnen gen yon lòt moun ki posede yon moso tè ki antoure.

Yon santiman ki anvayi kè yon moun e ki anpeche moun sa eksprime kontantman. Yon moun ki nan lapenn kapab kriye si li kontinye panse de sa ki anpeche li eksprime kontantman li a. Prezans lòt moun ki ap pale de lòt bagay ki bay kontantman kapab fè moun nan bliye lapenn li.

Yon kantite gout dlo ki soti nan espas e ki tonbe nenpòt kote sou fas tè a. Lapli kapab tonbe pandan yon ti tan kout; konsa li kapab tonbe pandan plizyè jou.

Yon moman kote yon gason vlope zozo li avèk men li epi li ap fè yon mouvman soti devan ale dèyè avèk men li. Mouvman sa bay gason an yon sansasyon ki sanble avèk sansasyon yon zozo ki ap rantre soti nan yon koko bay, epi dechay soti nan zozo li.

Lapè: Yon eta pasifik kote tout bagay ap fèt nan lòd e pa gen vyolans, bri, detounman politik.

Lapòs: Yon biwo leta nan anpil peyi kote moun bay lèt, bwat, anpil lòt komisyon pou anplwaye biwo sa a voye bay destinatè pou yo.

Larivyè: Yon kouran dlo dous ki soti nan yon sous epi ki sib tout nivo tè ki pi ba pase nivo kote li soti a pou jis li rive nan lanmè. Rivyè.

Yon fèy kat ki gen lèt, A, nan li pou idantifye li. Nan kèk jwèt li reprezante yon gwo kat, nan kèk jwèt li fèb. Yon maladi kèk moun soufri ki anpeche yo respire nòmalman. Kèk moun fèt avèk maladi sa, kèk moun vini genyen li pandan lavi yo. Ayisyen itilize lalwa pou trete timoun ki fèt avèk li.

Nich kote myèl ponn, fè pitit, epi mete siwo. Yon kras ki fèt nan je moun, bèt.

Fèy yon plant atizan ayisyen itilize pou trese makout, baskèt, panyen, djakout. Li reziste anba domaj dlo ki mouye li pandan anpil tan.

Yon lang moun pa pale ankò pou lang ofisyèl peyi yo, men se li ki manman anpil lang nan anpil peyi e legliz katolik nan tout peyi kontinye itilize lang sa nan kèk seremoni. Anpil mo nan prèske tout lang kapab jwenn rasin yo nan laten.

Yon flèv nan Depatman Sant la ki gen yon baraj sou li pou bay kapital peyi a elektrisite e menm flèv sa bay kont dlo pou kiltivatè nan Depatman Latibonit la wouze plantasyon diri yo.

Yon plas syantis konsidere pou distans de liy ki divize nò avèk sid tè a.

Anpil lòt bagay ki vini, ki kapab vini apre san bay non yo. Bagay ki sib lòt bagay ki devan yo.

Yon gwo mouvman yon rivyè fè kote dlo nan rivyè sa monte depase wotè dlo ki te konnen toujou ap pase nan chemen li. Yon mouvman politik Jean-Bertrand Aristide te mete sou pye lè li te aksepte poze kandidati li pou prezidans peyi Ayiti.

Vann anpil nan yon kantite machandiz ki te ap tann achtè pou achte yo. Vann machandiz.

Mete, pase dlo sou yon bagay pou retire salte sou li. Mete rad nan machin avèk dlo e savon pou yo vini pwòp. Mete rad nan dlo fwote savon sou yo epi fwote yo pou jis yo vini pwòp.

Pati ki pi enpòtan nan egzistans yon èt vivan. Li se orijin tout èt vivan, li grandi avèk kò a epi li kite kò a pandan lanmò a vini.

Vil. Yon vil ki pi enpòtan pou moun ki ap viv nan antouraj vil sa. Yon zòn nan yon vil kote ki gen tout gwo boutik, magazen avèk mache kote machann vann machandiz yo e achtè ale chache sa yo bezwen achte.

Nenpòt bagay ki rantre anba kouvèti lwa. Tout bagay moun nan yon peyi, yon soyete fè nan obeyisans, avèk respè pou lwa ki kontwole sa yo ap fè a.

Fè lwa pou yon bagay ki te deja egziste si pate gen lwa ki gouvène bagay sa a deja. Fè chanjman nan yon lwa pou rantre yon bagay moun deja ap fè anba lwa sa a.

Vejetab. Yon bagay moun prepare avèk vejetab, vyann, kawòt, lwil pou akonpaye yon manje ayisyen tankou mayi moulen, diri, ansanm avèk pwa, sòs pwa e latriye.

Kote yon pè ou byen yon pastè avèk anpil moun ki nan yon menm relijyon rankontre pou yo priye, chante, bay Bondye glwa. Yon kay kote yon pè ou byen yon pastè avèk anpil fidèl konnen rankontre pou yo chante, priye, bay Bondye glwa. Yon òganizasyon relijye tankou legliz katolik, legliz pwotestan e latriye.

Istwa moun nan yon sosyete toujou ap rakonte tout jenerasyon, men ki pa vrè. Kèk lejand sanble avèk yon istwa ki te pase tout bon vre. Bagay ki pa vrè. Siy ki reprezante yon konpayi.

Travay yon moun ki ap li yon ekriti tankou yon tèks, yon liv.

Tout sa ki egziste sou planèt tè a: tout moun, tout peyi, tout dlo, tout tè avèk tout sa ki nan tout peyi, sou tout tè, nan tout dlo.

Dezyèm jou nan yon semèn e premye jou travay nan semèn nan.

Yon kadav, yon mò. Nenpòt bagay ki sanble avèk yon kadav ou byen yon mò. Yon moun ki endispoze se yon lenmò menmsi li pa yon kadav.

Nenpòt bagay ki pa nan yon gwoup. Yon bagay ki pou kont li.

Travay yon moun ki ap lave rad nan machin ou byen avèk men.

Lesivè: Moun ki fè lesiv. Moun ki pran rad sal, mete dlo avèk savon nan yo pou fè rad yo vini pwòp pandan li ap fwote yo, yon machin ap fwote rad yo.

Yon fòs envizib ki kapab aji sou bagay ki vizib. Espri. Yon degre entelijans yon moun fèt avèk li e ki bezwen devlope pandan moun nan ap grandi. Lwa. Lespri-sen. Lespri sen, Lespri ki pran nesans li nan Bondye. Yonn nan twa pèsonalite Bondye yo: Papa a, Pitit la, Lespri-sen an.

Pati nan kò yon moun ki anba tete moun nan e sou andedan kote manje pase anvan li ale nan vant moun nan.

Yon sistèm envizib nan yon peyi ki regle tout afè peyi a. Nan anpil peyi gouvènman avèk leta peyi a fè yon sèl kò. Konfizyon sa a anpeche peyi konsa pwogrese paske moun nan peyi sa a pa kwè nan melanj de kò sa yo (leta avèk gouvènman).

Yon vejetab, fèy vè yon plant moun manje pou salad.

Kite yon pozisyon kouche pou pran pozisyon chita ou byen kanpe. Soti anba pou monte anwo. Eta solèy la lè li kòmanse klere tè a. Soti nan yon pozisyon orizontal pou pran yon pozisyon vètikal.

Yon mak machin liksye. Yon gwo mak machin ki gen yon senbòl L pou lejand li.

Yon pwonon moun itilize lè yo ap pale avèk yon moun de yon lòt moun pou evite repete non lòt moun nan plizyè fwa. Pase je sou yon tèks pou konprann sans li.

Endepandan. Eta peyi yo ki te soti anba esklavaj peyi kolonizatè yo. Eta yon moun ki posede pouvwa pou pran desizyon sou bagay ki ap pase nan lavi li. Eta moun ki kapab fè sa yo vle avèk lavi yo.

Librèri: Yon biznis kote ki gen liv pou vann, anpil liv.

Libète: Eta yon moun, yon peyi, ki lib. Endepandans. Aspirasyon tout pèp pou yo patisipe nan desizyon peyi yo. Anpil moun kwè libète se yon bagay moun pran se pa yon bagay moun bay moun.

Il. Yon moso tè ki gen dlo antoure li nan tout kwen li.

Lè: Yon konpozisyon plizyè eleman, men majorite kantite a se oksijèn ki nan lanati e ki pèmèt moun viv. Oksijèn pou kont li nesesè pou moun rete nan lavi. Yonn nan 24 inite yon jounen. Pou moun di yon Lè, li pa bezwen itilize lèt L la devan è. Men tout lè nan yon jounen: Inè pou 1 lè, Dezè pou 2 lè, Twazè pou 3 lè, Katrè pou 4 lè, Senkè pou 5 lè, Sizè pou 6 lè, Setè pou 7 lè, Yuitè (uitè) pou 8 lè, Nevè pou 9 lè, Dizè pou 10 lè, Onzè pou 11 lè, Douzè (midi) pou 12 lè, Trèzè pou 13 lè, Katòzè pou 14 lè, Kenzè pou 15 lè, Sèzè pou 16 lè, Disetè pou 17 lè, Dizyuitè (dizuitè) pou 18 lè, Diznevè pou 19 lè, Ventè pou 20 lè, Venteinè pou 21 lè, Venndezè pou 22 lè, Venntwazè pou 23 lè e Vennkatrè pou 24 lè. Yon poud pwazon énmi yon ayisyen mete yon kote énmi an ap ale pase pou touye li.

Lès: Ès. Yonn nan kat pwen kadinal yo ki nan direksyon kote solèy la leve a.

Lèt: Yonn nan chak inite ki fòme alfabèt yon lang. Senbòl ekriven itilize pou ekri tèks. Yon mwayen moun itilize pou kominike sou papye san yo pa rankontre. Yon likid blan ki soti nan tete kèk femèl bèt e tout moun ki nouris. Lèt elektwonik, Yon mwayen moun itilize pou yo ekri nan òdinatè epi voye ekriti a bay destinatè li nan òdinatè li nenpòt ki kote nan lemond òdinatè lòt moun nan ye a.

Rezilta travay yon moun mete anpil tan avèk prekosyon pou fè li avèk entansyon travay sa a ap siperyè tout lòt travay, menm jan avèk li, lòt moun fè.

Bagay yon machann achte pou li revann.

Moun ki gen machandiz pou vann.

Yon plas kote machann mete machandiz yo pou yo vann e achtè ale la pou yo achte. Leve pye goch e pye dwat yonn apre lòt epi depoze li pi devan pou deplase yon kò. Avanse nan menm direksyon fas, je ap gade. Mache Nwa, Yon moman lè machann ki gen yon machandiz pwofite monte pri machandiz la nenpòt wotè yo vle paske pa gen anpil nan machandiz sa a e anpil moun bezwen achte li.

Nenpòt aparèy mekanik, elektwonik ki kapab fè yon travay tankou kraze kann, kraze mayi, woule yon kasèt, e latriye. Yon aparèy ki sèvi pou transpòtasyon moun e ki kapab genyen kat, sis, dis, menm dizuit wou.

Moun nan yon klas nan yon sosyete ki travay di e ki pa kapab fè anpil kòb vit. Moun ki pa gen anpil kòb.

Moun ki renmen fè bagay ki mal.

Aksyon yon malfesan. Fè yon moun, ki pa konnen kijan pou li defann tèt li, mal.

Koken. Eta yon moun ki pa janm kite tras pou moun kenbe li lè li fè yon move bagay, yon bagay mal. Entelijan.

Manifestasyon yon maladi kèk moun genyen ki fè yo pèdi konesans, tranble anpil e rele pandan bouch yo ap fè kim.

Tout bagay moun konsidere tankou bagay ki sal. Nenpòt bagay sosyete a panse moun pa dwe fè devan lòt moun tankou mache san rad nan lari.

Bay move tretman tankou bat yon moun pou jis li pèdi konesans, tout kouraj li e menm mouri.

Yon moun ki pran plezi nan fè moun ki pi fèb pase li sa ki mal.

Malè: Yon move bagay ki rive san moun ki koz li a pate planifye li.

Yon bwat long an metal e won avèk kouvèti solid kole nan de pwent li.

Pistach ki kraze pou jis li fè labouyi. Lè li kraze byen, li fè grès. Bè pistach.

Yon fi ki sèvi lwa e ki bay lwa itilize kò li lè yo bezwen kominike avèk lòt moun, fè remèd pou pitit fèy yo, e danse nan seremoni lwa tankou vodou. Yon bòkò fi.

Yon pwent, yon branch nan yon bagay. De tou nan yon rad kote moun rantre ponyèt yo.

Yon ti manch. Yon kouto laj, long ki fèt pou koupe gwo bagay yon ti kouto pa kapab koupe.

Yon pèmisyon sèlman yon jij kapab bay polis pou rantre andedan kay yon moun menmsi moun nan pa vle yo rantre.

Reklame yon bagay nan men moun pou kado san moun nan pate pran desizyon anvan pou bay bagay la. Pran desizyon pou resevwa yon bagay.

Moun ki renmen mande e ki mande kado pou siviv nan lavi.

Fri yon pye bwa ki gen yon gwo grenn, ji, kèk fwa fil tou e ki gen menm non avèk pye bwa ki donnen li. Gen anpil mango tankou blan, doudous, janmari, miska, grennsi, fil, fransik e latriye.

Mete yon bagay nan bouch, mastike li epi vale.

Pèdi yon chans, yon benefis. Rate. Anvi pou wè yon moun.

Yon fi, yon femèl bèt ki fè piti. Lanati. Yon peyi. Yon fi ki adopte yon timoun.

Mannivèl: Kat branch bagay ki menm longè a sou do yon elikpotè pou ede li vole e rete anlè san li pa tonbe. Plizyè moso plastik ou byen metal ki nan yon vantilatè e ki kreye van lè yo ap vire.

Bagay ki gen rapò avèk sa ki ap pase nan tèt moun, men ki pa oblije gen pyès lyen avèk reyalite a. Gen moun ki toujou santi yo malad, men doktè pa ap janm kapab jwenn maladi yo paske maladi moun sa yo mantal. Yon maladi mantal kapab vini reyèl.

Bagay moun di moun pou verite, men ki pa vrè.

Mantè: Moun ki renmen e ki bay pran plezi nan bay manti. Moun ki toujou di wi pou bagay yo te fèt pou di non.

Touche yon bagay avèk men. Touche. Travay yon doktè fèy lè li ap pase men li sou tout kò yon malad pou jwenn ki kote yon maladi ye pou preskri tretman pou maladi a.

Manyòk: Yon ti pye bwa kiltivatè ayisyen plante e ki bay de rasin diferan: yonn pwès, blan, dous e yon lòt anmè. Moun bouyi manyòk dous la e yo manje li. Manyòk anmè a bay lanmidon avèk kasav.

Vlope yon kòd byen di sou kò yon moun, yon bèt, yon bagay avèk espwa moun nan, bèt la, bagay la pa ap kapab demare tèt li.

Yon gason ki marye avèk yon fi. Manman Jezi Kris.

Yon mak machin GMC (General Motor Company), yon konpayi machin ameriken fè. Yon kamyon. Yonn nan douz disip Jezi Kris yo lè li te sou tè a. Mak.

Yon desizyon yon gason avèk yon fi pran anba lalwa pou yo viv ansanm e pou yo chak pran tout responsablite pou lòt la. Yon desizyon yon gason avèk yon fi pran devan Bondye pou yo pase tout lavi yo ansanm nan nenpòt ki kondisyon. De bagay, de moun, de bèt ki mare ansanm.

Pran yon angajman devan lalwa e devan Bondye pou viv avèk yon madanm ou byen yon mari pandan tout lavi madanm nan ou byen mari a. Pran yon angajman.

Twazyèm mwa nan yon ane e dezyèm mwa ki gen 31 jou nan yon ane.

Touye, ansanm, anpil moun ki pa kapab defann tèt yo.

Touye anpil moun nan yon masak. Gate yon bon travay yon moun te ap fè.

Yon moun ki espesyalise nan chache konprann espri natirèl yo pou kontwole lanati. Yon moun ki prepare mòtye pou fè kay e ki, kèk fwa, aprann fè kay tou paske li toujou ap sib travay moun ki ap fè kay.

Yon mòtye ayisyen fè avèk lacho e ajil pou yo bouche tou ant palisad e klisay kay.

Mete masonn sou yon palisad ou byen yon klisay.

Nenpòt bagay ki gen rapò avèk syans Matematik Yo.

Plizyè syans ki etidye anpil bagay ki pa fè sans e ki eksplike relasyon ki egziste ant tout bagay sa yo. Yon syans matematik di si A se menm avèk B, B se menm bagay avèk C, A avèk C se menm bagay la ou byen si A=B, B=C, konsa: A=C

Pati nan yon kabann ki fè kabann nan mou pou kò moun kapab kole avèk kabann nan.

Yon koulè ki sanble avèk chokola. Nenpòt moun ki ap viv nan kache. Eta esklav ki pate vle rete nan esklavaj e ki te pati ale nan mòn kote yo konnen kolon yo pate kapab monte ale chache yo. Esklav sa yo te konnen desann sou plantasyon kolon yo lannwit pou touye yo, brile plantasyon yo.

Eta moun ki ap viv nan kache. Eta esklav nan tan koloni Sen-Domeng (Ayiti) ki te konnen viv nan kache pou atake blan gouvènè yo lannwit.

Yon grenn jón, wouj, yon plant donnen e moun manje li. Moun fè yon poud avèk mayi (mayi-mounlen). Lè grenn mayi a kraze li bay yon poud ki gen de poud diferan nan li: farin mayi a, mayi-moulen an.

Yon vil nan Depatman Sant la ki toupre kapital depatman an, Ench. Maïssade.

Mayonèz: Yon bagay ki fèt avèk jón ze, sitwon, vinèg, lwil e moun itilize pou prepare anpil manje, mete sou lòt manje pou bay yo pi bon gou.

Yon konpayi machin ki te konnen fè ti machin sèlman e ki fè mwayèn machin konnye a.

Senkyèm mwa nan ane e moman nan ane a lè tout bèl flè nan tout pye bwa parèt, fleri.

Eta yon moun, yon bèt ki toujou anvi fè lòt moun, lòt bèt bagay ki ap fè yo mal, soufri.

Plizyè fi an gwoup ou byen ki reyini ansanm.

Yon bagay kantite li ap diminye, bese. Yon moun, yon bèt ki ap vini mèg, chèch.

Yon peyi sou kontinan Amerik la, nan sid Etazini kote moun yo pale Espanyòl. Etazini nan nò li epi Beliz avèk Gwatemala nan sid li.

Eta yon moun tankou yon ekriven ki pase anpil move moman nan lavi li e ki pale de tout bagay sa yo nan liv li ekri. Ekspresyon yon ekriven ki pale de tribilasyon moun nan liv li.

Travay yon ekriven kote li ap esplike mizè li, povrete li, tribilasyon li. Eta yon bagay ki gen melankoli nan li.

Mete enfòmasyon nan memwa. Itilize memwa pou sonje bagay ki pase.

Yon kote andedan tèt moun ki enrejistre tout sa yon moun kapab sonje. Abilite pou moun sonje konesans yo fè. Memwa Kout, Pati nan memwa moun ki kenbe enfòmasyon pou yon tan kout tankou kèk segond konsa. Apre de moun fini rankontre epi yonn bliye non lòt la apre kèk segond, se paske moun nan te itilize memwa-kout yo pou kenbe enfòmasyon sa a. Memwa Long, Pati nan memwa moun itilize pou kenbe enfòmasyon pou yon tan long, men yo ap bliye bagay sa yo apre kèk jou, kèk semèn konsa. Yon elèv lekòl bliye yon leson li te aprann apre kèk jou pase leson an te nan memwa long li. Memwa Pèmanan, Pati nan memwa moun ki kenbe enfòmasyon moun pa janm bliye tankou non moun nan menm, ane moun nan te fèt e latriye.

Dènye pwent nan de manb yon moun ki kole nan zepòl yo kote senk dwèt yo ye a. Pati nan kò yon moun li itilize pou kenbe tout sa li bezwen. Pran sa a. Apre yon vigil, nan yon fraz, Men vle di: Poze aksyon sa a e evite yon lòt aksyon.

De ou byen plis bagay ki pa gen diferans ant yo. Men'm, Men ki nan kò kò yon moun ki ap pale.

Ekspresyon moun itilize pou diminye valè yon bagay, rezilta, konsekans ki kapab genyen nan yon bagay.

Kontwole yon moun, yon bèt, yon bagay ki soti yon kote pou jis li rive yon lòt kote.

Yon mak machin liksye.

Pawòl yon moun di yon lòt moun pou li ale di yon lòt moun ki pa te kapab tande lè premye moun nan te ap di pawòl la. Yon mesaj kapab ekri sou papye tou.

Moun ki pote yon mesaj ale bay yon lòt moun.

Yon medikaman moun pran pou li kapab fè yo gen dyare e poupou tout manje ki pase twòp tan andedan vant yo e òganis la, kò a pa bezwen yo.

Mo moun itilize pou montre respè devan yon gason ki pi gran pase yo. Yon gwoup gason, plizyè gason ansanm.

Depoze, rantre yon bagay, yon moun, yon kote.

Syans ki etidye tan avèk chanjman nan tan an.

