Eksplore konesans an kreyòl: atik, diksyonè, gid pratik

Sitadèl-Laferyè

Pi gwo moniman nan peyi Ayiti ki nan nò peyi a e sou yon mòn nan do vil Sen-Rafayèl. Ayisyen te konstwi li sou gouvènman Anr Kristòf ki te yon wa nan zòn sa a. Kote batiman sa a sitiye a te ede wa a defann wayòm li kont lòt peyi e lòt pati nan peyi Ayiti a menm ki te gen yon lòt gouvènman nan tèt li. Jodia, Sitadèl la se yonn nan pi gwo mèvèy nan lemond.

Mayisad

Yon vil nan Depatman Sant la ki toupre kapital depatman an, Ench. Maïssade.

Piyon

Yon vil nan Depatman Nò peyi Ayiti ki toupre Mayisad; anviwon 18 kilomèt konsa.

Evolye

Pase soti nan yon etap pou rive nan yon lòt etap moun konsidere ki pi bon, pi rafine. Kite yon pèsonalite, karaktè ki sanble avèk eta bèt ap viv.

Tetin

Yon pati nan yon bibwon ki fèt an plastik pou rantre nan bouch yon bebe san li pa fè ti bebe a mal lè bebe a peze sou li pou vale nouriti a.

Balans

Yon enstriman pou mezire pwa yon bagay, yon moun. Yonn nan siy owoskòp yo. Nivo kote yon bagay gen menm pwa avèk yon lòt.

Otowout

Yon wout plizyè liy machin kapab kouri sou li yonn sou kote lòt an vitès e pa gen limyè sikilasyon sou wout sa.

Bibwon

Yon boutèy avèk tetin pou nouri bebe.