Eta yon fri apre li fini chanje koulè e li vini gen yon bon gou tankou gou dous. Anpil fri vini gen koulè jón, men gen kèk lòt ki gen lòt koulè tou. Yonn nan sèt nòt mizik yo: do, re, mi, fa, sòl, la, si.

Aksyon yon bèt ki nouris, fini pouse pitit li mete deyò vant li. Fè pitit (pou bèt sèlman).

Mibalè: Yon vil nan Depatman Sant la kote Wout Nasyonal Nimewo Twa a pase. Mirbalais.

Maykwowev, Yon mo nan lang Anglè pou yon aparèy chofaj ki chofe bagay moun manje e byen vit. Yon Microwave kapab chofe yon plat manje glase nan mwens ke twa minit.

Yon ti aparèy elektrik ki mete ansanm avèk yon opalè pou fè vwa moun grandi anpil pou moun ki lwen yon moun ki ap pale kapab tande moun ki ap pale a san pwoblèm.

Yon aparèy ki gen loup ranje nan li yon fason pou ede moun wè anpil bagay je pa kapab wè san yon aparèy tankou mikwòb e latriye.

Mikwòb: Yon kantite ti bèt moun pa kapab wè avèk je yo san yon mikwoskòp, men ki egziste tout kote sou tè a. Anpil syantis kwè mikwòb se premye èt vivan ki te egziste sou tè a.

Yon chif en avèk twa zewo dèyè li. 1.000. San miltipliye pa dis. Senk-san plis senk-san.

Pitit yon kolon, yon blan avèk yon fi nwa, kèk fwa, yon esklas. Kèk ansyen esklav nan tan Sendomeng (Ayiti) ki te benefisye libète nan men kolon yo paske yo te pitit yon kolon avèk yon fi nwa. Yon ti gwoup ayisyen ki se desandan pitit kolon nan tan koloni Sendomeng la.

Yon gwoup militè yon prezidan pou-tout-tan nan peyi Ayiti te kreye pou ede li kenbe pouvwa paske li pate kapab konte sou lame peyi a pou bay gouvènman li a tout sekirite li te bezwen. Makout. Milisyen yo te konnen abiye avèk yon inifòm koulè ble maren. Milisyen te kraze nan ane 1986 lè pitit prezidan ki te kreye yo a te oblije kite pouvwa a.

Yon vejetab ki gen anpil dlo nan nannan li e ayisyen itilize pou fè legim, bouyon.

Militè: Plizyè òganizasyon leta nan yon peyi ki regle afè sekirite avèk pwoteksyon moun e mete lòd. Gen òganizasyon tankou Polis ki mete lòd nan vil andedan yon peyi. Lame ki siveye fontyè yon peyi kont envazyon lòt peyi. Si gen lagè, se lame ki ale nan lagè. Gen plizyè ti gwoup nan chak gwoup miltè yo. Gwoup moun ki travay avèk leta, ki abiye avèk inifòm pou travay yo e ki toujou gen zam pou bay yo fòs pou fè travay yo.

Yonn nan kat operasyon aritmetik yo. De, se miltiplikasyon de pa en (2 X 1 = 2), e latriye.

Yon en avèk nèf zewo dèyè li. Mil miltipliye pa yon milyon. 1.000.000.000.

Yon kantite ki gen mil (1.000) ou byen plizyè mil nan li.

Yon en avèk sis zewo dèyè li. 1.000.000. Mil miltipliye pa mil.

Yon moun ki posede yon milyon dola.

Milèt: Pitit yon femèl cheval avèk yon mal bourik. Gen mal milèt e gen femèl milèt, men milèt pa fè pitit.

Yonn nan swasant init yo ki gen yon lè.

Yon ti gwoup tankou mil moun konsa nan yon gwo gwoup tankou sis milyon moun konsa nan yon sosyete. Yon gwo gwoup moun nan yon sosyete ki pa gen pyès dwa paske yon ti gwoup moun nan menm sosyete sa a kontwole e abize tout rès moun nan sosyete a.

Gade Mibalè.

Yon ti ensèk ki fèt nan mayi lè grenn sa a rete fèmen twòp e pandan anpil tan andedan yon bagay tankou yon barik. Pati blan andedan yon pen.

Yon pwen ki divize yon bagay an de pati egal. Yon lide imajinè pou di: lwen andedan yon bagay tankou mitan lanmè.

Frape yon bagay sou yon vejetab, yon legim pou kraze li. Kraze bagay pou fè yon legim.

Mitrayèz: Yon zam otomatik militè itilize nan lagè pou tire sou moun pi vit.

Yon konpayi machin Japonè ki fè machin prèske tout gwosè. Li fè vwati e li fè kamyon.

Mete espwa sou yon bagay. Mete kòb nan yon jwèt kote plizyè moun mete kòb e se yon sèl ki ap gen dwa pran tout kòb la lè li genyen jwèt la. Yon plas kote ki gen ansyen bagay moun kapab ale vizite pou konnen, wè bagay ki te pase lontan. Yon kay kote ki gen anpil bagay moun kapab ale gade.

Rezilta travay plizyè enstriman mizikal ki ap jwe ansanm pandan yo ap sib prensip do, re, mi, fa, sòl, la, si a.

Nenpòt bagay ki bay yon son tankou mizik ou byen ki fè moun panse gen mizik ki ap jwe.

Moun ki konnen jwe yon enstriman mizikal. Yon pwofesyonèl ki konnen jwe mizik.

Move chans ki sib yon moun pandan tout lavi li paske li pa gen respè pou moun ki pi gran pase li.

Yon bagay moun konstwi pou reprezante yon bagay ki te egziste nan yon moman ki pase; konsa piti yon peyi, yon zòn kapab wè, toujou sonje bagay sa a. Yon moniman kapab reprezante yon moun tou, menm yon moun vivan.

Monitè: Yon elèv ki gen responsablite pou kenbe lòd nan yon klas lè pa gen pwofesè nan klas la. Yon aparèy ki sanble avèk yon televizyon e ki pèmèt moun li bagay ki ap pase andedan yon òdinatè e pase òdinatè a lòd tou.

Lajan ki fèt avèk metal tankou lajan avèk kuiv.

Monseyè: Yon chèf nan legliz katolik ki reponsab legliz nan yon depatman nan peyi Ayiti.

Soti anba pou ale anwo. Travay yon avyon ki kòmanse vwayaje. Pase pye sou yon cheval, yon bisiklèt, yon motosiklèt.

Mete dwèt endèks la nan direksyon yon bagay pou yon moun kapab wè li. Mete yon bagay kote pou moun wè li.

Yon vil sou Wout Nasyonal Nimewo En an e ki tou pre Sen-Mak, anviwon swasant kilomèt de Pòtoprens. Machin ki ap vwayaje soti, ale nan nò peyi a toujou kanpe Monwi pou achte griyo, fig, e latriye.

Rezilta konsèy yon moun resevwa ki fè li panse li kapab fè yon bagay li pate ap janm panse li kapab fè si li pate janm resevwa konsèy sa yo.

Motosiklèt: Yon machin ki gen de wou avèk yon motè. chofè yon motosiklèt chanje vitès avèk pye li e li bay gaz avèk men dwat li.

Yon ensèk ki gen zèl pou vole, ki gen sis pye e ki renmen bagay sal. Mouch kapab transpòte maladi bay moun lè li fini pran mikwòb yon kote epi vini poze sou moun, manje moun.

Yon moso twal pou siye figi ou byen mare tèt. Se fi ki mare tèt yo nan sosyete ayisyen yo.

Yon machin peyizan ayisyen fè pou kraze kann e retire dlo ki nan nannan kann yo. Yo fè bèf rale zèl moulen pou vire li. Yon machin avèk motè pou kraze pistach, mayi, pitimi. Yon machin ki kale diri.

Kretyen. Yon èt vivan ki kòmanse viv sou tè a depi plizyè milye ane, ki gen de men, de pye e ki mache sou de pye yo. Yon moun kapab pale, reflechi, li, ekri, e viv nan sosyete.

Eta yon èt vivan, yon moun ki sispann respire, sispann viv.

Yon moun ki pa konnen kijan pou li defann tèt li. Inosan. Yon bèt nan fanmiy kabrit ki pa gen kòn. Se premye bèt syantis rive fè nan repwodiksyon atifisyèl, yon eksperyans ki te fèt nan finisman ane 1990 yo.

Eta yon bagay ki gen yon likid tankou dlo sou li, andedan li.

Yon koulè ki sanble avèk koulè ble ki melanje avèk koulè wouj.

Fache. Yon moun ki gen pli nan mitan fon li, ki pa kontan e ki pa ap ri pou pyès rezon.

Bèl ti moso beton ki pase nan fou lè yo te ap fèt e konstriktè kay mete atè a andedan chanm yon kay.

Yonn nan douz pati nan yon ane. Gen sèt mwa nan yon ane ki gen tranteen jou nan yo: Janvye, Mas, Me, Jiyè, Out, Oktòb, Desanm. Gen yon sèl mwa, Fevriye, ki gen 28 ou byen 29 jou nan yon ane. Gen 4 mwa ki gen trant jou: Avril, Jyen, Septanm, Novanm. Malgre diferans ki gen nan kantite jou nan mwa yo, chak trant jou nan yon ane se yon mwa.

Nenpòt nan de pati ki sou chak de bò mitan yon bagay. Yonn nan de pati yo lè yon bagay divise an de pati egal.

Posiblite ki gen disponib pou itilize. Lajan moun posede pou li depanse nan sa li vle.

Yon epòk ant senkyèm e kenzyèm syèk la. Gen anviwon mil-kat-san ane depi moman sa pase.

Yon pwonon ki ranplase moun ki ap pale a.

Retire nan… Absans yon kantite nan yon lòt kantite ki pi gwo, laj. Siy sa a, -.

Myèl: Yon ti bèt ki viv an koloni e tout ti bèt sa yo se mal eksepte yonn nan yo, rèn nan. Ti bèt sa yo fè yon nich pou ponn, kove ze yo. Andedan nich sa li lage yon siwo ki rele myèl tou. Siwo sa gen anpil vitamin nan li e moun renmen li.

Mèg: Eta yon moun, yon bèt anpil zo nan kò li vizib. chèch. Yon bagay ki piti, an ti kantite.

Mèkredi: Jou ki nan mitan yon semèn. Katriyèm jou nan yon semèn e twazyèm jou travay nan yon semèn.

Mèsi: Mo moun di moun pou montre yo renmen yon bagay yon moun fè, yon bagay moun nan bay.

Mèt: Yon inite pou mezire distans ki pa twò long. Yon mèt gen twa pye ventsuit, trant-nèf pous trant-sèt nan li. Moun ki posede yon bagay, yon bèt, yon moun.

Mètrès: Yon fi ki gen relasyon entim avèk mari yon lòt fi. Mèt kay kote yon restavèk rete.

Mòd: Yon bagay tout moun ap fè nan yon epòk. Yon fòm rad tout moun mete sou yo nan yon epòk. Jan yon moun chwazi pou li fè yon bagay.

Mòde: Kole de ranje dan sou yon bagay epi peze de ranje dan yo sou li.

Mòn: Kote yon moso tè leve wo. Pati sou tè a ki pi wo pase lòt pati sou tè a.

Mòpyon: Yon ti tach blan dechay fè lè li rete sou pwèl yon moun pou anpil tan. Li pi bon si yon moun pa kite dechay rete sou pwèl li pou plis ke 24 èdtan.

Mòtye: Yon melanj ant plizyè bagay tankou lacho, sab, siman, ajil epi dlo.

N: Katòzyèm lèt nan alfabèt lang Kreyòl la.

Fè mouvman nan dlo pou rete sou dlo a, san plonje.

Andedan. Okipe mitan, mwatye yon bagay. Okipe nenpòt pozisyon andedan yon bagay.

Pati envizib nan tout manb kò moun ki ede moun fè tout sa moun kapab fè tankou viv. Potansyalite ki disponib nan yon moun. Kwayans moun gen nan yon bagay, nan Bondye.

Bagay ki andedan yon bagay, yon fri tankou mango, zaboka, zoranj e latriye. Se pati sa a moun manje nan fri yo.

Yon peyi endepandan ki gen fontyè li e ki gen pwòp leta li avèk gouvènman li. Tout bagay ki rantre nan konstitisyon yon peyi.

Tout bagay ki gen rapò avèk yon nasyon. Rekonesans pitit yon peyi genyen pou li tankou ale nan lagè. Patriyotism. Tout bagay ki andedan yon nasyon, tout bagay ki fèt nan yon peyi.

Tout kalite moun genyen ki idantifye yo avèk yon peyi. Santiman andedan yon moun ki fè li fasil pou moun rekonèt nan ki peyi li soti. chanjman santiman, kont yon peyi, pou yon nouvo peyi yon moun adopte pou peyi li.

Fason yon bagay ye. Tout bagay ki egziste. Yon bagay moun pa janm kapab chanje. Jan tout planèt yo vire sou kote solèy la.

Natirèl: Eta yon bagay ki rete tankou lè li te apèn parèt nan la nati. Bagay ki gen rapò avèk nati a, lanati.

Kote de ou plis bagay mare ansanm. Yon mezi moun ki ap kondi bato yo itilize pou di nan ki zòn sou lanmè a yo ye.

Yonn nan de pòl elektrisite yo (avèk pozitif) kote kouran rantre nan sous elektrisite a ankò. Yon siy mwens operasyon (-) ki montre gen yon kantite ki ap ale soti nan yon lòt kantite.

Yon pati nan figi moun ki ant de je yo avèk bouch la e ki gen de tou nan li pou pèmèt respirasyon fèt san pwoblèm. Krèt. Pati devan yon machin e devan anpil lòt bagay tou.

Eta yon bagay ki nesesè. Eta yon bagay ki oblije egziste pou yon lòt bagay kapab egziste, pase, rive, pou yon kondisyon akonpli. Eta yon bagay ki gen twòp enpòtans.

Nesesè: Yon bagay ki oblije egziste pou yon lòt bagay fèt. Yon bagay moun pa kapab viv san li tankou lè.

Aksyon yon moun pou fè yon bagay, yon kote vini pwòp. Netwaye yon bagay, yon kote.

Fè yon kote vini pwòp. Retire tout bagay ki sal, ki fè yon kote sanble avèk bagay sal. Mete pwoprete nan yon bagay, yon kote.

New York: Kapital komèsyal peyi Etazini. Pi gwo vil nan yonn nan senkant divizyon nan peyi Etazini an ki pote menm non avèk divizyon sa a. Kapital politik leta New York se Albany.

Yon peyi nan kontinan Amerik la e nan Amerik Santral kote moun yo pale Espanyòl. Kapital peyi sa se Managwa.

Yon konpayi machin Japonè ki fè ti machin, mwayèn machin e gwo machin.

Yon mo ou byen plizyè mo ansanm ki ede moun idantifye yon moun. Yon mo moun itilize pou fè yon lòt moun konnen yon bagay pa posib pou li reyalize, pou rive, pou regle e latriye. Yon repons negatif pou yon kesyon ki te merite yonn nan de repons sa yo: Non ou byen Wi.

Yon pwonon ki ranplase yon yon gwoup moun. Plizyè moun ansanm. Moun ki di, Nou, rantre nan gwoup moun nan tou.

Bay yon nenpòt èt vivan manje. Travay granmoun ki bay timoun, ti bebe manje paske yo pa kapab manje pou kont yo.

Moman apre yon femèl fini pouse yon pitit mete deyò vant li e kantite tan li pran pou repran fòm li te genyen anvan gwosès la.

Nenpòt repa moun manje e ki bay enèji, gwosè, kwasans.

Nenpòt bagay yon moun apèn konnen. Yon bagay yon moun rankontre, wè premye fwa. Yon bagay ki apèn fèt.

Nouvèl: Yon emisyon nan radyo, televizyon ki pale de tout sa ki ap pase nan yon peyi, nan lemond. Enfòmasyon sou yon bagay, yon moun. Nouvèl Jenerasyon, Yon tip mizik ayisyen ki parèt nan ane katreven yo. Gwoup ki fè mizik sa yo chante an Kreyòl yon fason pou separe nouvo stil mizik yo a avèk ansyen mzik yo chantè te konnen chante nan lang Fransè.

Yonn nan kat mwa nan yon ane ki gen trant jou nan li e se li ki onzyèm mwa nan yon ane tou.

Yon koulè ki idantifye moun ki soti sou kontinan afriken an. Yon koulè ki sanble avèk koulè lannwit. Yon koulè ki kòmanse idantifye tout bagay ki negatif avèk eksperyans esklavaj la. Nwa te reprezante yon koulè gwo notab tankou wa yo, bondye nan antikite yo te konnen mete sou yo pou rad.

Fè yon bagay vini gen koulè nwa. Moman lè klate jounen an ap disparèt pou bay lannwit plas.

Eta yon bagay ki rete fè twòp tan anba dlo epi li toufe.

Nwèl: Selebrasyon jou nesans Jezi Kris ki tonbe jou vennsenk nan mwa Desanm chak ane. Se pi gwo fèt nan yon ane paske tout moun, nan tout klas, nan tout sosyete selebre li.

Yon gwo kantite lè moun sou tè a kapab gade nan lespas e ki sanble yo toujou ap deplase.

Nèf: Dizyèm chif nan nonb pozitif yo. Kat plis senk. Yuit plis en. 9. Yon bagay ki apèn fini fèt e moun poko janm itilize.

Nèg: Tout moun koulè nwa yo. Moun sa yo te premye parèt sou kontinan afriken an, gen moun nwa nan tout peyi sou tè a konnye a.

Nègès: Yon jèn fi ki gen anpil enèji nan kò li. Vrè laj pou rele yon fi nègès, pou mojorite fi, se sèz ane. Wanga Nègès, Yon ti zwazo ki gen bèk long e ki toujou ap manje polèn nan flè ki apèn ouvri.

Nèj: Yon poud blan ki soti nan espas e ki tonbe sou tè a nan peyi ki fè frèt anpil yo. Pou nèj tonbe, tanperati a oblije rete pi wo ke zewo degre Celcius (0ºC) ou byen trant-de degre Fareinheit (32ºF). Lè nèj tonbe sou yon bagay tanperati li pi wo pase 0ºC, li fonn pou bay dlo; kidonk anpil nèj kapab bay anpil dlo. Dlo nèj la ap transfòme an glas si wotè tanperati nan zòn nan pa janm monte. Se sa ki fè moun nan peyi fredi yo konnen oblije mache sou glas nan sezon ivè.

Nò: Yonn nan kat direksyon kadinal yon ki pèpandikilè a lès avèk lwès. Si yon moun ap ale nan direksyon nò, lès sou bò dwat li e lwès sou bò goch li; konsa sid dèyè li.

Nòmal: Jan tout moun espere yon bagay, yon moun dwe ye.

Mete yon bagay nan eta nòmal li.

Nòt: Lajan papye. Yon moso papye ki fè konnen ke yon moun gen kòb li te prete yon lòt moun. Moun ki posede moso papye sa a kapab resevwa lajan kach pou li. Tèks yon moun ekri nan yon kaye ou byen nenpòt lide yon moun mete sou papye pou konsève li.

Yon peyi sou kontinan Ewòp la ki sou kote Suèd.

O: Kenzyèm lèt nan alfabèt lang Kreyòl la.

Yon kantite kwayans yon moun genyen. Eta yon moun ki tèlman anvi yon bagay li kapab fè nenpòt bagay pou jwenn bagay sa a. Eta yon moun ki gen anpil pasyon pou yon bagay.

Moun ki chita, rete pou koute diskou yon lòt moun. Anplwaye kontribisyon ki ap envestige jan moun kalkile enpo yo peye pou wè si moun sa yo byen kalkile sa yo peye a. Yon gwoup kontab ki sèlman revize travay lòt kontab pou wè si yo sib prensip kontablite nan travay yo.

Yon gwoup moun ki ap koute yon moun ki ap fè yon diskou. Moun ki ap koute yon estasyon radyo. Moun ki ap gade yon estasyon televizyon.

Lonje yon bagay bay yon moun san li pa mande bagay la. Pwomèt yon moun yon bagay, sèvis san li pa mande.

Yon bagay ki vini an plis sou yon lòt bagay.

Mete yon bagay sou yon lòt pou fè li vini pi plis, pi gwo.

Pi gwo vil nan Depatman Sid la e se li ki kapital depatman sa a tou.

Yon anplwaye nan yon biwo lakomin yo ki responsab ouvri pòt biwo sa a chak jou travay, fè majistra konnen gen moun ki vini kote li e fèmen pòt biwo a apre jounen travay la.

Oktòb: Dizyèm mwa nan yon ane. Gen tranteen jou nan mwa Oktòb la. Se mwa lekòl nan peyi Ayiti kòmanse ane lekòl la ki ap ale dire nèf mwa.

Parasòl. Yon bagay ki fèt avèk saten e tou won tankou moso yon boul moun itilize pou bare solèy, pare lapli. Dlo lapli a tonbe sou onbwèl la epi li sib fòm won a pou ale tonbe atè.

Tout espas vid ki egziste, yon kote gen anpil chanjman nitirèl ki ap fèt, men je moun pa kapab wè yo.

Yon peyi nan kontinan Amerik la kote moun yo pale Espanyòl. Ondiras se yonn nan peyi Amerik Santral la e kapital li se Tegisigalpa.

Dezyèm nonb pozitif ki gen de chif nan li apre dis. 11. Dis plis en. Sis plis senk. Douz mwens en.

Opalè: Yon aparèy elektrik ki gen yon moso leman andedan yon woulo fil kouran ki kapab resevwa yon son de yon mikwo epi fè son an vini fò anpil.

Tout travay ki fèt pou bay yon rezilta. Kat mwayen aritmetik yo pou jwenn yon rezilta: adisyon (+), soustraksyon (-), miltiplikasyon (x) avèk divizyon (÷).

Pran yon pozisyon kont yon lòt. Mache nan direksyon nò sou menm liy avèk yon moun ki ap mache nan direksyon sid. Aji kont yon lide.

Politisyen ki pa gen menm lide pou devlopman yon peyi avèk prezidan an. Pozisyon moun ki kont gouvènman yon peyi. Aksyon moun ki pran pozisyon kont yon lòt.

Dwèt ki pi piti a nan tout dwèt men moun. Kòmanse konte nan dwèt pous la, li se senkyèm dwèt la.

Pozisyon ki sanble avèk pozisyon fas yon dlo dòmi. Yon pozisyon ki pèpandikilè a pozisyon vètikal la. Menm pozisyon avèk kouche.

Lanmè. Yon kantite dlo ki sanble li pa gen finisman tèlman li laj, li anpil.

Yonn nan senk kontinan sou tè a ki pi piti pase lòt kat kontinan yo. Ostrali se pi gwo peyi e pi gwo il sou kontinan sa a ki gen plizyè il nan li. Nenpòt bagay ki gen rapò avèk oseyan.

Yon gwo il ki prèske fòme tout kotinan Oseyanik la pou kont li.

Otomobil. Yon bèl machin yon moun posede pou transpòte limenm avèk rès fanmiy li. Nenpòt machin yon moun posede pou transpòte moun.

Yon gwo machin ki gen chèz pou tout moun chita. Machin sa a pote anpil moun, men li pa pote anpil chay tankou gwo sak lou.

Yon bagay yon moun bezwen fè yon sèl travay pou bagay la kontinye fèt san rete. chak bal nan yon revolvè bezwen yon kout gadjèt pou soti, tout bal nan yon mitrayèz bezwen yon sèl kout gadjèt; kidonk tire bal nan mitrayèz se yon bagay otomatik.

Oto. Yon bèl machin yon moun posede pou transpòte limenm avèk tout rès fanmiy li. Nenpòt machin yon moun genyen pou transpòte moun.

Eta yon moun, yon gwoup moun, yon òganizasyon, yon peyi ki gen yon chèf, men chèf la kite li pran kèk desizyon. Yon nivo libète ki toupre endepandans.

Moun ki gen pouvwa pou egzèse sou lòt moun e pouvwa sa a mache avèk kèk responsablite tou.

Pèmisyon moun ki gen otorite bay moun ki pa kapab aji san pèmisyon sa a, otorite sa a pou yo aji nan tout libète posib.

Bay moun otorizasyon, pèmisyon pou yo fè bagay yo pa kapab fè san otorizasyon.

Yon wout plizyè liy machin kapab kouri sou li yonn sou kote lòt an vitès e pa gen limyè sikilasyon sou wout sa.

Ekspresyon pou pale de yon epòk, yon bagay ki te pase san konnen, sonje vrèman moman lè epòk sa a, bagay sa a te pase.

Otèl: Yon kay ki gen anpil chanm nan li kote moun ale pou yo pase yon kantite tan lè yo pa pre kay yo. Moun nan yon otèl peye yon kòb pou chak jou yo pase nan otèl la. Toujou gen otèl nan tout gwo vil paske gen anpil moun ki toujou ap vizite gwo vil yo.

Yon pwonon. Moun itilize li pou pale dirèkteman avèk yon moun. Ou byen, De mo moun itilize ansanm pou di si se pa yon bagay se yon lòt bagay.

Mo moun ki ap kominike avèk lòt moun itilize pou mete plis fòs nan sa yo ap di a epi fè moun yo ap eseye kominike avèk li a santi sa a.

Yuityèm mwa nan yon ane. Yonn nan de mwa ki fè plis chalè sou kote mwa Jiyè a. Yonn nan sèt mwa yon ane ki gen tranteen jou.

Retire yon kouvèti, yon pòt ki te bare, fèmen yon kote. Devlope yon bagay ki te vlope, fèmen. Fè yon bagay, tankou bouch yon moun, vini laj.

Ouvè: Sa ki pase lè yon kouvèti, yon pòt ki te bare, fèmen yon kote soti kote li te ye a. Devlope yon bagay ki te vlope, fèmen. Ouvè Fèmen, Yon ti zèb ki febli e bese pi ba lè moun touche li epi leve kanpe yon ti moman apre.

Yon bagay ki gen yon fòm tankou yon wonn ki pese sou de bò, men de kwen yo pa fini rankontre. Fòm boul ameriken yo jwe foutbòl yo a.

Yon repwodiksyon andedan kò yon femèl ki kapab vini fòme yon ze pou bay yon pitit.

Yon moman sou katozyèm jou depi yo fi te gen règ li epi yonn nan ovil li yo, sa ki pi gran an, avanse prèske nan bouch koko li pou tann dechay. Si ovil la jwenn dechay nan twa jou li pase nan bouch koko fi a li ap kòmanse fòme yon ze ki ap ale bay yon pitit apre yon kantite tan.

Nan tout kwen yon bagay tankou dlo ki antoure yon il, yon bag sou yon dwèt yon moun.

P: Sèzyèm lèt nan alfabèt lang Kreyòl la. Li pwononse menm jan avèk mo "pe" ki vle di sispann pale, fèmen bouch.

Posesyon yon moun. Leve pye yonn apre lòt epi depoze yo atè pou deplase yon kò. Mo ki kanpe devan yon lòt mo pou di evite fè sa siyfikasyon mo ki vini apre a vle di.

Yon bò nan chak fèy papye ant po yon liv ki gen ekriti sou li. Yon pati nan yon istwa. Konsa, yon fèy papye kapab gen de paj sou li.

Yon fèt pou selebre Jezi Kris ki leve soti nan lanmò apre li te mouri jou Vandredi-Sen an. Kretyen yo selebre fèt sa a jou dimanch apre Vandredi-Sen an. Kote moun bare bèt pou yo pa ale flannen. Kote ki gen anpil frechè, pye bwa, bèl zèb pou moun chita pran bon van, flannen avèk mennaj yo.

Yon moun nan yon ti kominote ki toujou patisipe nan tout seremoni nan kominote a tankou maryaj, bal, vodou, kominyon san mèt seremoni an pa envite li. Yon moun ki toujou reponn envitasyon li.

Kèk rad mal fèt machann twal vann nan mache kote peyizan ki achte rad. Rad sa yo fèt nan rapidite.

Ouvri bouch epi kite mo moun kapab konprann soti nan bouch la. Bay yon mesaj, di yon moun sa li bezwen tande. Bay yon odyans yon diskou. Pale Anpil, Pale san rete, san rezon. Di pawòl ki pa gen sans. Pran anpil tan pou fini yon konvèsasyon, yon diskou.

Po yon twons palmis ki fann an moso long pou fè kay.

Yon pye bwa ayisyen itilize pou fè anpil bagay. Palmis gen anpil pati nan li tankou kè a, fèy li, tach la, chou a, grap la, avèk twons la. Li pa boujonnen apre moun koupe pye a, men chak grenn grap ki tonbe sou tè a kapab bay yon lòt pye palmis.

Mete prèske tout kò yon bagay ap balanse de bò nan lespas pandan yon ti pati nan bagay sa a kenbe li anlè e anpeche li tonbe anba. Koke, pou moun nan Depatman Latibonit la.

Yon trip laj ki gen fòm yon boul andedan vant anpil èt vivan kote manje rete anvan yo ale nan lòt pati nan kò a ou byen ale nan poupou.

Abilite moun genyen pou yo wè yon bagay nan lespri yo jan bagay la ap ale ye sou papye, nan reyalite. Enstriksyon yon moun sib pou li fè yon bagay e enstriksyon sa soti nan lespri yon lòt moun.

Kanson. Yon rad gason mete sou yo e ki gen de janb menm jan avèk de janb moun.

Yon djakout ayisyen fè avèk ti moso banbou ki trese yonn nan lòt. Plizyè ti moso banbou long ki kwaze ant yo epi lòt ki pi fèb trese ant sa ki kwaze yo. Lè atizan fini fè anba yon panyen, li kòmanse pliye moso banbou ki te kwaze ant yo a sou anlè pou fè kwen panyen an. Li kontinye trese pou jis li rive wotè li vle panyen ye a. Baskèt. Panye.

Panyòl: Espanyòl. Yon lang moun nan peyi Espay pale. Yon lang ki itilize tout mo ki nan lang moun nan peyi Espay yo epi ki gen kèk lòt mo ogmante sou li. Lang moun pale nan peyi tankou Dominikani, Venezwela, Ajantin, Meksik, Ondiras e latriye.

Pi gwo chèf nan legliz Katolik ki ap viv nan peyi Itali, Ròm, ki kapital tout legliz katolik nan lemond.

Yon gason ki te ansent yon fi epi fi a fè piti la. Yon mari ki gen yon pitit menmsi se nan adopsyon li vini gen pitit la.

Yon fri ki gen koulè vè lè li vèt e ayisyen fè legim avèk li. Li gen koulè jón lè li mi e ayisyen fè bon ji avèk li. Moun oblije bwè ji a apèn yo fini fè li paske li ap gate si li rete pou anpil tan. Gen yon ti grenn nwa andedan fri sa a ki gen yon ti likid andedan.

Yon kote tout moun panse yo ap ale viv apre yo fini mouri e san pwoblèm san yo pa janm mouri ankò. Yon plas kote tout moun relijye espere yo ap ale apre yo fini mouri. Yon plas nan syèl kote moun panse Bondye ap viv avèk zanj yo.

Eta yon moun ki paranòy.

Moun ki toujou panse lòt moun ap prepare pou fè yo mal, pou touye yo. Moun fou.

Parasòl: Onbwèl. Yon bagay ki fèt pou moun mete sou tèt yo pou pare solèy. Yon bagay ki fèt avèk saten e tou won tankou yon moso boul. Moun itilize li pou bare solèy e pare lapli tou. Dlo lapli a tonbe sou onbwèl la epi li sib fòm won a pou ale tonbe atè.

Yon moun ki toujou panse li gen twòp tan devan li pou fè nenpòt travay li gen pou li fè. Moun ki pa renmen travay ditou.

Aksyon de ou byen plis moun ki mete ansanm, yo chak, yon bagay ki gen anpil valè pou yo avèk espwa yon evènman ap rive ou byen li pa ap rive. Moun ki te prevwa evènman ap rive a gen dwa pran tout bagay yo te mete ansanm yo depi bagay la rive.

Mete plizyè bagay ansanm pou reyalize yon paryaj.

Parèt: Soti nan yon eta envizib pou vini nan yon eta vizib. Eta yon bagay, yon moun tout moun ap pale de li san rete nan radyo, nan televizyon; tout kote.

Parèy: Yon mal avèk yon femèl bèt ki viv ansanm tankou yon gason avèk yon fi ki renmen, plase, marye. Bay Parèy, Aksyon yon mal bèt ki rantre zozo li andedan koko yon femèl bèt.

Yon espas kote bagay pase. Yon ti moso twal nan senti pantalon avèk kèk wòb kote mèt rad la pase yon sentiwon pou boukle li. Moun ki ap pase yon kote.

Yon espas, yon pòt kote yon bagay kapab pase tankou lajè koko yon fi lè li ap pouse yon pitit.

Soti lwen pou rive yon kote epi kontinye sou wout la san rete. Fè mwayèn ki nesesè pou kite yon klas nan lekòl. Yon mòd rad ki pa egziste ankò.

San vyolans. Yon pati lanmè ki nan kwen lwès kontinan Amerik la, kwen lès e nò kontinan Oseyanik la, kwen lès kontinan Ewòp e Azi.

Yon bagay yon moun kreye pou li fè pandan li ap tann yon moman rive pou li fè yon bagay ki pi enpòtan.

Bagay yon moun vle fè san reflechi sou konsekans bagay sa, move kote bagay sa a. Foli ki pouse moun reyalize bagay yo pate ap janm kapab reyalize si pate gen anvi sa pou reyalize bagay sa a. Yon maladi anpil moun soufri ki kapab fè yo itil soyete ou byen detri sosyete.

Eta yon moun ki gen pasyon, foli, anvi pou reyalize yon bagay, plizyè bagay.

Yon poud ki mouye epi chak ti grenn poud yo kole yonn ansanm avèk lòt la; konsa tout vini fè yon sèl bagay. Yon bagay mou moun itilize pou netwaye dan yo.

Yon boul yon lyann donnen anba tè e moun manje li paske li dous, li gen anpil farin. Lè lyann patat pase sou yon moso tè, rasin li rantre nan tè kote li gwosi pou fè boul la ki rele patat.

Yon bò, yon kantite, yon kwen nan yon bagay. chak fwa jwè yon jwèt kat tankou pokè rekòmanse jwe. Yon men kat.

Yon teritwa kote yon chèf kòmande. Moun itilize mo sa plis pou pale de yon pak kote yon bèt kòmande.

Moun ki patisipe nan yon bagay tankou yon seremoni.

Aksyon yon moun ki patisipe nan yon seremoni. Aksyon yon patisipan.

Bay kontribisyon, patisipasyon pou yon bagay kapab rive fèt. chak moun ki ale nan yon maryaj patisipe nan maryaj la.

Moun ki manb nan menm gwoup avèk yon lòt moun e ki kapab fè nenpòt bagay pou defann moun nan gwoup sa.

Tout aksyon yon patriyòt pou peyi li. Nenpòt aksyon patriyotism pou yon peyi. Aksyon yon sitwayen pou defann peyi peyi li.

Lanmou pitit yon peyi gen pou peyi li e ki kapab pouse li fè nenpòt bagay, menm touye tèt li, pou sove peyi li. Fòs andedan yon sitwayen ki pouse li ale nan lagè pou peyi li menm lè li konnen li kapab mouri.

Patriyòt: Sitwayen yon peyi ki toujou toupre pou defann peyi li kont nenpòt bagay tankou move pawòl lòt moun ap di kont peyi a. Gèrye yon peyi.

Pawòl: Nenpòt mo ki soti nan bouch yon moun ki ap pale. Pwomès yon moun bay yon lòt moun kenbe.

Yon bagay ki fay tankou fèy sèch yon pye bwa. Anpil zèb sèch ki rasanble yon kote.

Yon moso tè avèk fontyè kote ki gen yon prezidan, yon leta, yon gouvènman. Yon nasyon endepandan kote moun kapab retounen chak fwa yo ale yon lòt kote.

Moun ki ap viv nan yon peyi. Moun nan yon peyi ki ap viv kote ki gen plantasyon, jaden lwen kapital peyi a, vil peyi a. Moun nan yon peyi ki manke mwayen kominikasyon pou benefisye tout bote sivilizasyon.

Bagay ki fèt pou tout moun, tout moun gen dwa patisipe nan li, jwi avantaj li, itilize li tankou yon legliz, yon plas, yon pak.

Fè yon bagay vini disponib pou piblik. Eta yon bagay anpil moun vini konnen. Ekri yon liv epi peye yon konpayi pou fè anpil kopi liv la pou mete li vann nan librèri. Eta yon jounal ki disponib pou moun achte.

Yon ti pwent file ki nan branch anpil pye bwa. Se yonn nan bagay peyizan ayisyen pi pè lè yo ap mache nan raje san soulye nan pye yo paske pikan kapab rantre nan pye yo.

Pouse pwent yon bagay, yon pikan nan yon pati nan kò yon moun jis pwent la rantre nan kò moun nan. Sansasyon yon moun santi nan bouch li ki tankou yon bagay ki ap rantre nan vyann bouch li lè li gen yon bagay tankou piman andedan bouch li.

Anpil bagay, moun, ki rasanble ansanm. Batri.

Yon twons bwa atizan ayisyen fouye yon bèl tou nan li epi moun itilize li pou kraze kèk grenn tankou mayi, pistach, kafe, pitimi e latriye.

Frape pye sou yon bagay avèk espwa li ap ale kraze. Aksyon moun ki mete plat pye yo sou do pye yon moun pandan anpil moun, yon foul moun kanpe nan yon espas ki twò piti pou kantite moun yo.

Kodi, fè yon avyon, elikoptè vole.

Anpil bagay ki reyini, rasanble ansanm. Plizyè pil ansanm.

Pilòt: Moun ki kondi, pilote avyon. Moun ki fè avyon, elikoptè vole.

Grenn yon ti pye bwa kout ki kapab pike anpil. Gen plizyè piman tankou piman-zwazon, piman-dous avèk piman-bouk. Piman Bouk, Yon piman ki pi gwo pase piman-zwazo, men li pi piti pase piman-dous e li pike tou; yon ti kras mwens pase piman-zwazo. Piman Dous, Yon piman ki pa pike, men moun ki ap fè manje renmen itilize li pou bay manje bon gou. Moun manje piman-dous nan salad tou. Piman Zwazo, Yon ti piman wouj e piti ki pike anpil.

Fè yon moun soufri pou yon move bagay li fè tankou vyole lalwa, fè yon krim e latriye. Mete yon moun nan prizon.

Yon likid jón ou byen gri ki soti nan koko, zozo yon moun, yon bèt paske kò li pa bezwen likid sa pou ede kò a devlope, rete an sante.

Yon bèl ti zwazo, mal la avèk femèl la kapab bo pandan yo ap vole. Yonn toujou ale tout kote li gen pou li ale avèk parèy li.

Yon plan ki bay yon rasin ki divize an de pati: yon pati fen e yon pati pwès. Pati pwès la gen grenn andedan li e moun manje grenn sa yo. Moun fè manba, bè avèk grenn nan.

Yon plant peyizan ayisyen kiltive sou plantasyon yo. Li bay yon grap ki gen anpil ti grenn nan li. Gen de varyete pitimi: yonn pye li pi kout e li gen pi bon gou pase lòt la ki pi wo. Sa pye li pi wo a, moun ki ap kwit li gen pou yo mete anpil bagay nan li pou jwenn gou li.

Yon moun manman li avèk papa li te mete ansanm pou fè li nan moman manman an te ap ovile. Pitit Fèy, Nenpòt moun lwa ki monte yon bòkò te trete maladi li, te touye yon moun pou li e moun oblije patisipe nan seremoni vodou bòkò a chak ane pou peye yon pati nan dèt li.

Yon manje ki fèt avèk farin e li kòmanse fèt tankou jan moun fè pat pen, men pat sa a pa gen leven nan li. Lè moun nan fini plati pat la li mete sòs tomat sou li avèk kèk lòt bagay anvan li mete li nan fou.

Piyajè: Moun ki patisipe nan yon piyay. Moun ki pran plezi nan resevwa bagay nan men lòt moun.

Yon moman kote anpil moun resevwa libète pou yo pran tout kantite yo kapab pote nan yon kantite bagay. Libète anpil moun pran pou yo kòmanse pran bagay lòt moun posede san moun nan pa bay otorizasyon pou pran bagay sa yo.

Moman anpil moun pran anpil bagay yon moun te posede san moun nan pa bay otorizasyon pou pran bagay sa yo.

Yon vil nan Depatman Nò peyi Ayiti ki toupre Mayisad; anviwon 18 kilomèt konsa.

Yon moso materyèl ki sanble avèk jansiv moun, ki gen dan nan li e ki kapab chita sou jansiv yon moun pou ranplase jansiv avèk dan moun. Yon moso plastik tou won avèk ti tras sou ki gen mizik anrejistre sou li. Nan ane 1980 yo konpakdis vini epi li ranplase plak.

Preparasyon ki fèt pou konnen, anvan yon bagay rive, kijan li ap ale pase. Desen sou papye pou montre kijan yon kay e anpil lòt bagay ap ale fèt.

Aksyon yon bèt ki soti anlè pou desann anba, men li kite de zèl li ouvri pou ralanti vitès jan kò a ap tonbe sou tè a. Plizyè moun te eseye plane nan fè eksperyans pou vole tankou zwazo e se eksperyans sa yo ki fè moun konprann kijan pou yo fè pou desann avyon atè. Se zwazo avèk avyon ki vrèman kapab plane. Aksyon yon moun ki bay yon bagay li posede nan yon biznis pou mèt biznis la kapab prete li lajan. Moun sa ap resevwa bagay la lè li pote lajan avèk enterè retounen.

Prepare yon bagay pou li rive menm jan yon moun vle li rive. Fè yon plan.

Yon pye bwa ki piti, kout e ki kapab rete kout pou jis li seche, mouri. Gen anpil ti pye bwa kout tankou pye pwa, pye piman, mayi, pitimi e latriye peyizan kiltive nan jaden. Apre sezon jaden yo pase, plant la mouri epi kiltivatè yo sekle tè a pou plante menm grenn plant sa ankò.

Yon tè kote moun fè jaden. Kote ki gen plant nan tè kiltivatè ap tann yo donnen.

Mete grenn yon plant nan tè pou li gèmen epi grandi. Mete yon ti plant nan tè pou li kontinye grandi.

Planèt: Plizyè kò nan lespas ki pa kole avèk tè a, ki pa gen limyè sou yo e ki ap vire fè wonn solèy la.

Nenpòt kwen ki egziste sou tè a. Yon kote nan yon vil ki gen bèl flè, ban pou nenpòt moun chita nan kèk lè rezonab tankou soti nan sisè nan maten pou rive nan disè lannwit.

Asyèt. Eta yon bagay ki pa gen gwosè. Eta yon bagay ki gen fòm fas dlo ki pa ap souke. Plat Pye, Pati nan pye yon moun ki touche tè a lè li ap mache san soulye nan pye li.

Fòse yon bagay vini plat.

Yonn nan nèf divizyon nan peyi Ayiti yo e ki nan mitan peyi a avèk yon kwen li kole avèk Dominikani, yonn avèk Depatman Lwès la, yon lòt kwen avèk Depatman Latibonit e dènye kwen an kole avèk Depatman Nò a. Kapital depatman sa a se Ench.

Mete bagay andedan yon lòt bagay pou jis anyen pa kapab antre andedan li ankò.

Moman lè yon bèt ap pote pitit andedan vant li. Gwosès. Kantite tan sa varye pou chak fanmiy bèt. Yon kote ki gen anpil pye bwa, anba yo imid e li fè nwa tout tan.

Travay yon moun ki ap rakonte mizè li, tribilasyon li bay yon moun avèk espwa moun sa a ap ede li rezoud pwoblèm sa yo. Lamante. Fè yon bri ki soti nan gòj san kite yon vrè mo soti. Plenyen egzije anpil enèji.

Yon bagay yon moun renmen fè e li gen kè li kontan lè li ap fè bagay sa a. Jwisans.

Tras, mak kote yon bagay te vlope, pliye. Tout rad ki fini lave gen pli sou li anvan moun pase li.

Kèk ti branch fil ki parèt soti nan kò moun avèk bèt. Kèk lè tou yo grandi long sou kò moun ou byen bèt. Sa ki pi long nan kò moun yo parèt nan tèt yo, anba zesèl yo, nan pati entim yo. Kèk bèt tankou mouton gen anpil plim sou kò yo.

Diferans, pi wo, ant kantite yon bagay te dwe ye e kantite li ye a. Kantite ki ogmante sou yon bagay. Ogmante de kantite, de nonb yonn sou lòt.

Plizyè: Anpil bagay ansanm e ki kapab menm bagay la ou byen diferan ant yo.

Rantre yon bagay nan pwent yon lòt pou kontinye distribye yon bagay tankou dlo, eltektrisite bay yon lòt zòn, yon lòt aparèy. Danse avèk yon lòt moun yon fason pou tou de kò yo kole e deplase ansanm san dekole pou jis mizik la fini.

Pouse, fòse yon bagay rantre anba dlo. Aksyon yon moun ki lage kò li nan dlo tankou yon rivyè, lanmè, pisin. Yon moman kote yon avyon, yon zwazo, yon elikoptè kite wotè li te ap vole a pou desann pi ba e vit.

Travay yon ekriven ki ekri tèks tankou poezi.

Yon fason kèk ekriven ekri plizyè ti moso tèks pou esplike yon ti moman, yon ti istwa, yon bagay imajinè. Yon poezi sonnen tankou yon chante lè moun ap koute li.

Eta yon bagay ki bezwen plis tan pou li rive. Yon mo ki ale devan lòt mo pou esplike yon bagay, yon chanjman ki ap ale fèt, rive, regle e latriye.

Pokè: Yon jwèt kat kote jwè yo mize lajan yon premye fwa pou kòmanse jwèt la. Apre sa a, chak jwè ki panse yo gen kat pou genyen pati a mete plis kòb. Jwè ki pa kapab mete plis kòb e ki konnen yo pa genyen gwo pwen nan men yo oblije kite jwèt la. Konsa jwè ki gen anpil kòb avèk gwo pwen kapab kontinye mete plis kòb. Kèk fwa tou moun ki gen plis kòb la konnen blofe lòt jwè a epi dekouraje li avèk lajan. Jwè ki genyen an pa menm oblije montre kat ki te nan men li.

Yon travay chimik ki vini bay elektrisite epi dirije, rale elektrisite a ale, vini sou yon pòl.

Yon òganizasyon militè ki gen nan chak vil pou kenbe, mete lòd, sekirite nan vil peyi a. Militè sa yo pa antrene pou ale nan lagè.

Yon moun ki nan gwoup militè ki fòme òganizasyon polis yo.

Syans ki etidye gouvènman, kijan moun gouvène lòt moun. Mannigans moun itilize pou montre yo se yon bon moun devan tout moun ki kandida pou yon djòb. Aksyon moun ki ap chache mwayen pou fè lòt moun vote pou yo nan yon eleksyon.

Yon moun ki etidye syans ki montre moun kijan pou yo gouvène. Yon moun ki ap pratike politik. Yon moun ki patisipe nan yon eleksyon.

Polèn: Yon pati jón nan lasi myèl. Yon ti poud nan prèske tout flè e Wanga-nègès renmen manje li.

Yon peyi ki nan mitan kontinan Ewòp la kote yo pale yon lang ki rele Pòtigè. Peyi kote chèf legliz katolik la, Jan Pòl II, te fèt

Yon machin mekanik, elektrik ki kapab rale yon likid soti anba pou monte anlè. Ponp mekanik la se yon bagay moun fè travay avèk fòs ponyèt, men ponp elktrik la mache avèk elektrisite.

Yon òganizasyon ki gen kamyon ki kapab pote dlo pou ale ede moun kay yo ap boule. Kamyon òganizasyon sa yo itilize kapab pote anpil dlo pou voye sou dife e etèn dife a.

Yon mak machin e yon konpayi machin ameriken.

Ponyèt: De pati nan kò moun ki pandye nan chak zepòl moun. Ponyèt yo kapab pliye nan direksyon do moun e sèlman nan mitan yo. Dènye pwent ponyèt la gen pati ki rele men an.

Sitiyasyon yon moun ki ap viv nan yon sosyete, men prèske tout moun nan sosyete sa konnen li. Moun sa gen yon popilarite nasyonal. Yon moun moun nan lòt sosyete konnen. Moun sa gen yon popilarite entènasyonal. Popilarite kapab fè anpil moun vote pou yon moun ki patisipe nan yon eleksyon.

Kantite moun ki ap viv yon kote tankou yon zòn, yon peyi e latriye.

Popilè: Eta yon moun ki posede yon popilarite. Yon bagay ki gen rapò avèk pèp tankou yon moun anpil moun konnen, yon pèp konnen.

Port-de-Paix: Gade Pòdepè.

Gen pwopriyete yon bagay. Gen dwa pou deside sou avni yon bagay, yon moun.

Eta yon bagay ki kapab pase, vini, rive e latriye e chans sa yo piti.

Opòtinite, okazyon ki egziste pou yon bagay vini posib.

Itilize Lapòs pou voye yon lèt ou byen kèk lòt bagay yon kote. Mete yon siy yon kote pou moun wè li.

Aksyon moun ki bay lòt moun itilize yon pati nan kò yo tankou koko yon fi pou lajan. Pwofesyon yon bouzen.

Deplase yon bagay soti nan yon plas pou ale nan yon lòt san bagay la pa touche tè depi kote li soti pou jis kote li gen pou li rive a.

Lè mo sa kanpe devan yon lòt mo li vle di yon moun posede sa mo ki vini apre li a vle di. Yon ti bèt ki renmen rete kote ki gen plim tankou cheve pou li fè pitit, miltipliye.

Pitit de moun ki gen anpil lajan e ki pa oblije travay pou fè lajan li bezwen pou depanse. Yon jèn gason ki gen anpil lajan e ki pa gen pyès responsablite tankou yon fanmiy pou okipe.

Krabinay yon bagay kote li enposib pou rekonèt bagay sa, eksepte si li gen yon sant, yon koulè, e latriye. Yon pwazon bòkò Ayisyen prepare e yo itilize li pou touye yon énmi yo, énmi lót moun. Yon krabinay yon bagay moun ki ap abiye mete anba bwa yo, sou kou yo, kèk fwa sou lestomak yo pou fè yo santi bon.

Yon zwazo domestik ki ponn ze, remen mache plis pase li vole e moun renmen manje vyann li anpil. Eta yon fi ki renmen bay gason kouche li. Aksyon yon elèv lekòl ki ap gade sa yon lòt elèv toupre li ap fè nan yon egzamen pou li fè menm bagay la tou.

Gade sa yon elèv toupre ap fè nan yon egzamen pou fè menm bagay la tou.

Poulèt: Yon ti poul ki poko janm ponn ze, ki poko fè pitit. Vyann poulèt prann mwens tan pou li kwit pase vyann poul.

Kat dwèt ki pi gwo nan ven dwèt moun gen nan pye avèk nan men yo. Yon dimansyon ki prèske menm longè avèk espas ki ant de mak nan dwèt yon moun.

Sib kijan yon moun fè yon bagay pou fè menm bagay la tou.

Pousyè: Ti moso tè ki vini tèlman piti e fay, yo kapab vole e van kapab pote yo ale tonbe sou lòt bagay. Salte ki poze sou yon kò pwòp e ki chanje koulè kò sa a. Krabinay tè ki kapab vole.

Kapasite pou itilize fòs lè gen bezwen pou itilize fòs sa a. Otorite lalwa bay yon moun.

Eta yon moun ki pa gen lajan pou li achte pyès nan bagay yon moun bezwen pou li kontinye viv alèz nan sosyete li ap viv.

Soti anlè epi rive atè a tou dousman. Ranje yon bagay tankou mozayik nan yon posisyon.

Kote yon bagay ye. Travay yon moun ap fè nan yon biznis. Opinyon yon moun sou yon bagay.

Yonn nan de pòl elektrisite yo (avèk negatif la) kote kouran soti pou li ale pase nenpòt kote ki bezwen itilize kouran. Yon siy plis (+) operasyon ki montre gen yon bagay ki ap ale ogmante sou yon lòt bagay.

Itilize fòs pou retire yon bagay nan men yon moun ki te posede. Akepte resevwa yon bagay nan men yon lòt moun.

Yon moun ki te okipe yon pozisyon anvan moun ki vini okipe pozisyon sa a apre li.

Bagay ki vini, rive anvan an. Yon moun, yon bagay ki gen nimewo en, ki menm avèk nimewo en. Pozisyon yon moun ki rive anvan an kote yon kous fini.

Fè tout sa ki nesesè pou kòmanse fè yon lòt bagay ki bezwen fèt.

Presbitè: Yon kay, yon biwo kote yon pè viv e fè travay legliz la ki pa kapab fèt nan legliz la menm.

Fè yon bagay ki dwe fèt pi vit pase jan li te dwe fèt la. Mete yon rad anba yon machin ki rele près pou retire pli nan rad la.

Ekri yon lis medikaman ki bon pou maladi bay yon malad soufri. Bay yon moun otorizasyon avèk enstriksyon pou fè yon travay.

Yon otorizasyon yon doktè bay yon moun pou ale nan yon famasi epi ache yon medikaman leta anpeche moun ache san otorizasyon sa a. Otorizasyon e enstriksyon yon moun bay yon lòt moun pou li fè yon travay.

Aksepte, yon bagay, lajan nan men yon moun epi bay moun nan pwomès pou remèt li bagay la, lajan an.

Wè yon bagay anvan li egziste nan reyalite.

Moman sa a, konnye a, tan sa a. Eta yon moun ki yon kote, nan yon pozisyon.

Pi gwo chèf, premye moun nan yon peyi ki gen yon gouvènman.

Kantite kòb yon machann mande pou machandiz li ap vann. Yon bagay, lajan yon moun resevwa avèk konpliman pou yon bagay li fè byen.

Retire yon bagay leta te posede nan men li pou bay lòt biznis kontwole li. Retire dwa piblik la te gen nan men li sou yon bagay.

Eta yon bagay yon moun posede e se moun sa a ki gen dwa fè sa li vle avèk li. Sektè Prive, Nenpòt biznis nan yon peyi ki pa nan gwoup biznis, gwoup òganizasyon leta yo.

Près: Yon machin ki itilize vapè pou retire pli sou yon rad. Tout moun ki travay nan biznis tankou radyo, televizyon, jounal e ki regle zafè bay nouvèl.

Yon moso tè ki gen dlo antoure li prèske tou won. Penensil.

Rasanble plizyè pyès ansanm pou fè yon bagay. Itilize yon moso yon bagay ou byen yon moso yon lòt bagay, pou ranplase moso pa bagay la.

Plizyè moso bagay jwè itilize pou yo make pozisyon yo ye nan yon jwèt. Pwofi, avantaj yon moun gen sou yon lòt.

Pyès: Anyen. Yon moso bagay ki kontribye nan konstitisyon yon bagay. Absans yon bagay.

Pò: Yon kwen nan lanmè kote bato rete pou yon debake e anbake machandiz. Anpil ti tou, kanal ki sou tout kò moun pou ede respirasyon kò a fèt.

Pòch: Yon tou yon koutiryè, yon tayè fè nan yon rad pou moun ki mete rad la kapab mete sa yo bezwen itilize vit tankou yon kle kay, yon bous, lajan.

Yon vil e kapital Depatman Nò Lwès peyi Ayiti. Port-de-Paix.

Pòl: De sèl pozisyon yo ki nesesè pou bay elektrisite: positif (+), negatif (-). Elektrisite mache an wonn, li soti nan pozisyon pozitif la pou ale nan pozisyon negatif la.

Pòmdetè: Yon boul moun manje ki donnen anba tè e ki gen anpil farin nan li. Li pran anpil tan pou kwit, men po li fen. Moun renmen manje pòmdetè plizyè fason tankou fri, bouyi e melanje avèk lòt bagay: bè, mayonèz, ze e latriye.

Yon bagay moun kapab kenbe avèk men yo pou pote li.

Pòtigè: Yon lang ki itilize anpil mo ki sonnen menm jan avèk mo Espanyòl e moun nan peyi Brezil avèk peyi Polòy pale lang sa.

Port-au-Prince. Premye e yonn nan pi ansyen vil nan peyi Ayiti. Se vil sa ki kapital peyi a. Depatman kote vil sa ye a rele Depatman Lwès e se li ki kapital depatman sa tou. Pati yo ki pi remakab nan vil sa rele Petyonvil, Dèlma, Kafou, anba lavil e latriye.

Pati nan kò yon moun, yon bèt kote pwent zo kòt li yo vini pase anlè vant li a pou kouvri kè li avèk kèk lòt pati sou kote kè a.

Pòv: Moun nan yon sosyete ki pa posede anyen pou li kontinye viv alèz nan sosyete a. Kèk fwa, dekourajman avèk grangou fè yon pòv kanpe kote lòt moun ap pase pou mande yo kòb.

R: Disetyèm lèt nan alfabèt lang Kreyòl la.

Eta yon bagay moun difisil pou jwenn, rankontre li. Yon bagay moun oblije chache li anpil pou jwenn li.

Aksyon yon bagay ki ap avanse nan yon direksyon epi li ap pouse ale tout sa li jwenn nan chemen li, sou wout li.

Yon enstriman ki fèt pou koupe gwo bagay di tankou yon twons bwa. Pou koupe yon bagay avèk rach, moun frape pati file nan rach la sou bagay la anpil fwa epi ti moso soti yonn apre lòt nan bagay la jis li fini koupe.

Moso twal koutiryè avèk tayè koupe nan fòm kò moun e koud yo ansanm pou moun abiye.

Yon mwayen kominikasyon ki egziste ant yon gwo aparèy elektwo-mayetik ki voye son nan lespas e yon ti aparèy elektwo-mayetik ki ap resevwa son sa yo. Kantite ti aparèy ki kapab resevwa son sa yo pa gen limit. De ti aparèy de moun, pou pi piti, kapab ititlize pou yo pale, kominike ant yo de a.

Eta yon moun ki resevwa yon edikasyon nan fanmiy li, nan zòn kote li ap viv la ki fè li konprann byen jan pou li viv avèk moun ki ap viv sou kote li.

Yon bagay glase tankou krèm, dlo, kola e latriye ki kontribye nan bese chalè yon moun santi lè moun bwè bagay sa yo. Nenpòt bagay moun bwè avèk espwa chalè yo santi ap bese.

Pale de yon bagay ki pase. Bay yon kont tankou istwa Bouki avèk Timalis.

Rakèt: De plant nan peyi Ayiti: yonn gen yon fòm varye avèk pikan e yon likid blan andedan li. Likid sa a se yon pwazon. Ayisyen itilize rakèt sa pou fè lantouray. Lòt rakèt la gen yon fòm oval avèk ti pikan fèb nan tout kò li. Ayisyen itilize plant sa pou feyaj. Yon entriman jwè anpil jwèt itilize pou frape e voye yon boul sou bò lòt jwè a.

Nivo ki egziste ant plizyè bagay, moun, djòb, travay, pozisyon nan yon sosyete, yon peyi. Liy. Plizyè moun ki kanpe yonn devan lòt pou tann yon bagay.

Yon lè, de ou byen plis moun antann yo, pou rankontre yon kote pou pale de yon bagay.

Mete plizyè bagay nan yon pozisyon ki ede jwenn yo lè gen bezwen pou yo. Bay yon bagay yon fòm li te pèdi. Plizyè bagay ki nan yon pozisyon.

Moman kote moun rankontre.

Soti nan yon pozisyon, yondireksyon pou ale menm kote avèk lòt moun ki pa soti menm kote a.

Yon bèl zwazo ki kapab fè yon gwo bri andedan gòch li e ki toujou ap vole, rete sou yon pye bwa kote parèy li ye.

Travay yon moun ki ap pouse manje soti andedan vant paske gen yon fòs ki ap pouse manje sa a soti deyò. Rann Sèvis, Sèvi yon moun gratis ou byen pou lajan.

Fè, mete an plis sou yon bagay tankou mete tè nan yon tou.

Moso twal, rad ki lave anpil, twò ansyen pou moun abiye epi moun mete yo nan yon kwen ou byen anba matla kabann.

Yon sik solid peyizan ayisyen fè nan moulen. Pou prepare rapadou, peyizan yo kraze kann pandan yo ap separe dlo a avèk kakas kann nan. Yo mete dlo kann nan bouyi pou jis li vini siwo. Nan yon moman anvan siwo a brile, yo retire li mete nan yon gwo ganmèl epi yo brase siwo a pou jis li prèske di. Lè sa yo mete li nan kayèt.

Rapòte: Aprann yon bagay, yon istwa epi ale pale lòt moun de konesans sa yo. Bay enfòmasyon nan yon jounal, yon radyo, yon televizyon.

Yon gwoup mizikal ki gen yon majò-jon devan, kèk dansè dèyè li, tanbouyè, banbouyè, yon bòkò, yon badjikan, avèk kèk lòt mizisyen e patisipan. Rara kòmanse sou dènye jou madigra pou fini lè fèt Pak rive.

Divizyon moun kreye pou fè diferans ant koulè moun ki ap viv sou tè a e tout kote nan lemond.

Plizyè bagay, moun, bèt ki nan yon pozisyon nan yon moman. Yon foul moun.

Yon pwent tout plant pouse nan tè a pou kenbe yo solid anlè tè a. Moun itilize rasin plant anpil e gen anpil nan yo moun manje. Orijin, premye kote yon bagay soti anvan moun te kòmanse tande pale de li.

Rasyonèl: Eta yon desizyon moun ki pran li a te itilize entelijans epi moun nan te evite itilize kè li, sansiblite li.

Yon ti bèt ki gen kat pye bouch long, zòrèy kanpe e ke long ki entelijan anpil e ki gen, nan kò li, anpil pati moun gen nan kò yo. Moun ki fè medikaman pou maladi moun soufri toujou eseye medikaman sa yo sou rat anvan yo bay moun medikaman yo. Rat renmen viv nan tou e yo pa fè moun konfyans.

Manke. Pèdi chans ki te egziste pou reyalize, benefisye yon bagay. Aksyon yon pèlen ki kite pozisyon yon moun te ranje li pou kenbe yon bèt.

Yon machin moun itilize pou kenbe rat paske bèt sa pa janm kite moun rive pre li. Moun mete manje yo konnen rat renmen nan ratyè a epi ranje li yon fason pou li rate.

Yon ratyè ki fèt an fè. Mo kèk gason itilize lè yo ap pale de kèk madanm ki konnen kijan pou yo fè pou kouche avèk lòt gason san mari yo pa janm kenbe yo.

Yon ti kouran dlo ki sanble avèk yon rivyè, men ki plis soti nan kèk mòn pou ale tonbe nan larivyè. Kantite dlo ravin yo pa anpil e lè lapli fè anpil tan li pa tonbe ravin yo pa gen dlo sou wout yo.

Yon wout ki fèt pou tren pase. Yon ray gen de liy fè ki kouche sou anpil moso bwa sou tout longè wout la. De liy fè sa yo kenbe wou tren yo pou yo pa deraye.

Eta yon moun, yon bèt ki gen vye santiman nan kè li pou yon lòt moun.

Move santiman yon bèt, yon moun gen nan kè li pou yon lòt moun, yon lòt bèt.

Yonn nan sèt nòt mizikal yo: do, re, mi, fa, sòl, la, si.

Yon manje ki diminye apeti moun chak fwa yon moun manje li. Nenpòt bagay yon moun gen mwens anvi pou fè li chak fwa li fè li yon fwa an plis.

Santiman moun gen pou yon bagay ki rebitan.

Yon devwa pwofesè bay elèv lekòl primè kote yo gen pou yo pale de yon bagay tankou yon moman nan lavi yo, yon bèt e latriye. Yon redaksyon gen twa pati: entwodiksyon, devlopman, konklizyon.

Yon machin ki gen anpil tiyo andedan li ki gen gaz pase andedan yo pou glase bagay ki andedan machin nan. Refrijeratè fè dlo tounen glas, li fè anpil likid vini di.

Refèt: Remete tout bagay nan plas yo pou tout bagay vini gen menm fòm li te genyen nan yon moman pase. Yon lòd moun pase òdinatè pou ekri ankò yon bagay moun apèn efase.

Eta yon moun ki gen lapenn pou yon bagay ki te fèt mal. Yon moun ki regrete yon bagay ap chache ranje li depi li kapab. Gen bagay tankou lanmò moun regrete lè yo rive, menm jan avèk lanmò tou, gen bagay moun pa kapab chanje.

Yon gwoup moun ki gen tout pouvwa nan men yo pou pran desizyon pou yon lòt gwoup moun, yon peyi. Yon grap nan tèt yon pye bannann, lè li rèk, moun koupe li pou manje.

Yon gwo pwason nan lanmè ki manje vyann tankou vyann moun yo jwenn nan lanmè a, menmsi moun nan vivan.

Pale de yon bagay, yon machandiz pou fè moun panse yo konnen bagay sa, machandiz la epi yo ap ale chache li pou achte li.

Konesans ki retounen nan tèt yon moun apre anpil tan te pase depi moun nan te pèdi konesans la. Apresyasyon yon moun montre pou yon bagay yon lòt moun fè. Konpliman yon moun resevwa pou yon bon bagay li fè.

Konstwi yon bagay yon dezyèm fwa. Mèt yon ansyen kay kapab mande yon bòs pou li rekonstwi kay la pou li.

Rekonèt: Itilizasyon ansyen konesans pou sonje yon bagay. Sonje resanblans yon bagay.

Rekò: Rezilta yon bagay moun ap mezire depi lontan epi li rive bay yon rezilta moun pa te janm wè anvan jou li rive bay nouvo rezilta sa a.

Lyen yon bagay, yon moun gen avèk yon lòt bagay, yon lòt moun. Rezon ki fè de moun toujou rankontre. Relasyon Entim, Relasyon yon fi avèk yon gason genyen kote yonn konnen anpil sekrè nan lavi lòt la, yo chak konnen wè e manyen tout pati nan kò lòt la.

Travay yon moun ki kite non yon moun soti nan bouch li yon fason pou moun nan vini jwenn li. Gwo bri moun fè lè yo ap kriye.

Yon fri ki donnen an grap. Gen de diferan rezen: yonn koulè wouj avèk yonn koulè vè. Yon grenn rezen kapab genyen yonn ou byen de ti grenn andedan li.

Sa yon moun jwenn lè li fini fè yon operasyon. Bagay yon moun jwenn lè li fini fè yon travay.

Eta yon bagay ki gen rezistans. Eta yon gwoup gèrye ki kanpe ap goumen avèk yon lòt gwoup san fatige. Eta yon mont dlo pa kapab antre andedan li menmsi li rantre nan dlo.

Aksyon yon moun ki pa vle obeyi lòd. Aksyon yon gèrye, yon gwoup gèrye ki pa janm fatige goumen.

Bon fason moun panse. Abilite pou yon moun panse byen. Travay yon moun ki fè moun konprann e aksepte pozisyon pa li pou bon pozisyon an. Kapasite, abilite pou itilize entelijans pou pran desizyon, men pa sansiblite.

Itilize entelijan, men pa itilize sansiblite pou prandesizyon. Praktike prensip matematik yo pou rive jwenn yonn ou byen plizyè rezilta.

Jwenn, bay solisyon yon pwoblèm.

Yon espas nan yon vil kote nenpòt moun gen dwa pase. Yon zòn piblik nan yon vil. Travay moun ki leve po bouch yo pou mete dan yo deyò epi eksprime kè kontan yo.

Eta yon moun, yon peyi ki gen richès. Yon moun, yon peyi ki gen plis lajan pase kantite lajan li bezwen.

Richès: Bagay yon moun, yon moun rich posede. Tout pwodiksyon yon peyi kapab ekspòte bay lòt peyi.

Finisman, dènye bout yon vwayaj. Ale jis nan yon destinasyon. Travay yon moun ki rantre yon kote lòt moun te ap tan li.

Rivyè: Yon kouran dlo dous ki soti nan yon sous epi ki sib tout nivo tè ki pi ba pase nivo kote li soti a pou jis li rive nan lanmè. Larivyè.

Règ: Yon moso materyèl ki ede moun trase yon liy dwat. Prensip moun fèt pou yon respekte. San ki soti nan koko yon fi chak ventsuit jou nan yon mwa pou avèti fi a li ap ale ovile nan katòz jou. Gen kèk fi ki gen gwo doulè nan vant yo lè yo gen règ yo.

Rèl: Yon liy nan mitan do yon èt vivan kote zo ki pi ansyen nan kò a rankontre. Eta yon moun ki ap kriye fò pou fè lòt moun konnen li bezwen èd.

Rèz: Aksyon yon moun ki fè moun panse li posede abilite, fòs, resous pou fè yon bagay, men li pa genyen tout sa li fè moun panse li genyen yo tout bon vre. Lè yon moun rive rekonèt sa li te fè konprann nan pa te vrè, li deja twò ta pou moun nan chanje lide li. Aksyon yon jwè ki itilize lajan li genyen pou li blofe lòt jwè.

S: Dizuityèm lèt nan alfabèt lang Kreyòl la. Li pwononse menm jan avèk mo, ès, ki vle di avanse nan yon direksyon, men pa janm rete nan yon liy dwat.

Anpil poud, kraze ti wòch ki sou kote lanmè, larivyè e mason itilize yo pou fè mòtye pou kontriksyon.

Yon ti sak ki pa gen lans e ki fèt avèk papye ou byen plastik.

Eta moun ki pran plesi nan fè sa ki fè lòt moun mal. Eta anpil kriminèl.

Saint Marc: Gade Sen-Mak.

Nenpòt bagay fon avèk lans ki fèt pou moun pote bagay yo pa vle pote nan men yo.

Yon gwo chanm kote moun nan yon kominote selebre gwo okazyon, evènman avèk fèt. Eta yon bagay ki gen malpwoprete sou li tankou pousyè. Eta yon rad ki gen kras swè moun, labou, pousyè kole sou li.

Plizyè varyasyon nan bagay ki akonpaye manje sou yon tab. Li kapab yon konbinezon leti, tomat, kawòt avèk yon melanj dlo, sèl, lwil. Li kapab yon konbinezon bèt-wouj, pòmdetè, ze bouyi, mayonèz, zonyon. Gen anpil diferan salad.

Yon bagay ki gen yon kantite sèl ki depase gou tout lòt bagay ki rantre nan konstitisyon li.

Yon chanm nan yon kay ki pote menm non avèk yon gwoup mèb andedan li. Nan kèk kay chanm sa sèvi pou resevwa moun ki pa rete nan kay la. Moun ki rete nan kay la itilize li pou divètisman tankou gade televizyon.

Bagay ki fè yon lòt bagay sal. Malpwoprete. Pousyè ki rasanble, tonbe sou yon kò, fas yon bagay.

Setyèm e dènye jou nan yon semèn. Apre jounen samdi a, yon lòt semèn kòmanse. Se jou sa tout moun nan legliz Advantis yo ale legliz pou priye e bay Bondye glwa.

Yon likid ki toujou ap sikile nan venn moun avèk èd kè moun ki sèvi tankou yon ponp pou rale e pouse san an nan tout venn yo. San an, vrèman, divize an de pati: san wouj avèk san blan an. 100. Yon kantite ki gen san inite nan li. Senkant miltipliye pa de. Mil divize pa dis bay san. San De, 102. Sandezyèm inite nan nonb pozitif yo. San plis de. Desan-kat divize pa de. San Dis, 110. Sandizyèm inite a. Kat-san-ven divize pa de. San plis dis. San En, 101. San plis en. De-san-de divize pa de. San inyèm inite nan nonb pozitif yo.

Yon soulye plat moun mete nan pye yo pou pye yo pa touche atè, men tout pye a pa fèmen andedan li; konsa van kapab pase pou anpeche pye a vini cho. Sandal pi ansyen pase anpil soulye ki fèmen nèt yo. Moun nan antikite te konnen mete sandal nan pye yo.

Yon manje moun prepare avèk plizyè bagay tankou pen, leti, mayonèz, tomat, fwomaj avèk kèk ti moso vyann plat.

Yon poud tout bagay ki fini boule kite nan plas kote yo te ap boule a. Tè.

Konprann moun gen de yon bagay. Direksyon yon bagay sib pou li ale yon kote. Sans Inik, Sèl direksyon yon bagay tankou yon wout, yon ri genyen. Relasyon ki gen ant de moun kote yonn nan moun yo toujou montre li enterese a lòt la, men yonn nan moun yo montre li pa enterese a lòt la.

Yon moun ki pa vle travay e ki toujou ap mande lòt moun pou jis li santi moun nan pa genyen ankò pou bay li. Yon bèt ki viv nan dlo epi ki renmen rale san moun pou li bwè. Lè yon sansi ap rale san moun, li ap sispann rale sèlman lè vant li plen epi li soule.

Mitan. Yon kote ki enpòtan anpil pou yon gwoup moun e moun toujou reyini kote sa a pou diskite anpil bagay. Enfòmasyon moun kapab resevwa nan nen li pou idantifye yon bagay. Bon Sant , Yon sant moun renmen. Move Sant, Yon sant moun pa renmen, yon sant moun rayi.

Eta yon moun tout òganism nan kò li ap fonksyone san pwoblèm. Yon moun ki an sante gen kouraj pou li fè tout sa li vle fè avèk tout manb nan kò li. Yon moun ki pa an sante kabap fèb ou byen yon manb nan kò li kapab fèb.

Eta yon bagay ki bay yon sant moun pa renmen, yon sant ki move. Eta yon move kominikasyon ant plizyè manb nan kò yon moun. Si yon bagay touche yon moun, pati sa a nan kò a ap kominike enfòmasyon an bay yon lòt pati nan kò a; konsa moun nan ap konnen gen yon bagay ki touche li, moun nan santi bagay la.

Kominikasyon ki genyen ant tout pati nan kò yon moun avèk kè li. Nenpòt bagay yon moun santi pou yon lòt tankou lide pou fè byen, mal.

Eta yon moun ki gen santiman.

Mete yon bagay nan sant, nan mitan. Voye yon boul bay yon jwè nan mitan yon teren.

Yon frè Bondye ki envizib e ki ap viv sou tè a avèk moun apre Bondye te fini kouri dèyè li nan syèl la. Mal.

Tout bagay ki mal, move. Nenpòt bagay ki gen rapò avèk Satan.

Yon twal swa moun itilize pou fè parasòl, onbwè. Tayè itilize twal sa a anpil pou mete andedan rad ki fèt avèk lòt twa lou pou kouti twal sa yo pa fè mak sou moun ki mete yo. Saten fè yon rad lou gen mwens fwotman avèk kò moun.

Yon kokenchenn teren ki pa gen anpil gwo pye bwa sou li nan kèk peyi twopikal. Zèb prèske pa grandi sou teren sa yo paske yo twò cho. Gen anpil pousyè nan savann yo. Savann Djann, Yon savann nan Depatman Latibonit la ki ant Mayisad avèk Sen-Michèl, yon vil tou pre Gonayiv. Savann Sahara, Pi gwo savann nan tout lemond e li sitiye nan nò kontinan Afrik la.

Men kisa yon bagay ye. Mo moun mete devan yon lòt mo pou di kisa mo a vle di.

Yon swantantyèm nan yon minit, yon kantite tan ki egal a kantite tan yon minit genyen divize pa swasant.

Segondè: Yon bagay ki vini apre, ki gen priyorite an dezyèm pozisyon. Yon nivo lekòl nan peyi Ayiti ki vini apre lekòl primè.

Dechouke zèb sou yon moso tè pou fè tè a bèl. Kiltivatè sekle tè pou yo kapab plante grenn nan li. Dechouke zèb nan mitan ti plant ki ap grandi pou bay yo libète pou yo grandi. Travay yon kiltivatè fè pou kenbe plant li an sante.

Rèl yon moun pou mande èd lè moun nan konnen li pa kapab defann tèt li san asistans yon lòt moun. Yonn nan lis yon moun ki ap itilize òdinatè kapab sib pou jwenn enfòmasyon li ap chache. Tout pwogram gen mo sekou a nan lis sèvis yo.

Yon moso, yon pati nan yon bagay. Seksyon Riral, Pi piti divizyon politik nan zòn peyi Ayiti yo.

Divize yon bagay an plizyè seksyon.

Mete sèl nan yon bagay. Mete sèl sou do yon bèt tankou cheval pou moun monte.

chwazi nan mitan plizyè bagay pou pran sa ki bon an. Yon travay kèk òganism nan kò moun fè pou yo chwazi manje ki fèt pou rete andedan vant moun e ki kontribye pou fè moun gwosi epi voye sa ki pa bon pou kò a deyò.

Aksyon yon bagay, yon moun ki ap fè yon seleksyon. Pran sa ki bon yo epi kite rès la.

Semèl: Pati anba yon bagay, tankou soulye, ki anpeche pye moun touche avèk tè a lè pye moun rantre nan li.

Moun ki te sakrifye tout lavi yo ap sèvi moun sou tè a e legliz katolik bay yo glwa, kèk tan apre lanmò yo. Yon moun ki pa fè pyès peche. Yon bagay ki pa gen pyès pati nan kò li ki gate. Sen Domeng, Ansyen non tout il kote peyi Ayiti avèk Dominikani an ye a. Lè peyi Espay te vini pran pati lès il la, li te bay pati sa yon non espanyòl (Santo Domingo) e Ayiti pote yon non fransè paske peyi Frans te kontinye kolonize li pou jis rive nan ane 1803 yo. Sen Espri, Yonn nan twa pati Bondye yo sou kote papa a avèk piti. Yon espri ki monte moun nan kèk legliz e fidèl legliz sa yo kwè se lespri Bondye ki monte moun sa yo. Yon espri ki sen, ki soti nan Bondye. Sen Mak, Yon vil nan Depatman Latibonit la kote Wout Nasyonal Nimewo En an pase pou ale nan nò peyi Ayiti. Saint Marc. Non yon pwofètè. Sen Michèl, Yon vil nan Depatman Latibonit la ki tou pre Gonayiv. Non yon pwofèt.

Senbòl: Yon siy ki reprezante siyfikasyon, imaj yon bagay.

Sizyèm chif nan nonb pozitif yo. 5. Dis divize pa de. Kat plis en.

Senk miltipliye pa dis. 50. San divize pa de.

Yon moso kui kèk pwodiktè fè pou moun kapab mare rad nan senti yo. Gason pase sentiwon nan pasan pantalon epi boukle sentiwon an; konsa li anpeche pantalon an desan nan pye yo.

Nevyèm mwa nan yon ane e twazyèm mwa vankans pou elèv lekòl nan peyi Ayiti.

Travay yon atizan ki kreye imaj yon bagay avèk ajil. Yon travay seramik kapab gwo tankou estati yon moun ou byen piti tankou bijou pou dekorasyon andedan kay.

Mete yon bagay yon kote pou pyès lòt moun pa kapab jwenn li. Anpeche moun wè yon bagay. Mare yon bagay pi di avèk yon kòd.

Fèt moun fè pou fè sonje, selebre yon evènman ki te pase nan yon dat. Nenpòt fèt pou nenpòt rezon.

Kèk manje ki fay anpil e ki pa kapab plen vant moun pou anpil tan paske yon ale nan vant moun pi vit pase manje ki lou yo. Pwodiktè yo fè sereyal avèk bagay tankou mayi, ble e latriye epi yo pase li nan fou anvan yo mete li nan bwat.

Yon grenn yon pye bwa donnen e ayisyen fè ji, konfiti avèk li. Grenn seriz gen koulè vè lè li vèt e li gen koulè wouj lè li mi.

Setyèm: Yon plas, pozisyon ki rive nan menm nivo avèk sèt. Pou rive nan setyèm, moun ki ap di pozisyon yo soti nan premye, dezyèm, twazyèm, katriyèm, senkyèm epi sizyèm.

Eta yon bagay ki gen anpil asid nan li. Sik kapab chanje gou yon bagay ki si. Mo yon moun itilize pou rantre yon kondisyon nan lide li. Yonn nan sèt nòt mizikal yo: do, re, mi, fa, sòl, la, si.

Yonn nan kat pwen kadinal yo. Li opoze a nò.

Yon preparasyon, konsantrasyon ji kann ki fè likid sa a vini fè yon poud tankou sab, men li dous e li fonn nan likid. Nenpòt poud dous.

Siklòn: Yon gwo chanjman nan fonksyónman nòmal lanati ki bay anpil van fò ki ap vire nan yon sèl plas. Siklòn bay gwo lapli ki kapab detri anpil bagay nan yon tan kout. Van yon siklòn kapab vire nan yon sèl plas avèk yon vitès pi vit pase 150 kilomèt chak inèdtan pandan li ap deplase avèk yon vitès 10 kilomèt chak inèdtan konsa.

Eta yon bagay ki vini dous paske li gen sik ki fonn nan yon li. Yon bagay ki gen sik nan li.

Eta nenpòt bagay, moun ki ranplase, ki vini apre yon lòt bagay, moun.

Absans bri, son avèk pale. Eta yon moun ki pa vle reponn yon kesyon.

Silvouplè: Ekspresyon nan bouch yon moun ki vle montre li pa merite yon sèvis li ap mande. Mo moun itilize pou sipliye yon lòt moun pou rann li yon sèvis. Yon moun ki vle mande yon asasen pou li pa touye li kapab di asasen an: silvouplè pa touye mwen.

Yon poud koulè gri mason itilize pou yo fè mòtye ki ap vini di anpil lè li sèch. Yon lakòl kòdonye itilize pou yon kole moso kui nan semèl soulye.

Mete mòtye ki gen siman nan li sou yon moso tè, andedan chanm yon kay.

Yon plas kote ki gen anpil kavo pou moun mouri avèk moso tè pou antere moun mouri. Dènye plas kote yon moun ki sou tè a gen pou yo ale. Dènye plas kote moun mennen fanmiy yo pou ale pran dènye repo yo.

Plizyè sèn teyat ki kole ansanm e anrejistre sou yon band-mayetik pou bay imaj sèn yo menm jan yo te anrejistre a sou yon gwo ekran. Gwo ekran sa yo bay tout gwosè aktè avèk aktris yo nòmalman tankou nan lavi reyèl. Film. Yon kay ki gen anpil chanm nan li kote gen yon film ap jwe nan chak chanm yo.

Kantin. Manje gwo peyi tankou Etazini te konnen voye bay peyi pòv yo pou separe bay moun ki pa kapab achte manje pou swen tèt yo, pitit yo. chèf peyi pòv yo te konnen vann manje sa yo pou yon montan lajan ki pi piti pase kantite lajan yo kapab achte manje nan mache. Eta moun nan yon zòn kote yon siklòn fini pase.

Mande yon moun yon sèvis yon fason pou montre moun nan grandè li avèk respè li kapab jwenn si li rann sèvis sa.

Sipò: Yon fòs etranje ki nesesè pou yon moun jwenn yon nivo satisfaksyon. Aksyon yon moun ki dakò avèk yon bagay yon lòt moun fè. Bagay ki nesesè pou yon bagay, yon moun kapab kenbe yon pozisyon. Konvèsasyon yon moun gen avèk yon lòt moun ki gen yon moun nan fanmiy li, pwòch li mouri.

Sipòte: Aksyon yon moun, yon bagay ki bay sipò. Bay sipò.

Sizyèm chif nan nonb pozitif yo. 6. Senk plis en. Twa miltipliye pa de.

Moman kote yon bagay kanpe pou rekòmanse ankò yon lòt lè. Kanpe.

Pi gwo moniman nan peyi Ayiti ki nan nò peyi a e sou yon mòn nan do vil Sen-Rafayèl. Ayisyen te konstwi li sou gouvènman Anr Kristòf ki te yon wa nan zòn sa a. Kote batiman sa a sitiye a te ede wa a defann wayòm li kont lòt peyi e lòt pati nan peyi Ayiti a menm ki te gen yon lòt gouvènman nan tèt li. Jodia, Sitadèl la se yonn nan pi gwo mèvèy nan lemond.

Kote yon bagay tankou yon moso tè, ki pa janm deplase, ye.

Moun ki pote nasyonalite yon peyi. Moun ki te fèt nan yon peyi e ki rete kenbe nasyonalite li te genyen nan menm peyi sa.

Grenn yon pye bwa ki gen anpil asid nan li. Yon grenn sitwon gen prèske menm fòm avèk yon ze poul. Sitwon gen koulè vè anvan li mi e apre sa li vini gen koulè jón. Yon pye sitwon gen anpil pikan sou li e li pa grandi tou dwa apre li fini rive yon wotè.

Limonad. Yon ji ki gen dlo, sitwon avèk sik nan li. Li pote non sitwonad la paske li gen sitwon nan li.

Fwote moso sitwon sou yon bagay tankou vyann epi mete ji sitwon nan li.

Yon epis ki gen koulè vè e ki bay manje bon gou. Ayisyen itilize siv anpil nan manje, men li pa bon pou moun manje anpil siv lè moun nan kòmanse granmoun.

Nenpòt bagay ki gen rapò avèk yon sitwayen yon peyi tankou vote, ale nan lagè, patisipe nan jiri e latriye.

Tout moun ki pa oblije mete inifòm sou yo pou abiye, fè travay yo, patisipe nan yon òganizasyon. Moun ki pa lye avèk yon gwoup militè.

Kontinye viv malgre tout danje, tribilasyon ki te kapab kòz lanmò.

Nenpòt likid ki gen anpil sik nan li. Likid syantis nan branch medikal yo prepare pou kèk maladi tankou grip. Nenpòt bagay ki dous anpil. Siwo Myèl, Yon siwo myèl mete nan lasi yo epi moun separe lasi a avèk siwo a.

Fwote yon bagay sèch sou fas yon bagay ki gen yon likid pou retire likid la sou fas bagay sa a. Pase yon bagay tankou papye, twal sou pati nan yon bagay ki gen pousyè pou netwaye li, retire pousyè yo.

Travay yon moun ki ekri non li anba yon ekriti pou fè nenpòt moun ki ap li tèks sa a konnen ki moun ki te ekri li, menmsi non moun ki anba tèks la pate ekri tèks la, li aksepte pran tout responsablite tèks la lè li siyen anba li. Anpil moun chache envante yon senbòl yo panse lòt moun pa kapab imite pou ranplase non yo nan sitiyasyon konsa.

Yon matla ki gen resò an fè e eponj sou tèt resò yo pou pèmèt matla a fè resò lè moun kouche sou li. Tout kote kò moun nan fè vant matla ap pouse eponj pou sipòte pati sa a nan kò moun nan.

Somèy: Dòmi. Eta kote yon pa konnen anyen ki ap pase sou kote e li kapab fè rèv. Somèy prèske menm jan avèk lanmò. Yon moun ki sou kapab rantre nan yon somèy ki pre lanmò anpil paske li difisil pou moun sa a reveye.

Nenpòt bagay zòrèy kapab tande.

Eta yon bagay ki fè yon gwo son ki twò fò pou moun koute. Son yon klòch fè.

Vyann moulen ki ranje nan yon moso trip, nan kèk ti sak ki prepare avèk materyèl ki gen prèske menm gou avèk trip bèt. Sosis kapab long anpil, men machann koupe yo nenpòt longè moun ki ap achte yo vle machann nan koupe yo. Gen sosis ki fèt avèk vyann anpil diferan bèt.

Gwoup moun ki antann yo pou yo viv ansanm; konsa yo fè lwa pou esplike dwa avèk devwa chak moun. chak moun fèt pou konnen kijan pou yo konpòte yo pou pyès moun pa anniye moun ki ap viv sou kote yo. Kapab gen plizyè sosyete nan yon peyi, men nòmalman yon peyi se yon sosyete.

Kite andedan yon bagay epi ale. Sib chemen pou ale deyò yon bagay tankou yon kay. Aksyon yon moun ki pran wout ale kite yon espas fèmen, andedan yon bagay kote li te ye tankou dlo.

Okipe pozisyon anlè yon bagay, men toupre bagay la e kèk fwa kole anlè bagay la. Bwè bwason ki gen alkòl nan li e ki fè moun nan pèdi ekilib mache li. Yon moun ki sou pa gen bon konsyans e li pale anpil. Sou Do, Yon langaj moun itilize pou di yo ap pote yon bagay, yon responsablite sou do yo.

Yon peyi nan lès e mitan kontinan afriken an. Kapital peyi sa rele Katoum.

Sous lavi. Yon bagay envizib nan kò moun ki kenbe li nan lavi. Yon pwodui chimik lè li boule ki disparèt e ki pa men kite sann. Yon pati andedan kèk bèt. Souf kapab evapore nan dife.

Eta yon moun ki ap soufri. Yon soufrans kapab fizik, imajinè e latriye. Doulè.

Eta yon moun ki santi yon pati nan kò li tankou men li, pye li, pozisyon yon pò ap fè li mal. Lè se kè yon moun ki ap fè li mal soufrans moun nan kapab imajinè paske nenpòt pati nan kò yon moun kapab transmèt yon doulè, menmsi li pa vrè bay kè moun nan. Moun ki pè pou li pa gen yon maladi kapab santi li vini gen maladi a.

Eta yon moun soufrans li, doulè li pase. Eta yon moun ki sispann soufri. Jan yon moun santi li lè responsablite li te genyen soti sou do li, ale kite li.

Bagay moun itilize pou retire doulè, soufrans, chay ki te sou do yo.

Pase yon liy anba yon bagay tankou yon mo nan yon tèks.

Yon bagay moun itilize pou kouvri pati anba nan pye yo pou li pa touche atè e evite frape pati sa a ki enpòtan anpil pou yo mache. Gen plizyè diferan soulye: kèk nan yo kout, kèk nan yo wo e yo kouvri plis pati nan pye moun pou pwoteje li plis.

Yon repa tankou labouyi, banana, avwán ayisyen manje lannwit anvan yo ale kouche pou nwit la.

Yon bagay ki sanble avèk sosis machann vyann ki vann vyann kochon prepare. Li bay manje bon gou. Machann sa yo prann trip kochon apre yo fini touye li, yo prepare epis pou mete nan li, yo melanje li avèk kèk ti moso vyann avèk trip ki pi piti yo pou mete andedan yon branch trip ki pi gwo. Malgre soupoudre a pa andedan refrijeratè pou konsève, ayisyen panse li pi bon e tout tan li pi santi anpil ayisyen pi renmen li nan manje.

Yon ti bèt tèt koupe avèk rat ki gen ke long, fèy zòrèy kanpe, bouch long. Li renmen viv nan tou tè e li renmen anpil nan manje moun renmen yo. Syantis nan branch medikal yo itilize ti bèt sa a pou eseye medikaman anvan yo bay moun li paske konstitisyon kò moun menm jan avèk kò li. Yonn nan senk pati yon òdinatè operatè a itilize pou chwazi yon bagay sou ekran an epi kòmande òdinatè a. Moun deplase li menm jan avèk yon sourit ki ap mache.

Premye kote yon bagay soti. Rasin, orijin yon bagay. Tou kote dlo ki fòme yon rivyè soti. Tout rivyè soti nan yon sous.

Mete pwent yon bagay andedan bouch pou rale yon likid ki andedan li tou dousman. Mete pwent yon bagay, yon bagay nan bouch epi fè tankou li gen likid andedan li ki ap soti tou dousman pandan krache ap mouye bagay la.

Yon ti liy cheve ki anlè je moun, men li pa cheve. chak moun gen sousi sou tou de je li. Eta yon moun ki santi li gen yon responsablite sou do li.

Yonn nan kat operasyon aritmetik yo: adisyon, soustraksyon, miltiplikasyon, divizyon. Soustraksyon de nan kat ap bay de (4 - 2 = 2).

Eta yon bagay repetisyon li fèt avèk rapidite. Mè yo priye pi souvan pase tout relijye.

Yonn nan plizyè milyon ti bèt ki nan dechay yo gason, yon mal bèt. Lè yon spèmatozoyid rankontre avèk yon ovil andedan yon fi, li fòme yon ze ki ap ale vini yon timoun.

Spò: Anpil disiplin kote moun sib kèk prensip pandan yo ap fè egzèsis pou ogmante enèji nan manm kò yo. Moun fè spò anpil pou ede yo kontinye jwe anpil jwèt tankou foubòl, volebòl, bezbòl e latriye.

Eta yon moun ki fè spò. Nenpòt bagay ki gen rapò avèk spò.

Jan yon moun ye, jan li abiye, jan li fè tout bagay li konnen fè. Mwayen yon moun itilize pou li fè yon bagay.

Gade sib.

Yon konpayi machin Japonè.

Swasantyèm nonb pozitif la. 60. San-ven divize pa de. Senkant plis dis. Swasant Dis, Swansant-dizyèm nonb pozitif la. 70. Senkant plis ven. San mwens trant. San-karant divize pa de.

Eta yon moun ki rete anpil nan solèy, ki ap fè anpil egzèsis avèk kò li epi yon likid sale vini ap soti nan pò nan kò li. Eta yon moun ki kanpe devan yon odyans pou premye nan lavi li epi, menmsi likid sale pa ap soti nan pò li yo, li santi likid la ap soti.

Yon peyi nan kontinan Ewòp la, nan nò-lwès Nòvèj e ki gen yon konstitisyon tankou tout peyi kote ki gen wa yo. Kapital li rele Stokòlm e lang moun nan peyi sa rele Swis tou.

Konesans ki chita sou reyalite. Yon branch konesans byen defini. Konesans sou lwa lanati. Tout kò ki pre fas tè a ap toujou tonbe sou li; sa a a se yon lwa lanati ki rele gravite.

Tout bagay ki gen rapò avèk syans. Travay yon syantis tankou yon rechèch.

Syèk: Yon kantite san ane ki pase. San ane.

Syèl: Espas vid moun kapab wè anlè a kote zetwal, lalin avèk tout lòt planèt yo ye.

Sèch: Eta yon bagay ki pa gen pyès dlo nan li.

Sèjan: Yon grad nan yon gwoup militè ki gen plis pouvwa pase yon kaporal. Yon sèjan kèk fwa responsab pou antrene moun ki ap rantre nan yon kò militè.

Sèl: Yon materyèl ki gen nan lanmè e moun retire li nan lanmè, netwaye li pou yo kapab itilize nan preparasyon manje, fonn nèj avèk glas nan peyi ki fè frèt yo. Sèl gen yon eleman chimik ki rele sodyòm nan li. Yon bagay ki gen fòm do bèt tankou cheval e ki pèmèt moun, ki antrene pou sa, chita sou do yon bèt san li pa tonbe.

Sèt: Setyèm chif nan nonb pozitif yo. 7. Katòz divize pa de. Dis mwens twa. Sis plis en.

Sètifika: Yon moso papye avèk ekriti sou li ki montre yon moun te etidye nan yon lekòl e li te fini etid la pou kantite tan nesesè a. Dènye klas nan lekòl primè nan peyi Ayiti.

Yon moun ki ap sèvi lòt moun. Yon moun ki gen pou djòb netwaye, fè manje, lave e pase rad pou tout moun ki ap viv nan kay la.

Sèvi: Fè travay yon moun pou li san touche pou sa. Fè yon travay pou yon moun. Travay yon moun ki bay yon lòt moun bagay pou li bwè, manje pandan moun sa andedan kay li.

Sèvis: Aksyon yon moun ki sèvi yon lòt moun. Aksyon yon moun ki fè yon travay, yon lòt moun te gen pou li fè, san li pa touche pou sa.

Yon moun ki itilize yon moso tan, tout tan nan lavi li pou sèvi lòt moun. Yon moun, yon bagay ki ap sèvi moun. Yon gwo òdinatè ki gen anpil lòt ti òdinatè ploge sou li pou pèmèt tout ti òdinatè sa yo itilize resous, tankou pwogram avèk memwa, gwo òdinatè a gen sou li.

Sèvyèt: Yon moso twal ki kapab resevwa anpil dlo anvan li kòmanse mouye e moun itilize twal sa a pou siye kò yo lè yo fini benyen, pou siye nenpòt pati nan kò. Gen gwo sèvyèt e gen ti sèvyèt pou tout pati nan kò moun.

Sèz: Disetyèm nonb pozitif ki gen de chif nan li: en (1) avèk sis (6). 16.

Sòl: Yonn nan sèt nòt mizik yo: do, re, mi, fa, sòl, la, si.

Sòs: Manje likid moun fè pou yo mete sou lòt manje ki di pou ede manje di sa yo desann pi fasil nan gòj. Sòs ogmante gou manje di yo ki pa kapab kenbe bon gou pou anpil tan menm jan avèk sòs.

Sòt: Eta yon moun entelijans li pa devlope, ki pa gen menm konesans moun ki gen menm laj avèk li genyen.

T: Diznevyèm lèt nan alfabèt lang Kreyòl la. Li pwononse menm jan avèk mo, te, ki vle di fèy bouyi nan dlo epi ki sikre ou byen sele pou moun bwè.

Yon moso planch rektang, kare ou byen kèk lòt materyèl ki kanpe sou yonn ou byen plizyè pye kote moun manje, jwe kat e latriye. Yon fason pou di de ou plis moun pa depase lòt la nan nivo, wotè.

Yon moso materyèl ki kole nan yon mi ou byen mi an menm ki prepare yon fason pou lakrè kapab ekri sou li. Yon desen ki fèt sou yon materyèl di tankou yon mi e desinatè a fè li avèk penti. Penti.

Pwent anba fèy yon pye palmis. Peyizan ayisyen itilize tach pou kouvri kay, fè kayèt.

Bwason ki gen alkòl nan li e ki fè moun sou. Gen plizyè tafya tankou kleren, byè, wiski, wonm e latriye. chak bwason gen plis alkòl pase yon lòt.

Tafyatè: Moun ki bwè tafya san kontwole kantite yo ap bwè e san chwazi lè e kote pou yo bwè. Moun ki kapab bwè anpil tafya san li pa sou. Lè yon moun bwè tafya ajen, li fè li sou pi vit pase si li te manje anvan li bwè. Yon tafyatè kapab bwè tafya li nenpòt lè nan yon jounen, menm nan maten.

Yon vwati piblik ki pran pasaje yon kote epi ale depoze yo yon lòt kote epi yo peye chofè a kòb. Gen de gwoup taksi: yon gwoup pote yon sèl moun ou byen plizyè moun ki konnen yonn avèk lòt e lòt gwoup la pote plizyè moun menmsi yonn pa konnen lòt. Premye gwoup la fèt pou moun ki pa vle monte yon machin avèk moun yon pa konnen e se diferan pou dezyèm gwoup la.

Yon pati nan yon soulye ki fè pwent dèyè soulye a pi wo pase devan soulye a. Talon soulye fi yo kapab long anpil e li fè dèyè soulye sa yo wo anpil.

Lè. Yon kantite lè, jou, mwa, ane e latriye ki pase. Yon epòk ki pase. Eta tanperati ye. Tan Lontan, Yon kantite tan ki te pase, men gen anpil tan depi tan sa a te pase.

Yon enstriman mizikal ki fèt avèk yon moso bwa tankou yon mamit, yon twons bwa. Li kouvri avèk yon moso po bèt ou byen yon materyèl ki kapab tranble menm jan avèk po bèt nan yon pwent. Lòt pwent la rete san kouvri pou kite son pase. Mizisyen, gwoup mizikal nan tout peyi itilize tanbou nan mizik yo. Fòm tanbou a kapab chanje soti nan yon peyi pou ale nan yon lòt, men tout jwe menm wòl la.

Mizisyen ki renmen bat tanbou, se sèl enstriman sa li konnen jwe e li jwe li byen anpil. Li difisil pou jwenn yon lòt moun ki bat tanbou tankou yon tanbourinè paske se djòb li, pwofesyon li.

Tanbouyè: Yon moun ki konnen bat tanbou, men bat tanbou se yon bagay li fè pou yon okazyon. Bat tanbou pa pwofesyon yon tanbouyè. Li fasil pou ranplase yon tanbouyè paske prèske nenpòt lòt moun kapab bat tanbou menm jan avèk li.

Direksyon, pozisyon yon moun, yon bagay gen entansyon ale, pran. Si pa gen yon rezon ki pi enpòtan pase rezon moun nan, bagay la deja genyen pou li ale nan direksyon sa a li ap kontinye ale.

Pati andedan zòrèy yon moun ki ede li idantifye son. Tande son san bay son sa enpòtans ou byen kenbe li nan yonn nan twa memwa yo.

Yon machin gèrye itilize pou ale nan lagè e machin sa a itilize chèn pou li deplase. Li pote kanno, li tire kanno e bal ti zam pa kapab rantre andedan li pou touye moun li ap pote yo. Yon bwat an metal ki kenbe gaz pou motè yon machin brile, rezèvwa.

Travay moun ki rete ap gade pou wè ki kote yon bagay ap soti pou li rive jwenn moun ki rete ap gade a.

chanjman nan lanati ki kapab fè moun cho, frèt ou byen nan mitan yo de a, ant cho e frèt. Nan peyi twopikal yo tanperati a toujou nan mitan chalè avèk fredi. Nan peyi tankou Etazini, gen twa tanperati yonn frèt anpil, yonn cho anpil, yon lòt ant cho avèk frèt.

Sè manman, sè papa yon lòt moun. Yon ti kay moun fè pou pase yon ti tan kout nan yon zòn.

Sa yon bagay ki devan je yon moun fè li santi andedan li ki kapab fè moun nan aji yon fason ou byen yon lòt fason. Yon bagay yon moun eseye fè e li pa rive fè bagay la jan li te dwe fèt la.

Yon ti zwazo ki fè yon ti bri tankou li ap di non li tanzantan: tchit! tchit! …

Fèy bouyi nan dlo epi ki sikre ou byen sele pou moun bwè.

Premye e sèl konpayi telefòn nan peyi Ayiti pandan anpil ane pou jis lè kèk ti konpayi kòmanse rantre nan peyi a, nan finisman ane katreven-dis yo. Konpayi sa a te gen monopòl tele-kominikasyon nan peyi a e li pate kapab reponn a bezwen telefòn moun nan peyi a.

Itilize yon aparèy telefòn pou kominike avèk yon moun nan yon lòt kay, yon lòt peyi. Fè nimewo telefòn yon moun pou kominike avèk li.

Telefòn: Yon mwayen kominikasyon ki pèmèt de ou plis moun kominike de lwen depi yo gen yon aparèy telefòn ki lye avèk yonn nan santral telefonik yon konpayi ki bay sèvis telefonik. Nan kòmansman evolisyon telefòn konpayi yo te konnen itilize fil sèlman pou lye chak aparèy nan yon kay avèk santral la. Nan dezyèm pati ventyèm syèk la, te vini gen aparèy telefòn san fil ki sèvi tankou jan gwo santral yo te konnen pèmèt moun nan yon peyi kominike avèk lòt moun nan lòt peyi.

Yon ti aparèy moun gen andedan kay ki bay son ansanm avèk imaj; konsa moun kapab wè moun sou ekran ti aparèy la. Yon gwo aparèy ki voye imaj avèk son nan yon ti aparèy; konsa moun ki ap travay kote gwo aparèy sa yo ye a kapab voye nenpòt imaj tankou sinema nan ti aparèy yo, nan kay moun. Tout sa ki fèt nan radyo kapab fèt nan televizyon, men nan televizyon moun pa tande sèlman; yo kapab wè sa yo tande a. Gwo aparèy televizyon yo itilize ond ki bezwen antèn pou kominike avèk ti aparèy ki resevwa son avèk imaj yo. Gwo aparèy yo itilize kamera pou sous son avèk imaj. Kamera kapab pran son avèk imaj yo nenpòt kote epi ale transmèt yo bay gwo aparèy la ki ap ale itilize antèn pou voye son ansanm avèk imaj nan lespas kote ti aparèy yo jwenn son avèk imaj sa yo pou mete sou ekran yo.

Pawòl yon moun ap di de yon bagay li te wè avèk je li. Yon diskou fidèl nan yon legliz bay pou fè konnen kijan Bonbye te bon pou li nan yon bèl moman nan lavi li.

Bay yon temwayaj. chita sou yon chèz nan yon jijman pou pale de yon aksyon tankou yon krim yon moun te fè pou ede yon avoka defann yon lòt moun.

Yon moun ki te wè lè yon bagay te ap pase. Yon moun yon bagay te pase devan li e li kapab ede mete yon kriminèl nan prizon paske li se pi bon moun ki kapab pale de sa ki te pase a.

Yon soulye ki fèt avèk plastik e twal, ki fè pye moun dous. Se soulye sa jwè anpil jwèt spòtif itilize paske li pa ap peze pye yo. Yon jwèt ki gen de ekip, men chak ekip yo gen yonn ou byen de moun nan yo. chak ekip kanpe nan yon bò yon filè avèk yon rakèt nan men yo pou frape sou yon ti boul. chak fwa yon ekip kite lòt ekip la frape boul la yonn a de fwa nan bò teren pa li a, lòt ekip la make pwen an plis sou li.

Bagay ki pa gen pyès valè, ki pa kapab vann pou lajan paske pa gen moun ki ap bay kòb pou li. Yon tenten pa kapab itilize pou fè anyen. Mo moun itilize pou di yon moun li pa gen pyès valè.

Nenpòt bagay ki gen rapò avèk yon teritwa.

Yon espas tè avèk fontyè ki gen yon chèf ki ap gouvène li avèk tout sa ki nan li.

Pati nan kò moun ki sanble avèk yon bouton ki sou lestomak moun nan. Pati nan kò yon fi ki gwosi lè li ap fòme e ki fè lèt lè li nouris. Fi santi yo byen lè yon gason, ki mennaj yo, mari yo ap manyen tete yo.

Yon pati nan yon bibwon ki fèt an plastik pou rantre nan bouch yon bebe san li pa fè ti bebe a mal lè bebe a peze sou li pou vale nouriti a.

Pèfòmans plizyè aktè sou yon sèn pandan odyans la ap gade yo dirèkteman. Pèfòmans plizyè aktè sou yon sèl sèn ki gen chanjman pou fè li sanble avèk plizyè sèn diferan, men ki anrejistre sou yon band-mayetik.

Gade Tomasik.

Eta yon bagay kantite li pa anpil, gwosè li pa gwo anpil, yon bagay ki poko grandi pou rive nan wotè nòmal li.

Moman nan karès de moun pandan yonn ap souse koko ou byen zozo lòt moun nan.

Non yon lwa gason ki konnen itilize kò bòkò pou kominike avèk pitit fèy li yo.

Yon kantite bagay yon moun ap mande ou byen li ap bay, men li pa vle resevwa, bay yon gwo kantite nan li.

Tikè: Jan yon moun rele mennaj li pou montre mennaj la li enpòtan pou li tankou kè li. Yon moso papye yon moun resevwa ki bay li yon otorizasyon pou yon kòb li peye yon moun, yon konpayi.

Yon karaktè nan lejand ayisyen ki toujou parèt pou pi entelijan pase Bouki lè li konfwonte Bouki, yon lejand tou.

Tanperaman yon moun ki renmen rete pou kont li paske li pa renmen rete menm kote avèk lòt moun. Eta yon moun ki pa kapab gade moun nan je, menm lè li ap pale avèk yon moun. Timoun ki grandi avèk granmoun ki toujou ap entimide yo kapab grandi timid e mwen entelijan tou.

Eta yon moun ki timid.

Yon moun ki ap viv lakay manman li avèk papa li paske li poko kapab responsab tèt li. Yon moun ki poko gen dizuit ane, ki pa kapab vote nan yon eleksyon, ki poko fè pitit e sosyete a ap difisil pou aksepte li deja fè pitit. Moun ki sou responsablite paran yo.

Tinèl: Yon tou anba tè ki kòmanse yon kote pou mennen moun yon lòt kote. Yon tinèl kapab pase anba yon rivyè e machin kapab itilize li pou travèse rivyè sa a.

Pati nan yon bagay ki fè moun konprann pi byen kisa bagay la ye, aksyon yon moun ki fè konnen pi byen ki moun moun nan ye.

Eta yon moun ki resevwa yon bagay nan yon bagay li ap fè tankou li yon liv. Rale yon bagay vini nan yon direksyon. Mete yon zam tankou yon revolvè dwat sou yon bagay, yon moun epi rale gajdèt la.

Yonn nan vil ki pi ansyen nan peyi Ayiti kote ki te gen yon gwo kay ki te gen 365 pòt. Kay sa a fini kraze, men mi yo toujou la. Kay sa se te palè yon prezidan ayisyen.

Yon non ki dekri pozisyon yon moun okipe san li pa dekri moun nan. Gen anpil tit tankou, majistra, kontab, prezidan e latriye.

Yon bato ki te soti nan peyi Angletè epi li te ap ale nan peyi Etazini epi li fè aksidan e prèske tout moun ki te nan bato sa a te mouri. Bato a te gen 2220 moun nan li ki te soti nan Peyi Angletè, men 1513 te mouri nan aksidan an. Yon sinema sou aksidan bato ki te rele Titanic la ki te soti nan ane 1999. Aksidan bato a te pase nan ane 1912. Malgre moun ki te fè bato sa a te di li pa gen dwa janm fè aksidan, sou premye vwayaj li, bato a te koule anba lanmè. Titanic se yon mize li ye konnye a kote moun kapab ale vizite li anba lanmè a.

Yon jwèt ki jwe avèk twa ou byen dis pyon. Nan jwèt sa, moun pyon li yo fini anvan pèdi pati a. Pou yon jwè pèdi yon pyon fò li gen yon pyon an fas pyon lòt jwè a e gen yon plas dèyè pyon pa li a pou pyon lòt jwè a travèse ale.

Yon pou majik bòkò prepare pou yon fi ou byen yon gason pou li bay yon lòt moun nan manje avèk espwa moun sa ap vini renmen li. Poud sa pa touye moun ki manje li a vit, men li touye moun ki manje li a tou dousman avèk doulè vant, vomisman e latriye.

Yon bwat ki gen senk kwen. Fas anlè a, ki te ap sizyèm kwen an pa kouvri; konsa bwat sa a kapab rantre nan yon tou pou moun rale li, mete bagay nan li epi pouse li rantre nan tou sa a ankò.

Nenpòt bagay tankou yon moso fè long ki gen yon kanal andedan li pou likid pase avèk anpil lòt bagay pase pou ale jis kote dènye pwent bagay sa a rive.

Tizán: Yon medikaman ayisyen prepare avèk fèy, rasin, po kèk fri tankou zoranj-sirèt e latriye.

Yon vil nan Depatman Sant la ki toupre fontyè Dominikani an avèk Ayiti. Moun nan zòn sa konnen ale achte sa yo bezwen nan peyi vwazen an. Thomassique.

Yon grenn yon ti plant donnen. Li gen koulè vè lè li vèt e li gen koulè wouj lè li mi. Grenn sa gen likid avèk ti grenn nan plizyè chanm ki andedan li. Moun manje tomat nan salad e nan anpil lòt manje tankou konfiti-tomat.

Yon vil nan Depatman Sant la e sou Wout Nasyonal Nimewo Twa a. Se dènye vil anvan yon moun rive nan kapital depatman an, Ench. Thomonde.

Jan yon moun chwazi pou li pale, chante tankou wotè vwa li, vitès li ap di mo yo e chanjman nan wotè vwa li.

Soti anlè pou rive atè avèk libète. Lè yon bagay ap tonbe gravite rale li desann vit. Trip bèt moun manje yo ayisyen bouyon avèk li.

Yon manje moun Jeremi fè avèk lamveritab. Yo bouyi gonbo a ansanm avèk lamveritab la. Lè tout bagay fini kwit, yo mitonnen yo ansanm epi yo mete enpe dlo - nan dlo ki te bouyi lamveritab la avèk gonbo a - nan lamveritab la avèk gonbo a pou yo pa rete twò di. Tonmtonm nan bon pou manje.

Tonnè: Pati nan yon loray ki gen anpil elektrisite mache avèk li. Loray. Bagay kèk ayisyen konnen rele pou touye yo, nan sèman, si yon moun pa vle kwè yon pawòl yo di.

Frè manman, frè papa yon moun. Mo anpil jèn ayisyen itilize pou rele yon moun ki pi gran pase yo; konsa yo kwè yo bay moun nan anpil respè pou moun sa. Moun sa a pa frè manman yo ou byen papa yo.

Yon ouvèti nan yon bagay ki pa nòmal nan fòm bagay sa. Kote yon moso soti nan yon bagay.

Resevwa lajan pou yon travay apre kontra, kòmansman, finisman yon travay. Kole yon pati nan yon kò sou menm kò a, sou yon lòt kò. Travay yon doktè fèy lè li ap pase men li sou tout kò yon malad pou jwenn kote yon maladi ye, pou preskri medikaman pou maladi a. Manyen.

Eta yon èt vivan lè pa kapab rantre e soti andedan li pou jis li mouri.

Eta yon moun ki gen anpil bagay ki ap pase nan lespri li epi bagay sa yo fè moun nan pa konnen ki bagay pou li fè anvan nan tout sa li gen pou li fè. Yon moun ki kòmanse pèdi konsyans anvan li vini fou.

Yon moso fè ki gen fòm tèt vis e moun itilize li pou ede moun kenbe yon vis pou vise li nan yon bagay. Tounvis Plat, Yon tounvis ki gen fòm pou li rantre nan tèt vis ki gen yon ti tras nan tèt yo. Tounvis Etwal, Yon tounvis ki kapab rantre nan tèt vis ki gen yon ti kwa nan tèt yo.

Eta yon bagay ki pa lwen yon lòt bagay. Toupre se yon konsepsyon, li pa reprezante menm distans la pou tout moun. Sa ki lwen nan yon sitiyasyon kapab pre nan yon lòt sitiyasyon. Eta yon bagay ki prèske rive tankou yon nouvèl, yon mesaj.

Eta yon bagay ki te long epi yon moun pliye pou li vini kout epi li vini gen pli. Yon bri ki soti tanzantan nan gòj yon moun ki gripe.

Kantite yon bagay, yon gwoup san retire nan bagay la, gwoup la.

Toutrèl: Yonn nan twa bèl zwazo ki sanble anpil yo: ranmye, tòt.

Retire lavi nan yon èt vivan. Fè bagay ki kòz yon moun, nenpòt lòt bagay mouri.

Yon mak machin yon konpayi Japonè fè. Se yon machin ki dire anpil tan. Toyota fè tout gwosè machin.

Eta bagay ki ap avanse nan yon direksyon, plizyè direksyon tankou anpil moun nan yon ri, machin sou yon wout.

Difikilte moun rankontre pou yo fè yon travay, nenpòt bagay. Bagay ki reprezante yon pwoblèm.

Eta yon bagay ki ap souke tankou gen yon gwo van ki ap souke li. Eta yon moun ki pè yon bagay, yon moun.

Yon moso ki koupe soti nan yon bagay moun kapab manje.

Koupe tranch nan yon bagay. Yon moso bagay ki te koupe soti nan yon bagay tankou yon moso kasav, yon moso pen e latriye.

Aksyon dlo tankou lapli lè li tonbe sou yon bagay epi dlo a mouye bagay la, rantre nan li. Eta yon bagay, yon moun ki rantre nan mitan dlo epi li rete nan dlo a pandan lontan.

Fòse, pran yon bagay epi mete li yon lòt kote, nan yon lòt pozisyon. Fòse, fè yon moun ale yon lòt kote. Retire yon moun nan yon djòb, yon travay epi mete li nan yon lòt travay pandan li toujou ap travay pou menm patwon an.

Trantyèm nonb nan nonb pozitif yo. Twa miltipliye pa dis. Dis plis dis, plis dis ankò. 30. Ven plis dis.

Nenpòt bagay yon moun fè ki itil nenpòt sosyete sou tè a. Kontribisyon yon moun bay pou yon bagay rive fèt nan yon biznis, yon òganizasyon e nenpòt lòt kote moun nan ye.

Travayè: Moun ki ap travay, ki gen kouray pou travay e ki renmen travay.

Pwoblèm yon moun rankontre nan yon travay li ap fè epi moun sa dekouraje lè li rankontre avèk pwoblèm nan. Pwoblèm yon moun genyen e li ap rakonte lòt moun li paske li panse pwoblèm nan twòp pou li.

Yon machin ki long anpil e ki deplase sèlman sou ray. Yon tren sanble avèk yon koulèv ki ap trennen sou vant li paske wou li yon kache. Tren kapab pote anpil moun, anpil chay tankou vwati avèk kamyon.

Deplase soti nan lavi. Moman lè yon moun ap pèdi tout fòs ki te disponib andedan li pou li kapab mouri. Anpil moun gen yon gwo òkèt ki diminye piti piti pou jis moun nan mouri epi òkèt la disparèt.

Aksyon plizyè bagay tankou twa branch fil, cheve ki ap deplase soti a dwat epi ale a goch san rete pandan yonn ap rantre nan lòt la.

Etap yon moun pase anvan maladi li rive trete, geri. Jan yon moun viv avèk yon lòt moun.

Pwoblèm moun genyen e ki sanble yo pa ap janm rezoud. Moun ki gen pwoblèm konsa ap vini abitye avèk li tankou li pa yon vrè pwoblèm pou moun nan.

Yon kay leta kote jijman fèt. Kote yon jij, yon jiri, de avoka ou plis, avèk yon gwoup moun reyini pou fè yon jijman. Tout moun sa yo pa oblije patisipe nan yon jijman, men lè yo tout la gen mwens chans pou gen magouy fèt nan jijman an.

Tiyo vyann moun avèk anpil lòt bèt gen andedan vant yo kote manje gen pou yo pase anvan yo ale nan poupou. Manje ki pa ale nan poupou yo ap rete andedan vant moun nan ou byen bèt la, nan kèk trip, anvan yo rantre nan vyann kò a.

Koze yon moun pale, di sou lòt moun epi bagay sa yo pa vrè.

Tripòt: Yon moun ki renmen pale, di bagay ki pa vrè sou lòt moun.

Très: chak branch nan yon bagay ki trese. chak gwo branch cheve nan tèt yon moun ki gen twa ti gwoup cheve.

Trèz: Katriyèm nonb nan nonb pozitif yo ki gen de chif nan li: en (1) avèk twa (3). 13.

Katriyèm chif nan nonb pozitif yo. Sis divize pa de. De plis en. 3.

Yon materyèl koutiryè avèk tayè itilize pou fè rad. Pwodiktè ki fè twal yo te konnen itilize fil pou fè twal. Konnye a yo fè twal avèk anpil lòt bagay, menm avèk likid tankou lèt bèf.

Twalèt: Yon chanm nan yon kay kote moun benyen, lave yonn ou plizyè pati nan kò yo. Gen twalèt ki gen kote pou moun poupou e bwose dan yo.

Yon jwèt ki jwe avèk ventsuit fèy kat. Nan jwèt sa, nimewo sèt la pi piti pase tout kat yo e las la pi gwo pase tout kat yo. Soti nan pi piti a pou rive nan pi gwo a, men non tout kat yo: sèt, uit, nèf, dis, onz (J), douz (Q), trèz (K), las (A). Lè plizyè moun ap jwe pi gwo kat yo bay moun ki genyen yo a dwa pou pran kat ki pi piti yo atè a.

Yon moso bwa byen mezire ki koupe soti nan yon pye bwa. Yon pye bwa kapab genyen plizè twons nan li.

Twòp: Kantite ki an plis la nan yon bagay. Diferans ki genyen ant kantite yon bagay te dwe ye avèk kantite bagay la ye.

Tèks: Konbinezon plizyè mo ki fòme plizyè fraz lektè kapab li epi yo ap konprann sa ekriven an te vle di a. Yonn, plizyè paragraf ki rasanble ansanm. Yon liv.

Tèt: Pati ki pi wo nan yon bagay. Pati kote bouch, je, nen e zòrèy yon èt vivan tankou moun ye. Premye gwoup moun ki kanpe nan yon liy moun. Tèt Anba, Pran yon moun, yon bagay epi mete pati anlè a anba epi mete pati anba anlè. Tèt Kale, Eta tèt yon moun ki koupe tout cheve nan tèt li. Eta yon moun tout cheve nan tèt li rache lè li soufri yon maladi tankou kansè. Eta yon gason ki pèdi tout cheve nan tèt li paske li ap rantre nan laj.

Tòt: Yonn nan twa zwazo ki sanble anpil: toutrèl, ranmye.

Tòti: Yon bèt ki viv nan dlo, ki kapab viv dèyò dlo pandan anpil tan tou e ki mache dousman anpil. Eta pa yon moun ki mache dousman.

Yon bagay ki gen yon tou nan li pou yon moun, yon bèt rale likid ki andedan li. Travay yon moun ki kraze yon mango epi fè yon ti tou nan pwent li pou rale ji mango a.

U: Ventyèm lèt nan alfabèt lang Kreyòl la.

Gade Yuit.

Uityèm: Gade Yuityèm.

V: Venteinyèm lèt nan alfabèt lang Kreyòl la.

Eta yon bagay ki pa fasil pou konpran paske chak moun kapab konprann li nan fason pa yo e fason yon moun konprann li a pa menm jan yon lòt moun konprann li. Eta yon moun ki pa bay pyès bagay valè, menm lavi. Pati nan yon kantite dlo tankou lanmè, rivyè ki chita yon kote epi van ap pouse li ale sou tè ki sou kote dlo sa a.

Medikaman doktè bay moun pou prepare kò moun nan kont maladi yo konnen moun nan ap genyen kanmenm si li pa pran medikaman sa a. Gen de maladi moun toujou pran vaksen pou yo: tibèkiloz avèk polyo.

Bay yon moun yon vaksen pou prepare moun nan kont yon maladi ki toujou atake tou moun nan lavi yo kanmenm.

Mennaj gason, mari yon fi, yon gason ki pase jou katòz Fevriye nan yon ane renmen, marye, plase avèk yon fi.

Mennaj fi, madanm yon gason, yon fi ki pase jou katòz Fevriye nan yon ane renmen, marye, plase avèk yon gason.

Mete yon bagay tankou manje, dlo nan bouch epi kite li desann nan gòj. Aksyon yon gwo bagay ki kite yon ti bagay rantre andedan li.

Mouvman envizib ki fèt nan lanati ki gen anpil fòs pou deplase, souke, kraze nenpòt bagay. Fòs van depann de vitès van an. Yon van kapab kouri soti nan vitès zewo pou rive nan vitès san-swasant kilomèt pou chak inèdtan e menm plis. Lè sa a, van vini rele siklòn.

Sizyèm jou nan yon semèn, senkyèm e dènye jou travay nan yon semèn. Vandredi Sen, Yon jou tout relijye kwè Jezi Kris te mouri apre anpil tribilasyon anba men Jwif yo. Jou moun nan legliz katolik yo selebre lanmò Jezi Kris pandan yo ap rekreye moman tribilasyon Jezi te pase anvan li mouri.

Aksyon yon moun ki kite lòt moun pran sa li posede depi moun nan bay kòb pou bagay li pran an. Travay machann ki andedan yon mache. Travay yon fi ki kite gason kouche li pou kòb.

Pati nan kò tout èt vivan kote manje li manje ale rete anvan yo ale nan kèk lòt pati kò a ou byen anvan yo ale nan poupou. Nenpòt bagay ki gen fòm yon bagay plat epi de pwent li wo, men mitan li desann pi ba. Vant Mennen, Yon poupou likid ki soti nan dèyè moun lè yo manje yon manje kò yo pa renmen. Eta yon moun ki pran yon mestin.

Eta yon bagay ki gen fòm vant. Travay van fè lè vitès li plis pase zewo. Pawòl ki soti nan bouch yon moun pou montre li gen plis valè pase valè li genyen tout bon vre.

Vantilatè: Yon aparèy elektwo-mayetik ki gen yon mannivèl ki bay van e van sa kapab cho ou byen frèt paske aparèy sa a bay van nan wotè tanperati toupre kote li ye a.

Yonn nan lèt ki fòme alfabèt lang Kreyòl la. V.

Fèy moun kapab manje paske yo bon nan bouch, yo bon pou sante e yo pa fè moun malad. Moun fè legim avèk anpil vejetab.

Yon machin ki gen de wou tankou bisiklèt, men limenm li gen motè tou. Pou fè motè a kòmanse mache, montè a gen pou li pedale pandan yon kantite tan epi apre sa li sèlman bay gaz pou ogmante vitès velo a.

Ventyèm nonb nan nonb pozitif yo. 20. Dis plis dis. Dis miltipliye pa de. Karant divize pa de.

Tiyo nan kò tout èt vivan ki sèvi tankou yon wout pou san pase. Kè a sèvi tankou yon ponp pou pouse san nan venn yo e rale san ki fini pase nan venn yo tou. Venn De, Venndezyèm nonb nan nonb pozitif yo. Onz miltipliye pa de. 22. Venn Kat, Venkatriyèm nonb nan nonb pozitif yo. Douz miltipliye pa de. 24.

Yon gwoup moun avèk lwa nan tèt yo ki plannen pandan lannwit pou pran plezi yo e si yo rankontre avèk yon moun ki pa nan gwoup yo a yo kapab dechire moun nan, manje li ou byen fè li tounen yon bèt. Yon gwoup lougawou ki vyolan anpil.

Venteinyèm nonb nan nonb pozitif yo. Ven plis en. 21. Kanrant-de divize pa de.

Ventnevyèm nonb nan nonb pozitif yo. Ven plis nèf. Trant mwens en. 29.

Yon pawòl ki vrè, ki gen fondman, ki reyèl. Yon pawòl moun kapab verifye sous li, ki kote li soti.

Eta nenpòt bagay ki pa gen anyen andedan li. Eta yon moun ki sòt, yon fason pou di moun nan pa gen anyen nan tèt li. Eta yon wout ki pa gen pyès trafik sou li.

Yon bagay ki gen yon likid ap soti nan li pou tonbe e moun ki ap sib kapab panse likid la pa ap janm fini tonbe. Eta yon bagay ki tonbe anpil.

Soti anlè pou tonbe anba tankou likid ki ap tonbe. Pran yon resipyan ki gen yon bagay nan li epi mete li tèt anba pou bagay la soti nan li epi tonbe.

Bat yon moun, yon gwoup énmi nan yon batay, nan lagè. Aksyon yon moun ki rezoud yon gwo pwoblèm.

Lavil. Yon kote nan yon peyi ki gen anpil kay rasanble nan yon sèl zòn e gen anpil moun ki ap viv nan zòn sa a.

Soti nan yon distans epi mache nan direksyon pou diminye distans ki te genyen an. Eta yon lide, yon solisyon yon moun jwenn pou li rezoud yon pwoblèm.

Vinèg: Yon melanj piman avèk sitwon ou byen zoranj si. Vinèg sa a pike. Yon preparasyon chimik avèk yon asid ki bon pou mete nan preparasyon vyann pou kwit li.

Yon moso metal ki gen filyè nan yon pwent kote li kapab itilize pou rantre nan lòt bagay tankou yon boulon. Lòt pwent la sèvi tankou baz li, tèt li e boulon an pa kapab pase sou pwent sa a. Nenpòt bagay ki ant baz, tèt vis la avèk boulon an ap ale peze ant yo de a. Vis Prezidan, Dezyèm chèf nan yon peyi, yon konpayi, apre prezidan peyi a, prezidan konpayi a. Se vis-prezidan ki gen dwa ranplase prezidan an lè prezidan kite peyi a, konpayi pou ale yon lòt kote. Lè yon prezidan ap kite peyi li pou ale nan yon lòt peyi, li remèt pouvwa peyi a nan men vis-prezidan an.

Depoze filyè yon boulon sou filyè vis pou vis la rantre nan boulon a; konsa boulon an kapab mache de yon pwent a yon lòt sou vis la.

Vitès: Jan yon bagay deplase soti yon kote pou ale yon lòt kote. Yon pati nan yon machin chofè a ou byen motè machin nan menm kontwole pou ogmante, diminye rapidite machin nan.

Eta yon èt vivan ki kontinye egziste paske li gen souf, sous lavi.

Eta yon bagay ki gen lavi nan li. Eta yon bagay tankou moun ki ap viv.

Eta yon bagay ki egziste nan reyalite e je kapab wè li. Yon bagay ki nan yon pozisyon pou je kapab wè li. Eta yon bagay je kapab wè san itilize aparèy tankou mikwoskòp.

Mwayen pou wè yon bagay. Eta yon bagay ki vizib. Kantite ditans moun bezwen pou wè yon bagay depann de jan tan an ye.

Yon bagay moun kapab wè devan je yo, men bagay sa a pa egziste nan reyalite, tout bon vre. Yon bagay yon moun kapab wè devan je li anvan bagay la vini egziste nan reyalite. Eksperyans yon pwofèt fè kote li resevwa yon mesaj nan men Bondye.

Anvi, obeyisans moun genyen pou fè yon bagay. Volonte.

Yon moun ki pa bay bagay tankou yon rad ki sou li enpòtans. Yon rad ki twò laj sou yon moun ki mete li epi li oblije vlope li pou fè rad la kole sou kò li.

Kantite valè yon bagay lè moun konpare avèk valè yon lòt bagay. Rezon ki fè yon bagay egziste. Kantite lajan moun ki vle achte ap bay pou yon bagay.

Yon gwo seremoni lwa yon bòkò òganize e dirije pandan plizyè jou pou bay lwa yo glwa pou sa yo fè pou tout pitit fèy yo. Tout pitit fèy fèt pou patisipe nan seremoni sa a pou peye yon pati nan dèt yo. Gen plizyè ti seremoni nan yon vodou pou tout moun pran plezi yo. Gen jwèt kat tankou twasèt, jwèt domino, jwèt zo e latriye. Gen bal, konkou, dans-chèz. Nan dènye jou yon vodou gen yon liy pitit fèy ki sib bòkò a ale nan yon kalfou pou remèsye lwa yo epi voye yo ale.

Nenpòt bèt, zwazo ki gen zèl e ki konnen vole.

Soti atè epi ale nan lespas san pandye nan anyen. Mwayen zwazo itilize pou leve kò yo atè epi kenbe kò yo anlè pou ale nenpòt kote yo vle. Soti nan yon pozisyon epi ale tonbe nan yon lòt pozisyon san mache.

Yon jwèt jwè yo jwe avèk yon boul yo ap voye pase anlè yon filè. chak nan de ekip ki ap jwe yo kanpe nan yon bò filè a pou tann lè lòt ekip la voye boul la sou bò pa li a. Yon ekip fè gòl lè lòt ekip la kite boul la tonbe sou bò pa li a, de fwa.

Yon kantite nan yon bagay. Wotè yon son moun ap koute. Yon bouton nan yon aparèy tankou radyo, televizyon ki kontwole wotè son aparèy la ap bay.

Anvi moun genyen pou yo fè yon bagay. Vle. Fòs yon moun genyen pou li kapab fè yon bagay.

Yon moun ki manje anpil manje, ki pa kontwole kantite manje li ap manje e ki kontinye ap mande manje menm lè vant li fini plen.

Pawòl yon pou di yon lòt moun ale e pa janm vini toupre li ankò. Moun di lòt moun vouzan lè li fache avèk moun nan.

Pouse yon bagay nan direksyon anlè pou li ale tonbe yon lòt kote. Aksyon yon gason ki santi li tèlman byen lè zozo li andedan koko yon fi epi li lage dechay andedan koko fi a. Ejakile.

Yon machin ki fèt pou pote moun sèlman, men li pa fèt pou pote anpil chay. Yon vwati gen plas pou pote senk ou byen sis pasaje.

Kite yon zòn, yon plas pou ale nan yon lòt zòn, yon lòt plas. Kite tè a pou ale yon lòt kote. Mouri. Aksyon yon moun ki kite peyi li e ki ale nan yon lòt peyi.

Yon gason ki ap viv sou kote kay yon lòt moun.

Yon fi ki ap viv sou kote kay yon lòt moun.

Pati mou nan kò yon èt vivan, tankou yon kochon, ki kouvri zo yo e ki ant po avèk zo yo.

Eta yon bagay, yon moun ki egziste depi anpil ane. Bagay ki pa bon ankò, ki pa gen valè, ki pa vo anyen. Yon bagay, menmsi li te nan mache ou byen pou vann, moun pate ap bay lajan pou li.

Aksyon yon moun ki aji nan sans kontrè jan li te dwe aji. Aksyon yon gason ki fòse zozo li rantre nan koko yon fi san volonte fi a. Yon gason ki gen plis pase dizuit ane epi ki koupe yon ti fi ki gen mwen pase dizuit ane. Vyole Lalwa, Fè bagay lalwa anpeche sitwayen yon peyi, sitwayen lemond fè.

Yon enstriman mizikal ki gen kat fil nan li pou bay son lè gen yon baton avèk fil nan li ki ap pase sou fil enstriman an. Mizisyen itilize vyolon pou jwe mizik klasik anpil.

Vyolèt: Yon koulè ki sanble avèk koulè woz ki kouvri avèk yon ti kras koulè ble klè. Koulè jansiv kèk moun.

Vèb: Anpil mo nan yon lang moun kapab mete pwonon devan yo pou fè konnen ki moun ki ap fè sa mo a vle di a. Men tout fason yon moun kapab itilize yon vèb tankou, Fè. Yon moun ki ap pale de tèt li kapab di: Mwen fè… Yon moun ki ap pale avèk yon lòt moun, plizyè lòt moun e li pa nan gwoup moun sa yo li kapab di: Ou fè… Yon moun ki ap pale de yon lòt moun li kapab di: Li fè… Yon moun ki ap pale de plizyè lòt moun e li nan gwoup moun yo, li kapab di: Nou fè… Yon moun ki ap pale de plizyè lòt moun e ni li ni moun li ap pale avèk li a pa nan gwoup moun li ap pale de yo a, li kapab di: Yo fè…

Vèrèt: Yonn nan pi ansyen vil nan peyi Ayiti yo ki nan Depatman Latibonit la e ki te fonde depi nan tan koloni.

Vèt: Eta yon fri ki gen koulè vè e ki gen move gou paske li pa mi.

Vètikal: Bagay ki kanpe nan menm pozisyon avèk yon moun ki kanpe dwat. Yon pozisyon ki pèpandikilè a fas tè a. Liy tout bagay ki ap tonbe sib depi kote yo soti a pou jis yo rive sou fas tè a.

W: Venndezyèm lèt nan alfabèt lang Kreyòl la.

chèf yon peyi, nan tan lontan, moun te panse ki reprezante Bondye sou tè a. Nan anpil wayòm, premye pitit gason wa ranplase li lè li mouri.

Eta tout bagay ki gen rapò avèk yon wa, fanmiy wa a. Angletè gen yon sistèm politik wayal. Kasav chèch ki bere avèk manba.

Yon peyi kote yon wa ap gouvène. Kote yon wa reye. Yon kote yon moun gen pouvwa pou dirije li tankou yon wa.

Yon bwason koulè jón ki gen anpil alkòl nan li e ki fè moun ki bwè anpil nan li sou byen vit.

Yon gwoup liv kote ekriven yo pale plis de lanmou, relasyon fi avèk gason. Nan kòmansman ventyèm syèk la anpil moun, nan tout lemond, te enterese nan li liv sa yo anpil paske yo te espere aprann anpil bagay sou relasyon fanm avèk gason nan liv sa yo.

Aksyon de moun ki gen relasyon entim. De moun sa yo kapab ale mache nan yon pak pandan yo kenbe men, yo ap bo tanzantan. Yo kapab ale nan bal, ale nan sinema. Viv yon lavi ki sanble avèk lavi womantik yo esplike nan liv yo.

Ekriven ki pale de relasyon entim yo avèk fi nan tout liv avèk tèks yo ekri. Yon ekriven ki ekri woman.

Eta yon ekriven ki pale de sa li santi, de sa ki soti nan fon kè li. Ekriven sa yo pale de fanmiy yo, relasyon yo avèk lòt moun, pwoblèm yo, kontantman yo.

Fòm yon bagay ki sanble avèk yon boul ki koupe an de moso e nan mitan. Yon bagay ki gen menm fòm avèk yon lalin antye.

Eta yon bagay ki won. Soti nan yon kwen yon bagay, epi pase nan tout kwen li san pase yon kote de fwa, pou jis rive nan pwen kòmansman an.

Yon kalfou kote pliske de ri rankontre epi moun ki responsab sikilasyon nan zòn sa oblije kontwi yon wonn nan mitan kalfou sa pou fè tout machin ki rive nan kalfou sa a sib menm direksyon an pou evite aksidan. Nenpòt kote anpil bagay, moun rankontre ansanm pou yo diskite yon lide.

Nenpòt bagay won ki kole nan yon bagay lou pou pèmèt bagay la deplase lè yo ap vire san yo pa deplase kite pwen kote mitan yo kole a.

Yon koulè ki menm koulè avèk pati nan san yon èt vivan ki pa blan an.

Eta yon moun, yon bagay yon moun ap vire tou won san li pa janm deplase kite pwen kote mitan li kole a. Eta yon wou ki ap vire.

Benefis yon moun jwenn nan men yon lòt moun san san li pa depanse anyen pou sa. Aksyon yon moun ki gen yon machin epi li aksepte yon lòt moun vini monte andedan li san peye mèt machin nan pou transpòtasyon an.

Yon moso bagay won ki fèt an bwa, an plastik e moun kapab kenbe li pou woule sou yon lòt bagay pou plati bagay sa a.

Woulèt: Ti wou ki anba yon bagay pou fè deplasman bagay la vini pi fasil. Moun kapab deplase yon bagay ki gen woulèt anba li san moun nan pa leve bagay la.

chemen. Tras sou tè a moun kapab itilize pou yo ale kote yo bezwen ale. Nenpòt mwayen yon moun, yon bèt itilize pou rive yon kote.

Lage, voye dlo sou yon bagay tankou lapli pou li kapab mouye. Kiltivatè wouze plantasyon yo pou ranplase travay lapli, nòmalman, fè pou jaden.

Wòb: Rad koutiryè fè pou fi mete sou yo. Yon rad ki gen yon kòsaj avèk yon jip ki kole ansanm. Yon rad pè yo avèk kèk pastè mete sou yo pou fè seremoni nan legliz yo.

Wòch: Yon boul ki fòme nan tè, men ki pi di pase tè. Wòch rasanble plis nan rivyè, bò lanmè.

Y: Venntwazyèm lèt nan alfabèt lang Kreyòl la.

Yon pwonon moun ki ap ekri ou byen moun ki ap pale itilize pou yo pale de aksyon plizyè lòt moun lè ni moun ki ap pale ou byen ki ap ekri a pa patisipe nan aksyon an.

(Rio Frio), Non yon rivyè nan Depatman Sant la ki pase sou kote Mayisad e dlo li toujou frèt, kèk lè li frèt tankou yon dlo ki soti nan refrijeratè. Non an se yon konbinezon de mo lang Espanyòl moun nan zòn nan pate kapab pwononse.

En. Mo moun ki ap pale ou byen ekri mete devan lòt mo pou fè konnen yo ap pale de yonn nan gwoup bagay sa a. Yonn.

Mo moun itilize lè yo ap pale ou byen ekri pou fè konnen yo ap pale de yon sèl bagay nan yon gwoup. Yon.

Yon jwèt ki gen de moso materyèl won ki gen epesè yon santimèt avèk mitan yo kole ansanm pou yon fil kapab vlope nan espas an yo de a. Fil sa gen yon longè ki kapab soti nan wotè senti yon moun pou rive atè. Yon jwè kapab mare yon pwent fil la nan de moso materyèl yo epi mare lòt pwent la nan dwèt majè li. Pou kòmanse jwèt sa, yon jwè gen pou li vlope fil la nan mitan de moso materyèl yo, lage yo pou yo desann nan direksyon tè a epi rale yo monte. Li kontinye fè menm bagay la san rete.

Yuityèm nonb nan nonb pozitif yo. 8. Sèz divize pa de. Kat plis kat. Sis plis de. Dis mwens de.

Yè: Yon jou ki te deja pase, men gen sèlman vennkat èdtan, yon jou, depi jou sa te pase. Yon jou ki pase anvan dènye jou a te pase.

Yon kote ki lwen anpil. Yon vwayaj ki pa gen destinasyon, finisman.

Yon peyi nan sid-lès kontinan afriken an. Kapital peyi sa rele Arare. Lang ofisyèl peyi a se Anglè, men moun yo pale plizyè lòt lang.

Pati andedan vyann kò tout yon vètebre pou bay vètebre a fòm. San zo, moun te ap sanble avèk yon boul vyann. Nenpòt bagay ki kenbe yon lòt bagay pou li kanpe. Jwèt Zo, Yon jwèt moun jwe avèk de ti bwat ki gen sis bò, yo chak, e ki gen mak ki reprezante pwen: yon pwen, de pwen jis rive sou sis.

Aksyon yon moun ki pliye tout dwèt li epi frape yonn nan dwèt sa yo nan mitan tèt yon lòt moun. Aksyon yon moun ki gen madanm ou byen ki gen mari epi ki aksepte koupe avèk yon lòt gason ou byen yon lòt fi. Adiltè.

Bay yon moun plizyè zoklo. Aksyon yon moun ki jwenn madanm ou byen mari yon lòt moun pou li koupe avèk li.

Yon espri ki pote mesaj e ale fè nenpòt travay yon bòkò voye li fè. Zonbi kapab fè nenpòt bagay paske bòkò voye li fè paske li pa vizib. Yon moun ki sispann grandi twò bonè nan lavi.

Pati nan dwèt pye, dwèt men moun ki gen koulè blan e ki pa janm sispann grandi.

Yon boul yon plant donnen anba tè, men pye li grandi sou tè a tankou yon pye siv. Li bay manje bon gou, li pike tankou yon piman anvan li bouyi nan dlo. Lè li bouyi li pèdi gou li paske li bay manje a tout gou li. Moun manje zonyon san kwit tou, nan salad.

Yon grenn yon pye bwa donnen e grenn sa tou won, li gen plizyè tranch, nannan avèk ji. Gen anpil varyete zoranj, men de pi gran kategori yo se zoranj-si avèk zoranj dous. Zoranj Dous, Yon zoranj ki dous e moun itilize li pou fè ji ou byen pou manje lè yo fini retire po a. Zoranj Si, Yon zoranj ki prèske gen asid menm jan avèk sitwon e moun itilize li pou lave vyann. Zoranj Sirèt, Yon zoranj ki pa janm dous tankou sik, men li pa janm twò si tou. Ayisyen itilize li pou fè konfiti, tizán e latriye. Peyizan ayisyen kwè zoranj sa bay moun apeti.

Yon moun ki posede anpil lajan e ki itilize lajan li posede yo pou kontwole lòt moun ki gen konesans, pouvwa e nenpòt lòt bagay li kapab peye moun pou resevwa li.

Bagay moun itilize pou ede li fè yon travay. Gen kèk travay moun pa kapab fè san zouti paske zouti a nesesè. Yonn nan liy sèvis yon pwogramè itilize pou li mete tout kòmand ki sanble avèk zouti moun ki ap itilize pwogram nan bezwen pou yo fè travay yo.

Yon bagay long ki nan mitan janb tout gason, tout mal bèt. Moun, bèt itilize zozo yo pou mete dechay andedan fi, femèl bèt.

Yon bèt ki gen anpil plim sou prèske tout kò li, ki gen yon bèk avèk zèl li kapab itilize pou li vole. Gen zwazo ki piti anpil e gen zwazo ki gwo anpil. Zwazo pa pouse pitit yo tou vivan, men ponn ze epi yo kouve ze yo. Moun manje vyann, prèske, tout zwazo. Yon ekspresyon moun itilize pou di yon moun sanble avèk yon ti zwazo ki ap vole e nenpòt moun ki vle kapab tire sou li pou touye li. Yon inosan.

Yon moun tankou yon ti bebe ki toujou ap kriye, tout tan. Yon moun ki pa janm fatige anniye lòt moun.

Zòbòy: Yon aksidan ki rive kote yon moun frape yon pati nan kò li epi pati sa vini gonfle tankou yon gwo bouton.

Zòn: Yon moso tè kote ki gen plizyè kay toupre e tout moun ki ap viv nan kay sa yon toujou ap rankontre. Kèk fwa tout moun sa yo, yonn konnen lòt. Yon destinasyon.

Zòrèy: Pati nan kò moun ki kanpe sou de kwen tèt li e ki gen yon tou nan chak bò tèt la pou moun kapab tande son.

Yon zwazo koulè gri ki renmen rete sou kote ravin avèk larivyè paske se nan dlo sa yo li kapab jwenn bagay pou li manje, tankou ti pwason.

Zòtèy: Senk dwèt moun gen nan chak pye li yo. Pi gwo a rele pous epi lòt yo rele ti zòtèy.

Yon fòs, yon konesans an plis yon moun pa genyen e li bezwen li pou defann tèt li ou byen mete plis fòs, plis konesans sou sa li deja genyen. Sekou ki nesesè pou yon moun jwenn pou li kontrekare yon obstak. Wòl yon moun ki pote sekou jwe pou yon moun ki bezwen sekou.

Lès. Yonn nan kat pwen kadinal yo ki nan direksyon kote solèy la leve a chak maten. Avanse nan yon direksyon, men pa janm rete sou yon liy dwat.

Non yon femèl lwa nan vodou ayisyen.

Òdinatè: Yon machin, entelijan anpil, ki fè yon revolisyon nan fason moun kominike avèk lòt moun, avèk lòt machin e konsève tèks yo ekri. Gen anpil diferans nan òdinatè, men se de diferans ki pi enpòtan: Sèvitè avèk Pèsonèl. Malgre diferans sa yo, tout òdinatè gen senk pati sa yo: klavye, monitè, sourit, òdinatè a menm, avèk enprimè a. Moun rele tout senk pati sa yo òdinatè, men òdinatè a se kote ki resevwa kòmand klavye a avèk sourit la epi voye kòmand sa yo nan yon diskèt, yon enprimè ou byen nenpòt lòt machin byen lwen pandan li ap itilize yon liy telefòn. Machin sa pèmèt moun ekri nenpòt longè donkiman soti nan yon lèt pou rive nan plizyè milye fraz tankou yon liv. Yon moun ki itilize òdinatè pou ekri kapab mete nenpòt imaj nan tèks la e li kapab fè lèt yo nenpòt gwosè. Bagay yon moun ekri sou òdinatè kapab enprime sou papye ou byen konsève sou yon diskèt pou itilize yon lòt lè. Nenpòt tèks moun ekri sou òdinatè, machin nan kapab faks li, voye li sou fòm lèt-eletwonik bay yon lòt òdinatè, e latriye. Moun kapab itilize òdinatè nan plas televizyon, faks machin, aparèy telefòn, repondè telefòn e anpil lòt bagay toujou.

Plizyè moun ki reyini, ap travay ansanm, e yo ap chache menm bagay la pou tèt yo ou byen pou yon konpayi. Plizyè moun ki mete tèt ansanm pou pousib yon lide tankou yon lide biznis.

Òkèt: Yon kontraksyon nan gòj yon èt vivan ki anpeche lè soti pou moun nan respire nòmalman. Moun ki gen òkèt kapab santi yon ti sekous prèske chak dis segond konsa. Sa a se rezilta lè avèk bagay ki anpeche lè a sikile a. Anvan kèk moun mouri yo genyen yon òkèt ki kontinye a diminye pandan moun nan ap avanse pi pre lanmò a.

Fason mo nan yon lang fèt pou ekri. Lide, prensip pou ekri mo nan yon lang. Yon mwayen moun itilize pou yo ekri sa moun di lè yo ap pale yon lang.